IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • km 12/15 iphe. 2
  • ‘Hamba Ngokholo Kungekhona Ngokubona’

No video available for this selection.

Sorry, there was an error loading the video.

  • ‘Hamba Ngokholo Kungekhona Ngokubona’
  • Ubulungiseleli Bethu BoBukumkani—2015
  • Amanqaku Afanayo
  • “Sinike Ukholo Olungakumbi”
    IMboniselo Evakalisa UBukumkani BukaYehova—2015
  • Hamba Ngokholo
    Ubulungiseleli Bethu BoBukumkani—1996
  • Hambani Ngokholo, Kungekhona Ngokubona!
    IMboniselo Evakalisa UBukumkani BukaYehova—2005
  • Bonisa Ukuba Unokholo Kwizithembiso ZikaYehova
    IMboniselo Evakalisa UBukumkani BukaYehova (Efundwayo)—2016
Khangela Okunye
Ubulungiseleli Bethu BoBukumkani—2015
km 12/15 iphe. 2

‘Hamba Ngokholo Kungekhona Ngokubona’

Ngaphambi nje kokuba kungqingwe kuze ekugqibeleni kutshatyalaliswe iYerusalem, umpostile uPawulos wabhala wathi amaKristu, njengamajoni amahle kaKristu afanele abulindele ubunzima ibe eyona nto iphambili kuwo ayifanele ibe kukuphila kamnandi nokuthanda iziyolo. (2 Tim. 2:3, 4) Ngenxa yentlekele eza kwehlela eli hlabathi lingendawo, kufuneka sibe nokholo olomeleleyo ize eyona nto iphambili kuthi ibe yimisebenzi yamaKristu. (2 Kor. 4:18; 5:7) Bukela ividiyo ethi ‘Hamba Ngokholo Kungekhona Ngokubona.’ (Yiya kujw.org/xh uze ujonge ngaphantsi kwendawo ethi IIMPAPASHO> IIVIDIYO.) Phawula indlela ukuthanda ubunewunewu ngokugqithiseleyo okwaba ngumgibe oyingozi ngayo kuNaham noAbhitali. Emva koko, phendula le mibuzo ilandelayo.

(1) Yayiyintoni ‘into elizothe emi kwindawo engcwele’ kwinkulungwane yokuqala ibe sisiphi isigqibo amaKristu ayefanele asenze? (Mat. 24:15, 16) (2) Kutheni ukusaba esixekweni kwakufuna ukholo? (3) Ziintoni ekwafuneka azincame xa ayesaba? (4) Kwakutheni ukuze uNaham noAbhitali bangakhawulezi bahambe? (Mat. 24:17, 18) (5) Kukuphi ukuvavanywa kokholo okongezelelekileyo awajamelana nako uRakeli xa wayeshiya iYerusalem? (Mat. 10:34-37; Marko 10:29, 30) (6) UEtan wawumisela njani umzekelo omhle wokuba nokholo nokuthembela ngoYehova? (7) Bubuphi ubunzima ajamelana nawo amaKristu ePella? (8) Ukholo lukaNaham noAbhitali lwaba buthathaka njani ngokuthe ngcembe? (9) UYehova wawanyamekela njani amaKristu ayehlala ePella? (Mat. 6:33; 1 Tim. 6:6-8) (10) Sinokumxelisa njani uAbraham noSara njengoko sijamelene nesiphelo sale nkqubo yezinto? (Heb. 11:8-10) (11) Ziintoni ababezicinga uNaham noAbhitali ezabangela ukuba babuyele eYerusalem ibe kutheni loo ndlela yokucinga yayiphosakele? (Luka 21:21) (12) Babunjani ubomi eYerusalem ukubuyela kukaNaham noAbhitali? (13) Kutheni sifanele someleze ukholo lwethu ngoku ngaphambi kokufika kwesiphelo sale nkqubo yezinto?—Luka 17:31, 32; 21:34-36.

Ukuhamba ngokholo kuthetha (1) ukuthembela ngolwalathiso lukaYehova, (2) ukuvumela ulwalathiso lwakhe lukhokele amanyathelo ethu (3) ukubonisa ukuba imisebenzi yamaKristu ibaluleke ngaphezu kobunewunewu. Ngamana singazimisela ukuhamba ngokholo, sinethemba lokuba “ihlabathi liyadlula nenkanuko yalo, kodwa lowo wenza ukuthanda kukaThixo uhleli ngonaphakade.”—1 Yoh. 2:17.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share