“Ndalila Ndakuyifunda”

● La mazwi angasentla abhalwa lelinye ibhinqa laseIllinois, eUnited States emva kokuba lifunde incwadi ethi Oyena Mntu Ubalaseleyo Wakha Waphila. Kwileta yalo elayibhalela abapapashi bale ncwadi lathi: “Ndinethemba yaye ndithandazela ukuba abantu abaninzi baya kukuvuyela ukufunda ngoYesu njengokuba nakum bekunjalo.”

Incwadi ethi Oyena Mntu Ubalaseleyo ibalisa ngobomi bukaYesu njengoko kwabhalwa ngabo kwiincwadi eziphefumlelweyo ngabantu ababephila naye, uMateyu, uMarko, uLuka noYohane. UMateyu noYohane ngabapostile ababehamba noYesu. UMarko wayengumhlobo osenyongweni kaPetros omnye wabapostile bakaYesu. Ugqirha uLuka wayehamba nompostile uPawulos.

Ukuba ungathanda ukufumana le ncwadi inemifanekiso, sicela uzalise eli phetshana lingezantsi uze ulithumele usebenzisa enye yeeadresi ezidweliswe kwiphepha 5 leli phephancwadi.

□ Ndicela nindithumelele incwadi eboniswe apha.

□ Ndicela niqhagamshelane nam ngokuphathelele isifundo seBhayibhile sekhaya sesisa.