UYesu Wanikela Ngobomi Bakhe Ngenxa Yabaninzi

UYesu Kristu waxelela abalandeli bakhe ukuba weza emhlabeni “kungekhona ukuze alungiselelwe, kodwa ukuze alungiselele nokuze anikele ngomphefumlo wakhe ube yintlawulelo ngenxa yabaninzi.” (Mateyu 20:28) Ngokuzithandela wanikela ngobomi bakhe ngenxa yabanye abantu.

UYesu wabahlawulela njani abantu ngokufa kwakhe? Kwakutheni ukuze oku kube yimfuneko? UYesu wabuncamela bani ubomi bakhe? Yaye ukufa kwakhe kuthetha ntoni kuwe?

AmaNgqina kaYehova ayakumema ukuba uhlanganisane nawo njengoko ehlolisisa indlela iBhayibhile eyiphendula ngayo le mibuzo. Kulo nyaka, isikhumbuzo sokufa kukaYesu siya kuba NgoLwesibini, Matshi 30, emva kokutshona kwelanga. Le mibuzo ingasentla iya kuphendulwa ngokusuka eZibhalweni kweso siganeko.

Unokuya kwiHolo yoBukumkani ekufutshane nekhaya lakho. Sicela ubuze amaNgqina kaYehova akwindawo ohlala kuyo ngexesha nendawo esiza kuqhutyelwa kuyo.