Leza Nomoya

Elinye inene lalihamba kwizitrato zaseMumbai, eIndiya, kwaza kwabakho umoya owashiya iphecana phambi kwayo. Eli yayiliphecana iKingdom News No. 36, elinomxholo othi “Iwaka Leminyaka Elitsha—Ikamva Likuphathele Ntoni?” Lo mxholo wayithimba ingqalelo yeli nene. Lingaphozisanga maseko, lalichola laza lalifunda lonke. Laba nomdla wokufumana inkcazelo engakumbi, ngoko lacela iBhayibhile nezinye iimpapasho.

Eli phecana, lipapashwe ngamaNgqina kaYehova, liqulethe imibandela eyomeleza ukholo. Lichaza ngokucacileyo ukuba iingxaki esijamelana nazo, kuquka ukugula, ubuhlwempu nemfazwe, zibangelwa “kukubawa, ukungathembani nokuzingca—izinto ezingenako ukupheliswa yinzululwazi, ubugcisa okanye ezopolitiko.” Kwakhona eli phecana libonisa ukuba kwikamva elingekude, uThixo uya kuphelisa bonke ubungendawo obusemhlabeni.

Ngaba ungathanda ukufunda okungakumbi ngezithembiso zeBhayibhile ngekamva? AmaNgqina kaYehova aqhuba izifundo zeBhayibhile kwizigidi zamakhaya abantu, esebenzisa iimpapasho ezisekelwe eBhayibhileni, kuquka incwadana enemifanekiso ethi Yintoni UThixo Ayifunayo Kuthi? Le ncwadana inemifanekiso iphendula imibuzo efana nale: Ngubani uThixo oyinyaniso? Yintoni injongo kaThixo ngomhlaba? Buyintoni uBukumkani bukaThixo? IBhayibhile inokubuphucula njani ubomi bentsapho yakho?

Ukuba ungathanda ukuba amaNgqina kaYehova akutyelele ekhayeni lakho ukuze akuncede uqonde oko uThixo aya kukwenza kwikamva elingekude, aya kukuvuyela ukwenjenjalo yaye aya kukunika inkcazelo engakumbi ngokuphathelele uBukumkani bukaThixo. Nceda uzalise iphetshana elingezantsi ukuze akwazi ukukunceda.

□ Ncedani nindithumelele umbhalo wencwadana enemifanekiso ethi Yintoni UThixo Ayifunayo Kuthi?

□ Ncedani niqhagamshelane nam ngokuphathelele isifundo seBhayibhile sekhaya sesisa.