Ekumi Epacenre Dhai?

Biibiliya onlotta wiira ‘Muluku topattunse ekumi.’ (Esalimo 36:10) Niire nyuwo munnikhupali elo? Atthu akinaku khankhupali wiira Muluku topattunse ekumi. Akhala wiira ti dhiidho, ekumi nhu ekhumelenle meekhaya ni khiyaana yoolakela. Masi akhala wiira Yehova topattunse ekumi, nyuwo khamunkhupali wiira elo yookhalana yoolakela-ya?a Nirowe noone ele Biibiliya onlotta iye dha moopora ekumi epacenre awa ni seeni hiyo ninreerela nhu okhupali elo.

1. Olumwinku opacenre mooporani?

Biibiliya onlotta wiira: ‘woopacerani Muluku opattunse erimu ni elapo.’ (Maphattuwelo 1:1) Masiyentiista awaatta annikhupali wiira olumwinku oroopattusiwa ni wookhalana woopacerani. Masi, olumwinku opacenre mooporani? Muluku aarumeenle owerya wa ikuru-dhe aahiidho nnepa-ye woottela wiira apattuse olumwinku, ohela mpuwa ikalaakisiya, itthitteeri ni iplaneeta.​—Maphattuwelo 1:2.

2. Eseeni emwiirinhe Muluku opattusa elapo?

Yehova Muluku ‘khapattunse elapo mahaleene, masi opattunse wiira ekhaliwe.’ (Yesaya 45:18) Muluku aahipattusa elapo ni yoolakela, owo aatthuna wiira elapo ekhale nipuro nooreera wiira ekhaliwe ni apinaatamu mahiku ootheene. (Munsome Yesaya 40:28; 42:5.) Masiyentiista annidhuwela wiira elapo nipuro nooreera oxira iplaneeta dhikina. Awo khawenrye ophwanya eplaneeta ekina erina itthu dhootheene dhintthuneya wiira apinaatamu ekhale akumi.

3. Eseeni eniwiiriha apinaatamu okhala oovirikana ni inama?

Noomala opattusa elapo, Yehova aahipattusa mittaikho ni inama. Moottharelana, ‘Muluku aahimpattusa ntthu ailikanyihaka mwaneene.’ (Nsome Maphattuwelo 1:27.) Moopora seeni apinaatamu ari awa ootepasa otthuneya? Mwaha wa wiira awo apattusiwe elikanyihiwaka ni Muluku, niire dho, awo anniwerya otakiha mikhalelo dha Muluku nkhama opheta ni exariya. Nitho Muluku onipattunse ni owerya wuulupale wa ohudha ilottelo, onidhivela itthu nkhama odesenyari ni owiriyana miyuusika. Moovirikana ni inama, hiyo nookhalana eparakha yuulupale ya onrumeela Mpattusa nhu.

NHUDHE ITTHU DHIKINA

Nirowe noone itthu tthaaru: (1) Etthu enoonihera wiira ekumi eroopattusiwa, (2) etthu enoonihera wiira ele Biibiliya onlotta iye voohima dha opattusiwa wa elapo ti yookhalela ni (3) etthu mikhalelo dha apinaatamu dhinnihudhiha awa voohima dha Yehova.

4. Ekumi eroopattusiwa

Apinaatamu annittottopeliwa vaavo ampaka awa itthu etakihaka itthu dhipattusiwe. Nyuwo khannoona wiira ole opattunse itthu dhootheene onnireerela ottottopeliwa waaxira apinaatamu? Moone EVIIDIYU, nuuvinya mwaakhule nikoho ninttharelana.

EVIIDIYU: Niire Muluku Ookhala? (2:43)

• Itthu seeni apinaatamu apanka awa etakihaka dhoopattusiwa?

Khuta empa entekiwa ni ntthu. Ndho taani opattunse itthu dhootheene dhiri moolumwinkuni? Munsome aHeeberi 3:4, nuuvinya mwaakhule makoho anttharelana:

• Moolumwinkuni dhookhalamo itthu dhawaatta dhipakiwe saana ni dhooreera. Ndho itthu seeni dhihinreera woodhivelani?

• Nnoona wiira onnireerela okhupali wiira ookhala opattunse itthu dhootheene dhiri moolumwinkuni? Eseeni enwiirihani wuupuwelela dhiidho?

Niire mwaanidhuwela?

Nyuwo pooti ophwanya miyaha dhikina ni iviidiyu nsaaitini jw.org epaarti eni: “Será Que Houve Um Projeto?” ni “Pontos de Vista Sobre a Origem da Vida.”

‘Mweekhweeli, khuta empa entekiwa ni ntthu, masi Muluku topattunse itthu dhootheene’

5. Itthu dhootheene Biibiliya onlotta iye dha moopora itthu ipattusiwa awa ekhweeli

EVIIDIYU: Niire Olumwinku Oroopattusiwa?​—Ekhaani (3:51)

• Niire Biibiliya onhudhiha wiira elapo ni itthu dhootheene dhiri nlaponi dhipattusiwe mahiku 6, khuta nihiku nikhalakana iwoora 24?

• Nnoona wiira ele Biibiliya onlotta iye dha moopora itthu ipattusiwa awa ekhweeli? Mwaha wa seeni?

Nsome Maphattuwelo 1:1, nuuvinya mwaakhule nikoho ninttharelana:

• Masiyentiista anlotta wiira olumwinku wookhalana woopacerani. Ndho elo envarihana dhai ni ele mmanle nnyu osoma mBiibiliyani?

Atthu akinaku anlotta wiira Muluku orumeenle othatuwa wiira apattuse itthu dhootheene dhirina ekumi. Nsome Maphattuwelo 1:21, 25, 27, nuuvinya mwaakhule makoho anttharelana:

• Niire Biibiliya onhudhiha wiira Muluku orumeenle othatuwa wiira apattuse ihopa, inama ni apinaatamu? Aahiidho Muluku oroopattusa itthu dhootheene khula etthu ni ‘etiipu-ya’?b

6. Apinaatamu yoopattusiwa ya vameekhaaya ya Muluku

Yehoova onipattunse mwa enamuna yoovirikana ni inama. Nsome Maphattuwelo 1:26, nuuvinya mwaakhule nikoho ninttharelana:

• Apinaatamu annoonihera opheta ni othunku okhala wiira apattusiwe elikanyihiwaka ni Muluku. Ndho elo ennihudhihani voohima dha ontthu wa Yehova?

WUULUULA

Yehova topattunse olumwinku ni itthu dhootheene dhirina ekumi.

Ipontu dhuulupale

• Biibiliya onhudhihani voohima dha moopora olumwinku opacenre awa?

• Niire Muluku orumeenle othatuwa wiira apattuse khula etiipu ya itthu dhiri nlaponi, aahiidho oroopattusa?

• Eseeni eniwiiriha apinaatamu okhala yoopattusiwa ya vameekhaaya?

NTHOKODHE ITTHU DHIKINA

Moone itthu dhiri nlaponi dhinoonihera wiira ookhala Mpattusa.

“Dhoopattusiwa dhinnihudhihani?” (Despertai!, Setembro de 2006)

Moone moopora anaan’yari akhanla awa waaleela anaaya akhaani ele Biibiliya onlotta iye dha moopora itthu ipattusiwa awa.

“Yehova . . . Oopattusa Itthu Dhootheene” (2:37)

Moone akhala wiira yoohudhiha yawi itthu iroothatuwa ennivarihana ni ele Biibiliya onlotta iye.

“Niire Muluku Orumeenle Othatuwa Wiira Apattuse Itthu ikumi?” (Mwaha ori nsaaitini jw.org)

Atthu akinaku anlotta wiira makalakadha a makhuva a khalai ni miyaha dha siyensiya dhinoonihera wiira itthu iroothatuwa. Niire elo ekhweeli?

A Origem da Vida—Cinco Perguntas Que Merecem Resposta (ebroxura)