UYesu ‘Ususa Isono Sehlabathi’

● UYohane uMbhaptizi wathi uYesu ‘ususa isono sehlabathi.’ (Yohane 1:29) Oku kwabalaselisa indima kaYesu ekusindisweni kwabantu abathobelayo.

Kodwa kwakutheni ukuze kufuneke ukuba uYesu ade afe ukuze asindise aboni? Yintoni awayifezayo ngokunikela ngobomi bakhe? Ngubani ongenelwayo ngokufa kwakhe? Kunokuthetha ntoni oko kuwe?

Nyaka ngamnye, amaNgqina kaYehova ayahlanganisana ukuze akhumbule ukufa kukaYesu. Kulo nyaka, esi Sikhumbuzo siza kuba ngeCawa, Aprili 17, emva kokutshona kwelanga.

AmaNgqina kaYehova ayakumema ukuba ube kunye nawo xa ekhumbula ukubaluleka kokufa kukaYesu. Apho kuza kusetyenziswa iBhayibhile ukuphendula le mibuzo ingasentla.

Usenokuya kwindawo ekufutshane nalapho uhlala khona. Sicela ubuze amaNgqina kaYehova endawo ohlala kuyo ngendawo nexesha esiza kuqhutywa ngalo iSikhumbuzo.