Ekumi Nhu En’ya Okhala Dhai Nhoolo?

Ekumi nhu en’ya . . .

okhala dhiidhaala?
otepa otakhala?
aahiidho okhala yooreera?

BIIBILIYA ONLOTTA WIIRA

‘Muluku . . . onamuukuttha maithori aya ootheene: Khunrowa okhala-tho okhwa, nnakhala oriipiwa nrima, aahiidho ikutho nnakhala ohaawa. Tthiri olumwenku wa khalai woovira.’—Wiisuupulula 21:3, 4, Biblia Solempwa Sowarya.

SEENI ERI AYA YOOREERA ODHUWELA ELO?

Nyuwo mun’ya ookhalana nteko wooreera ni woohakalaliha. —Yesaya 65:21-23.

Okhala olumwinku woohikhalana iretta ni ohaawa.—Yesaya 25:8; 33:24.

Okhalana ekumi yoohimala ni ohakalala vamodha ni axirikha naamudhi nnyu.—Esalimo 37:11, 29.

Nlopwana ni nthiyana elipelaka moororomela nhoolo; mwanamwane anthiyana arekariki mittaikho; atthu etekaka empa

NINOOWERYA OKHUPALI ELE BIIBILIYA ONLOTTA IYE?

Aayo, mwaha wa mathowa maili:

Muluku ookhalana owerya woomalihera yoolaihera ela. Mbiibiliyani, Yehova onniitthaniwa okhala “Nanwerya Dhootheene,” okhala wiira owerya-we khommala. (Wiisuupulula 15:3) Tiivo owo onoomaliha mixankiho dhahu dhootheene. Biibiliya onlotta wiira, “khiyavo etthu Muluku onoocela iye.”—Matheyo 19:26.
Muluku onnitthuna omalihera yoolaihera ela. Mwa ntakihero, Yehova ohinkheliwa ni atthu ale akhwiye ni ontthuna waahihimusa.—Yobi 14:14, 15.

Nitho Biibiliya onlotta wiira Yesu, mwaana a Muluku, ahaapenusa aretta. Seeni ahalaka opaka elo? Okhala wiira atthuna wakhalihera aatthu. (Marko 1:40, 41) Yesu ahoonihera moomalela mikhalelo dha Muluku aakhaliheraka atthu.—Yohani 14:9.

Ndho nikhupali wiira Yehova ni Yesu annitthuna onikhalihera wiira nikhalena ekumi yoohakalala nhoolo!—Esalimo 72:12-14; 145:16; 2 Pedru 3:9.

NKUUPUWELANI:

Ntthu athoonyaka eversiikulu ya mbiibiliyani

Muluku on’ya wiiriha dhai ekumi nhu okhala yooreera?

Biibiliya onnaakhula nikoho nlo va MATHEYO 6:9, 10 ni DANIYELI 2:44.