Wuuluula Ipontu Dhuulupale

Niire mwaataka osoma mwaha mmodha noovira okathi nliyala ni nhikuupuwela etthu nsomme nnyu? Ivaara dhawaatta elo enniraneya ni khuta mmodha a hiyo. Eseeni ekhanle wookhaliherani okathi eniiraneya awa elo? Wuuluula ipontu dhuulupale pooti wookhaliherani.

Vaavo munpaka nnyu yoosoma nnyu, mweemele okathi vakhaani wiira mwaaatikhe ipontu dhootepa otthuneya. Nrummwa Paaulu aahakhalihera atthu yaaya ekasoma ewarakha-ye opaka etthu emodharu, owo aalontte wiira: ‘Vano, etthu yuulupale ya mwaha ninlotta nhu tiila.’ (aHeb. 8:1) Moolumo ala a Paaulu yaahakhalihera atthu yaanwiriyana ontthara vaavo aalotta iye ni wiiwaasasa khuta etthu yaavarihana ni mwaha ole muulupale.

Nyuwo nnoowerya opaka elo mwiivahaka okathi vakhaani, noomala omaliha yoosoma nnyu nkhama minuutu 10 wiira muupuwelele itthu vakhaani mmanle nnyu osoma. Nitho akhala wiira khannuupuwela etthu nsomme nnyu, ntthikele woona miru dhuulupale aahiidho moolumo nkhama ettima emodha yoopacera ya mwaha mmanle nnyu osoma, akhala wiira nnoopaka elo enawookhaliherani ohiliyala itthu nsomme nnyu. Ndho akhala wiira nhundhe etthu epheya mweehererye olotta ni moolumo nnyu. Wuuluula itthu dhuulupale nhundhe nnyu pooti wookhaliherani ohiliyala. Ohiya-vo, pooti wookhaliherani woona miyaha ikhanle wookhaliherani mweekumini mwinyu.