29 A SETEMBRO–5 A OUTUBRO
MUSUWELI 3-4
Ncipo 93 ni Nivekelo | Moolumo Oopacera (1 min.)
Nvirihe okathi nri vamodha nsomaka voohima dha Yehova
1. Anamathelana, Nlipihe Ekasamentu Nnyu ni Waataana Winyu ni Yehova
(10 min.)
Mwaadhye okathi wooreerela wiira nvaanele. (Mus 3:1; ijwhf artigo. epaax. 10 etti. 2-8)
Nkhalena yoolema ya ovara miteko vamodha. (Mus 4:9; Owehaweha 05/2023 epaax. 23-24 etti. 12-14)
Nlipihe waataana winyu ni Yehova. (Mus 4:12; Owehaweha 05/2023 epaax. 21 etti. 3)
MWIIKOHE WIIRA: ‘Akhala wiira kinaweetta nkwaha meekhaaka aahiidho orowa ontekoni kinaviriha okathi wawaatta kiri ottaiwene ni amwaaraka aahiidho ni amamunaka, eseeni ekhanle okhumelela ni ekasamentu nhu?’
2. Mihakhu dha Omunepani
(10 min.)
Mus 3:8—Eversu ela entthuna olottani vaavo enlotta awa wiira wookhala “okathi woonyokha?” (Estudo Perspicaz “Amor” etti. 39)
Mihakhu seeni mphwannye nnyu okathi mwaansoma nnyu Biibiliya esumana ela muntthuna nnyu okomentari?
3. Osommwa wa Biibiliya
(4 min.) Mus 4:1-16 (Wiixuttiha yoosoma 2)
4. Opaceriha Ovaanela
(3 min.) EMPA NI EMPA. Munrumeele A Sentinela N°. 1 a 2025 wiira mpacerihe ovaanela. Mmutari mwaha mwaaya nnyu olotta nuumala ntthu munlottannyuna woonihera odhiveliwa ni mwaha nkina. (Waapheta Atthu yoosoma 2 epontu 5)
5. Owiiriha Atthu Odhiveliwa
(4 min.) OLALEERYA MOOHIKOCIHERA. Munvahe yoosoma ya Biibiliya ntthu mwaanvanhe AA Sentinela N°. 1 a 2025. (Waapheta Atthu yoosoma 9 epontu 4)
6. Mwaha
(5 min.) Waapheta Atthu apendisi A epontu 12—Muru: Muluku Naxariya ni Khanaathanya Atthu. (Wiixuttiha yoosoma 19)
Ncipo 131
7. Okathi Munviriha Nnyu Mixankiho Nkasamentu Mwinyu Nroromele Malakihero a Yehova
(15 min.) Mwaha.
Yehova ohaavaha anamathelana itthu dhootheene anramela awa wiira ekhalena ekasamentu yoohakalala. Masi hata eri dhiidho, awo annilipelela waaphwanya mixankiho. (1 aKor 7:28) Masi akhala wiira mixankiho idho khadhimphukiwa mwawaakuveya, anamathelana awo pooti ohihakalala ni wuupuwela wiira mixankiho idho khadhinre imale. Akhala wiira nenna-va munniviriha nxankiho nkhama owo nkasamentuni mwinyu, eseeni munreerela nnyu opaka?
Eviidiyu Opheta Weekhweeli Eseeni? enniwoonihera anamathelana marapasi yaawo anviriha mixankiho dhuulupale nkasamentuni-mwa. Niire munnuupuwela miruku Megan aavahiwe iye ni apaapa-ye vaavo aatthuna iye opaka yoothanla ahuupuwenle moonelo wa Yehova voohima dha mwaha ole?
Moone EVIIDIYU Opheta Weekhweeli Eseeni?—Ekhaani. Moottharelana mwaakohe alipa oowiriyana wiira:
Seeni eri awa etthu yooreera anamathelana otthara miruku dha Yehova okathi anviriha awa mixankiho nkasamentuni-mwa?—Yes 48:17; Mit 19:6
Akhala wiira munviriha mixankiho dhuulupale nkasamentuni mwinyu, mmwaattamele Yehova mpakaka mavekelo, orowela mithumumano, onsoma Biibiliya ni ovara nteko woolaleerya. Mwiilipihere ophuka mixankiho dhinyu mwawaakuveya nttharaka malakihero a mBiibiliyani. Nthokodhe nrumeelaka iliivuru dhihu wiira ndhuwele moopora Yehova onoonela iye mwaha owo ni ele onlipelela iye wiira mpake. Mwapaka elo nnawoonihera wiira munnitthuna okhaliheriwa ni owo ni waakhela mareeliho-ye.—Mir 10:22; Yes 41:10.
Moone EVIIDIYU Nhihiye Mootothiwaka ni Nrettele Weetheru!—Darrel ni Deborah Freisinger. Mootharelana mwaakohe alipa oowiriyana wiira:
Eseeni nhudhenre nnyu voohima dha ophuka mixankiho dhuulupale nkasamentuni ni ntakihero na anamathelana Freisinger?
8. Yoosoma ya Biibilya ya Muluko
(30 min.) Nhudhe ni Dhawiiraneya dha Mbiibiliyani yoosoma 22, moolumo oopacera mphantta 5 ni yoosoma 23