Zifumaneka Phi Iimpendulo?

Lo ngumbuzo obuzwa ngabaninzi namhlanje. Umfundisi-ntsapho waseNovosibirsk, eRashiya, wafumanisa ukuba akukho lula ukufumana iimpendulo zemibuzo eyayibuzwa ngabafundi bakhe engoThixo nonqulo. Kwileta yakhe wacacisa wenjenje:

“Ngenye imini ukufika kwam ekhaya, ndafumana iphecana elinomxholo othi ‘Isizathu Sokuba Unokukholosa NgeBhayibhile.’ Esikolweni ndifundisa ezembali, yaye ngokufuthi ndimele ndixubushe nabafundi ngemixholo efana necawa, iBhayibhile kunye noThixo. Maxa wambi kunzima kakhulu ukufumana iimpendulo zemibuzo ebuzwa ngabantwana.

“Ngaphambili, ndandisoloko ndicinga ukuba abantu banxibelelana noThixo kuphela xa beneengxaki. Kodwa ngoku ndiqinisekile ukuba oku akuyonyaniso ngokupheleleyo. Kwakhona umntu usenokubuza: ‘Kutheni oku kusenzeka kum? Ndingubani? Ndivela phi? Ndiza kuya phi xa ndifile?’ Kubalulekile ukufumana iimpendulo zale mibuzo. Kubonakala ngathi iBhayibhile ineempendulo ezichanileyo.”

Lo mfundisi-ntsapho waqukumbela ngelithi: “Ndibhala le leta ngenxa yokuba ndifuna ukwazi okungakumbi ngeBhayibhile noThixo.”

AmaNgqina kaYehova alathisa abantu eBhayibhileni ukuze bafumane iimpendulo zale mibuzo. Hlolisisa incwadi ethi Ulwazi Olukhokelela Kubomi Obungunaphakade. Phakathi kwezahluko zayo ezili-19 kukho umxholo othi: “Ngubani UThixo Oyinyaniso?,” “Kutheni Sisaluphala Size Sife?,” nothi “Kutheni UThixo Evumele Ukubandezeleka?” Unokuzifunela owakho umbhalo wale ncwadi yokufundisisa iBhayibhile inamaphepha ali-192 ngokuzalisa iphetshana elingezantsi uze ulithumele kwidilesi eboniswe kulo okanye kwidilesi efanelekileyo kwezidweliswe kwiphepha 5 leli phephancwadi.

□ Ncedani nindithumelele umbhalo wencwadi ethi Ulwazi Olukhokelela Kubomi Obungunaphakade.

Chaza ulwimi.

□ Ncedani niqhagamshelane nam ngokuphathelele isifundo seBhayibhile sekhaya sesisa.