Yeesu ‘Aahihudha Wiiwelela’

Okathi wootheene Yeesu onnimwiiwelela Yehova. (Yohani 8:29) Ndho seeni Biibiliya onlotta iye wiira: ‘[Owo] aahihudha wiiwelela mwaha wa itthu aahaanwe iye’?—aHeb. 5:8.

Okathi Yeesu aari iye valaponi aahiviriha mixankiho dhawaatta aahaatanke iye oviriha ari wiirimu. Mwa ntakihero, nnaamwi anaan’yari-ye yaari oororomeleya wa Yehova, awo yaari atthu oohimalela. (Luka 2:51) Nitho owo aahithokoreriwa moohixariya ni ahooleli a itiini ni makhulupale a ikuveernu. (Math. 26:59; Mar. 15:15) Ohiya-vo, ‘owo aahiiyeviha ni aahiiwelela mpakha okhwa’ mwa enamuna yootepa owereya.—aFil. 2:8.

Itthu idho dhootheene dhaahinhudhiha Yeesu enamuna epheya ya wiiwelela. Ndho itthu idho dhammwiiriha owo okhala Mwene ni Nankuttho Muulupale oomalela, aaya akawerya wiiwasasa mixankiho dhihu. (aHeb. 4:15; 5:9) Nuumala Yeesu ohudha okhala awiiwelela mwaha wa itthu aahaanwe iye, owo aahitepa okhala ootthuneya vamaithoni va Yehova. Nitho hiyo pooti okhala ootepa otthuneya vamaithoni va Yehova, akhala wiira khaninhiya okhala awiiwelela hata okathi wooxankiha.—Yak. 1:4.