Icebiso Lento Onokuyenza Xa Ufunda
Ngaba iyakunceda indlela ezicaciswe ngayo iivesi zeBhayibhile kwiSikhokelo Sokuphanda SamaNgqina KaYehova?
Indlela ezicaciswe ngayo inokukunceda uphande nzulu ngeLizwi LikaThixo. Isenokuchaza nokuba kwakunjani xa kwakusenzeka izinto ekuthethwa ngazo kwivesi yeBhayibhile, isizathu sokuba ibhalwe, abantu ekuthethwa nabo okanye into ethethwa ngamagama akuloo vesi.
IWatchtower ONLINE LIBRARY neJW Library ziveza iimbekiselo zevesi yeBhayibhile ezikwiSikhokelo Sokuphanda. Ezi mbekiselo unokuzifumana kwindawo ezifakwa kuyo iimbekiselo zayo nayiphi na inguqulelo yeBhayibhile efumanekayo apho.
Xa usebenzisa ezi mbekiselo jonga ukuba zezanini. Amanqaku amatsha aba sekuqaleni. Xa usehla uza kufumana amadala ekusenokwenzeka ukuba anemfundiso esiyilungisileyo indlela ebesiyiqonda ngayo.
Iimbekiselo zeevesi ezikwiSikhokelo Sokuphanda zihlala zikhona kwiWatchtower ONLINE LIBRARY.
Ukuze zivele iimbekiselo zevesi kuJW Library, dawunlowuda iSikhokelo Sokuphanda uphinde usidawunlowude xa sihlaziyiwe. Le nto unokuyenza ngokucofa indawo ephezulu ethi Download ekwindawo ezifakwa kuyo iimbekiselo zesahluko seBhayibhile.