Nyuwo Nnimoonela Dhai Biibiliya?
Nnuupuwela wiira Biibiliya . . .
eliivuru ya miruku dha apinaatamu?
elivuru ya ihanttisi ni itthu dhawoothiwa?
aahiidho Nuulumo na Muluku?
BIIBILIYA ONLOTTA WIIRA:
‘Dhoolempwa dhoothene Dhuupuseriwe ni Muluku.’—2 Timótheyo 3:16, Bibliya Solempwa Sowarya.
SEENI ERI AYA YOOREERA ODHUWELA ELO?
Nnoophwanya waakhuliwa wa makoho ootthuneya a mwekumini.—Miruku 2:1-5.
Miruku dhoororomeleya dha khuta nihiku.—Esalimo 119:105.
Nlipelelo neekhweeli na nhoolo.—aRoma 15:4.
NINOWERYA OKHUPALI ELE BIIBILIYA ONLOTTA IYE?
Aayo, mwaha wa mathowa mararu:
Ovarihana wuulupale. Biibiliya aatikhiwe mwa iyaakha 1.600 ni atthu 40. Akinakuya khadhuwelanne. Hata eri dhiidho, Biibiliya ootheene toovarihana ni onttittimihera mwaha mmodha!
Miyaha dha ekhweeli. Ivara dhawaatta atthu annivitha dhovonya dha atthu aya. Masi atthu yaamwatikha Biibiliya khiyaavitha dhoovonya-dha ni dhoovonya dha atthu a nloko-na.—2 Wahala 36:15, 16; Esalimo 51:1-4, Tradução do Novo Mundo da Bíblia Sagrada.
Iprofesiya dhoororomeleya. Mwa nlikanyiho Biibiliya aahilotta wiira Babiloniya aayaa onyaanyiwa. (Yesaya 13:17-22) Nitho aahilotta moopora Babiloniya aaya iye onyaanyiwa ni ndhina na ntthu aaya onnyaanya. Eprofesia ela yairanennye nuumala iyaakha 200!—Yesaya 45:1-3.
Nitho iprofesiya dhawaatta dha mBiibiliyani dhaahireya hata ni miyaha mikhaani-mikhaani. Ni tiyeelo nalipelela nhu Nuulumo na Muluku—2 Pedru 1:21.
NKUUPUWELANI
Nuulumo na Muluku nin’ya okhalihera dhai ekumi nnyu?
Biibiliya onnaakhula nikoho nlo va YESAYA 48:17, 18 ni 2 TIMOOTHEYO 3:16, 17.