“Ndicela Nindincede! Ndithembele Kuni”
LE YINDLELA UGQIRHA weKaunas Medical University eseLithuania awayiqukumbela ngayo ileta yakhe awayibhalela iofisi yamaNgqina kaYehova kwelo lizwe. Lo gqirha wathi:
“Emsebenzini ndiye ndaqalisa ukufunda incwadi ethi Imibuzo Yabantu Abaselula—Iimpendulo Eziluncedo. Ndiye ndazimisela ukusebenzisa inkcazelo yayo kwamanye amanqaku am, kodwa le ncwadi iye yalahleka. Kuyabonakala ukuba yathatyathwa ngumntu othile. Oku kwandikhathaza kakhulu—into yokuphulukana nento exabiseke ngolu hlobo. Ncedani nindithumelele omnye umbhalo.
“Le ncwadi ndiyifuna ngamandla kuba ndityelela izikolo yaye ndisebenza nabantu abaselula, yaye le ncwadi indinceda ndikwazi ukuphendula uninzi lwemibuzo yabo. Ukuba ndinokufumana omnye umbhalo wayo, ndiya kuwugcina ekhaya ndize ndiwunyamekele gqitha. Le ncwadi iqulethe okuthile okuxabisekileyo, yaye yiloo nto kanye ebangele ukuba ithatyathwe. Kula maxesha obunzima, kufuneka umntu afumane amandla kwindawo ethile. Ndicela nindincede! Ndithembele kuni.”
Incwadi ethi Imibuzo Yabantu Abaselula iphendula imibuzo yabantu abaselula emininzi, efana nothi: “Ndinokubenza Njani Abazali Bam Ukuba Bandinike Inkululeko Engakumbi?,” “Ngaba Ndifanele Ndilishiye Ikhaya?,” “Ndinokuzenzela Njani Abahlobo Bokwenene?,” “Luhlobo Olunjani Lomsebenzi Endimele Ndiwukhethe?,” “Kuthekani Ngokuba Neentlobano Zesini Ngaphambi Komtshato?,” nothi “Ndinokwazi Njani Ukuba Luthando Lokwenene?” Le mibuzo ingasentla yimixholo embalwa yezahluko zale ncwadi. Ukuze uzifumanele owakho umbhalo wale ncwadi, zalisa iphetshana elingezantsi uze ulithumele kwidilesi eboniswe kulo okanye kwidilesi efanelekileyo kwezidweliswe kwiphepha 5 leli phephancwadi.
□ Ncedani nindithumelele umbhalo wencwadi ethi Imibuzo Yabantu Abaselula—Iimpendulo Eziluncedo.
□ Ncedani niqhagamshelane nam ngokuphathelele isifundo seBhayibhile sekhaya sesisa.