Nttottele Nreerelo Ireferensiya Krusaata

Ireferensiya krusaata dha Tradução do Novo Mundo da Bíblia Sagrada, dhinnoonihera moopora ipaarti dhikina dha Biibiliya dhinvarihana awa. Ireferensiya idho dhinnoonihera iveersu dhikina dhinvarihana ni mwaha owo ni dhinnilotta itthu dhikina. Wiira mphwanye ereferensiya emodha, toko-toko nkoce eleetera enkhala wookhidherani wa nuulumo nimodha aahiidho wa moolumo makina. Eleetera elo, enawookhalihera ophwanya iveersu dhikina dhinvarihana ni mwaha owo. Ndho akhala wiira nninrumeela Biibiliya awimpirimiriwa, nnoowerya ophwanya eleetera elo nkocaka ekuluna eri variyari. Masi akhala wiira nninrumeela Biibiliya ori va jw.org aahiidho aplikatiivu JW Library^®, nttapunye eleetera eri wookhidherani wa nuulumo.

Mwa ntakihero, ireferensiya krusaata inoowerya wookhaliherani ophwanya miyaha dhoovirikana nkhama:

Yawiiraneya emodharu: Ereferensiya elo ennooroihani eliivuru ekina ya mbiibiliyani enlotta voohima dha yawiiraneya emodharu. Mwa ntakihero, mmoone 2 Samuweli 24:1 ni 1 Wahala 21:1.

Otthikeliwa olottiwa moolumo mamodharu: Ereferensiya elo ennoonihera yawaatikiwa yoopacera enlotta nuulumo aahiidho moolumo awo. Mwa ntakihero, mmoone Matheyo 4:4 ni Otumererya 8:3.

Eprofesiiya ni waakhwanela-wa: Ereferensiya elo ennilotta eprofesiiya emodha ni waakhwanela-wa. Mwa ntakihero, mmoone Matheyo 21:5 ni Zakariya 9:9.