18-24 A AGOSTO
MIRUKU 27
Ncipo 102 ni Nivekelo | Moolumo Oopacera (1 min.)
1. Mireerelo Nimphwanya nhu Mwaha wa Okhalana Axirikha Eekhweeli
(10 min.)
Moolipa nrima axirikha eekhweeli anoowerya onivaha miruku ninramela nhu (Mir 27:5, 6; Owehaweha 09/2019 epaax. 5 etti.12)
Axirikha eekhweeli pooti okhala oolikaneene wiira enikhalihere waaxira amudhi nhu (Mir 27:10; Estudo Perspicaz vol. 2 epaax. 1215 etti. 5)
Axirikha eekhweeli anoowerya onikhalihera okhalana mweettelo wooreera (Mir 27:17; Owehaweha 09/2023 epaax. 10 etti. 7)
2. Mihakhu dha Omunepani
(10 min.)
Mir 27:21—Moopora ninoonela nhu vaavo ninttottopeliwa nhu onoonihera dhai ontthu nhu? (A Sentinela 15/09/2006 epaax. 19 etti. 12)
Mihakhu seeni mphwannye nnyu okathi mwaansoma nnyu Biibiliya esumana ela mwaatthuna nnyu okomentari?
3. Osommwa wa Biibiliya
(4 min.) Mir 27:1-17 (Wiixutiha yoosoma 5)
4. Opaceriha Ovaanela
(3 min.) EMPA NI EMPA. Ntthu owo oneettela etiini ehikhanle ya ekiristau. (Waapheta Atthu yoosoma 6 epontu 5)
5. Owiriiha Atthu Odhiveliwa
(4 min.) OLALEERYA MOOHIIKOCIHERA. Moonihere Eviidiyu eri eliista ya ikaruma dhinninkhalihera ohudhiha. (Waapheta Atthu yoosoma 8 epontu 3)
6. Mwaha
(5 min.) ijwyp yoosoma 75—Muru: Eseeni Kinreerela aka Opaka Nxirikha aka Akinyoonyiha? (Wiixuttiha yoosoma 14)
Ncipo 109
7. ‘Nxirikha Eekhweeli Onnikhala Munna Okathi Wooxankiha’
(15 min.) Mwaha.
Yehova oonivaha emudhi ya olumwinku wootheene mwemmo ninweryanhumo waaphwanya axirikha oopheta. Hata niweryaka waataana ni atthu ootheene a mmulokoni, taani ari axirikha nhu eekhweeli? Oxirikha onnilipa mwaha wa oviriha okathi, vamodha owiriyanana, ororomelana, otthukulelana nrima, oleelana dhawiiraneya dha mweekumini ni wooniherana opheta ni miteko. Tivondho, wiira nikhalena oxirikha woolipa ontthuneya okathi ni wiilipihera.
Nsome Miruku 17:17. Moottharelana mwaakohe alipa oowiriyana wiira:
Seeni eri awa etthu ya miruku olipiha oxirakha nhu nenna-va ehinaakuve maxakha muulupale opacera?
Munsome 2 aKorinto 6:12, 13. Moottharelana mwaakohe alipa oowiriyana wiira:
Ovarihela nteko iveersu idha on’ya onikhalihera dhai waapaka axirikha ooreera?
Moone EVIIDIYU ‘Khula Etthu Yookhalana Okathi-ya’—Onnivira okathi wawaatta wiira nipake oxirikha. Moottharelana mwaakohe alipa oowiriyana wiira:
Eseeni nhudhenre nnyu ni eviidiyu ela voohima dha waapaka axirikha?
Nyuwo pooti opacera opaka oxirikha muntheihaka ni onkoha ehaali ntthu owo ni moottharelana nnoowerya olipiha oxirikha owo mooniheraka wiira ntthu owo tootthuneya wa nyuwo. Wiira nikhalena oxirikha woolipa onnivira okathi wawaatta, tivondho npise nrima. Mwaahihiye olipiha oxirikha nnyu ni atthu akina, nnoowerya okhalana oxirikha wa mahiku ootheene.