Yehova Aahaahukhumo Anamavaanyiha

Nuuvira okathi vakhaani Aisarayeeli eri moothakoni, atthu nkhama Kora, Dataani, Abiraami ni alopwana akina 250, yaahihiya omwiiwelela Moise ni yaahipakeya okhala anamavaanyiha. Awo yaahinleela Moise wiira: ‘Noophweeleya ni nyuwo! Seeni nniipaka nnyu okhala namalamulela nhu? Ni seeni Arooni oriiye nankutto meekhe? Yehova khari ni nyuwo meekhinnyu, masi-tho ori ni hiyo ootheene nhu.’ Yehova khaadhiveliwe ni moolumo ale. Mwa moonelo wa Yehova, alopwana ale yaanrukunuwela veene!

Moise aahimwaakhula Kora ni ale yaankhalihera airaka: ‘Atthu yare meelo ohiihiyu oTabernaakulu vaava, ni atthu yaaraka yaaruhe erupani neeyele para Yehova. Yehova onoomoonihera taani onthanlale iye.’

Mmeelom-mwa, Kora ni alopwana 250 yaahirowa ni Moise Otabenaakulu ni yaaheeyela erupani para Yehova. Masi yaakhulelihiwa opaka elo, yaari anankuttho pahi. Ndho Yehova aahinleela Moise ni Arooni wiira: ‘Atthu veena ehitakaihane ni Kora vamodha ni axirikha-ye.’

Ata Kora aaronwe ni Moise Otabernaakulu, Dataani, Abiraami ni imudhi-dha, yaahikhootta orowa. Ndho Yehova aahaaleela atthu ootheene wiira ehaattamele eheema ya Kora, Dataani, ni Abiraami. Mwawaakuveya, Aisarayeeli ootheene yaahafastari. Dataani, Abiraami ni imudhi-dha yaari vaate wa iheema-dha. Naanaanoru naahikhumeleela nlitti nawiisa naaminrye anamavaanyiha ale! Ni moottharelana Yehova aahikhumihera mooro wiirimu yoowo waamweyenle Kora ni alopwana ale 250 yaari Otabernaakulu.

Nuuvenya, Yehova aahinleela Moise wiira: ‘Mwaakuse attootto 12 akhutta nihimo na Aisarayeeli, ni khuta ttootto mmwaatikhe ndhina na nkhulupale a nihimo nno. Masi ttootto a nihimo na Levi, mwaatikhe ndhina na Arooni. Nuumala-vo attootto awo mwaapwehe Otabernaakulu; ttootto a nlopwana kinthanlalaka wiira akhale nankuttho onoomela ifoloore.’

Mmeelom-mwa, Moise aahirowa waakusa attootto ale Otabernaakulu. Munnidhuwela etthu yaakhumelenle? Ttootto a nloko na Arooni aahimela ifoloore. Moise aahaakusa attootto ale ni awooniha ahooleli a khuta nihimo. Ndho atthu ootheene yaahikhupali wiira Yehova aahinthanla Arooni wiira akhale nankuttho.