Umxholo Wonyaka Wama-2012

“Ilizwi lakho liyinyaniso.”—YOHANE 17:17.

Simbulela ngokwenene uBawo wethu osemazulwini onothando ngokusityhilela inyaniso! ILizwi lakhe lisixelela eyona ndlela ifanelekileyo esinokuphila ngayo nenokusibangela ukuba siphumelele ebomini. Liyasikhusela ekusukeleni izinto eziyingozi nezililize, lisikhulula kubuxoki bonqulo, lize lisinike uxolo lwengqondo. Libangela ukuba siphile ubomi obunentsingiselo ngoku lize lisinike ithemba eliqaqambileyo ngekamva.

Inyaniso isimanyanisa nezigidi zabazalwana bethu abasemhlabeni wonke. Okubaluleke nangakumbi kukuba iBhayibhile isifundisa ngoYehova ize isibonise indlela esinokusondela ngayo kuye. Masingaze sisijongele phantsi esi sipho sikaYehova. Masihlale sivuyiswa yinyaniso size siyivumele isikhokele kuzo zonke iindlela zethu.