Niire Anamoona a Yehova Makiristau Eekhweeli?

Hiyo Anamoona a Yehova, ninnikhupali nihaakanyeraka wiira na Makiristau eekhweeli. Mwaha wa seeni? Yoosoma ela, nin’ya woona opuro dhinkhuma awa dhookhupali dhihu, seeni niniitthaniwa nhu Anamoona a Yehova ni moopora ninoonihera nhu ophetana nkina ni nkhwe.

1. Dhookhupali dha Anamoona a Yehova dhinkhuma oowi?

Yesu olontte wiira: ‘Nuulumo [na Muluku] ti neekhweeli.’ (Yohani 17:17) Nkhama Yesu, dhookhupali dha Anamoona a Yehova dhinkhuma mBiibiliyani. Moone moopora nipanke nhu elo ni yawiiraneya nhu ya olelo-va epacenre mwakha wa 1870. Okathi ole, ekhurupu ekhaani ya anamansoma a Biibiliya yaahipacera onsoma Biibiliya ni ephoole. Awo yaatthuna odhuwela ele Biibiliya onhudhiha iye. Okathi yaaiwasasa awa etthu emodha ya mBiibiliyani, awo yaanikhupali ni nrima-ya wootheene hata elo yaavirikana ni itthu dhaahudhihiwa ni ikerexa. Nuuvinya, awo yaahipacera waahudhiha atthu akina ikhweeli idho dha mBiibiliyani. a —Moone enoota.

2. Seeni niniitthaniwa nhu ‘Anamoona a Yehova’?

Yehova onniwiitthana atthu aninkokhorela okhala anamoona iye, okhala wiira awo anilaleeya ikhweeli voohima dha yeene. (aHeeberi 11:4–12:1) Mwa ntakihero, khalai Muluku aahaleela atthu-ye wiira: “Anamon’aka ti nyuwo.” (Munsome Yesaya 43:10.) Yesu onniitthaniwa okhala “Namoona Oororomeleya.” (Wiisuupulula 1:5) Tivondho, mwaakha wa 1931 naahipacera orumeela ndhina naawi Anamoona a Yehova. Hiyo ninnihakalala vawaatta okusa ndhina nna.

3. Anamoona a Yehova antakiha dhai opheta Yesu oonihenre iye?

Yesu aanaapheta vawaata ahudheri-ye, owo aathokorerya nkhama amudhi-ye. (Munsome Marko 3:35.) Emodha-modharu, Anamoona a Yehova ari nkhama emudhi emodha yawiirana ya olumwinku wootheene. Tivondho awo aniitthanana awa anna ni arokora. (Fileemoni 1, 2) Nitho, hiyo ninniiwelela yooruma enlotta wiira: “Mwaaphenteke anna a olumwenku wotheene.” (1 Pedru 2:17) Hiyo Anamoona a Yehova ninnoonihera opheta iwo mwa inamuna dhoovirikana, saasaasa okathi dhinkhumelela awa mixankiho annihu enatthuneya okhaliheriwa.

NHUDHE ITTHU DHIKINA

4. Dhookhupali dhihu dhinkhuma mBiibiliyani

Yehova aahilotta khalairu wiira omwiiwasasa wihu Biibiliya waamwaacerereya. Munsome Daniyeli 12:4, nuuvinya mwaakhule nikoho ninttharelana:

• Eseeni yaaya waacerereya okathi atthu a Muluku yaaya awa onsoma saana Biibiliya?

Moone moopora ekhurupu ya anamansoma Biibiliya yapaka awa wiira emwiiwasase Biibiliya, onhela mpuwa Charles Russell. Moone EVIIDIYU, nuuvinya mwaakhule nikoho ninttharelana.

EVIIDIYU: Awo Yaahiphwanya Ekhweeli ya Mbiibiliya (7:45)

• Nkhama moone nnyu eviidiyu, Charles Russell ni atthu akina yansoma dhai Biibiliya?

Niire mwaanidhuwela?

Ivaara dhikina, hiyo ninnilokihera omwiiwasasa wihu Biibiliya. Mwaha wa seeni? Okhala wiira Muluku onninikhalihera wiiwasasa Nuulumo-ne vakhaani-vakhaani nkhama dhiidhaale waarya wa ndhuwa ompacera awa vakhaani-vakhaani. (Nsome Miruku 4:18.) Ekhweeli wiira Biibiliya khammotareya, masi okathi niniiwasasa nhu saana ele Biibiliya onlotta iye ninnilokihera dhookhupali dhihu.

5. Hiyo Anamoona a Yehova ninkhala moovarihana ni ndhina nihu

EVIIDIYU: Ndhina Ninnidhuweliha (2:40)

• Seeni ndhina naawi “Anamoona a Yehova” niri awa nootthuneya?

Eseeni Muluku aathanlale iye atthu wiira ekhaale anamoona-ye? Okhala wiira anamoona awo yaaya omwaakiha Yehova mwaha wa itthu dhawoothiwa onootheriwa iye. Nirowe noone itthu piili dhinoonihera wootha iwo.

Itiini dhikina dhinhudhiha wiira Muluku ontthuna wiira atthu enkokhorele erumeelaka ilatarato. Niire elo ekhweeli? Munsome Onamukuttho 26:1, nuuvinya mwaakhule makoho anttharelana:

• Niire Muluku ontthuna wiira nirumeele ilatarato wiira ninkokhorele? Yehova onoonela dhai ilatarato?

Itiini dhikina dhinhudhiha wiira Yesu Muluku. Masi niire elo ekhweeli? Munsome Yohani 20:17, nuuvinya mwaakhule makoho anttharelana:

• Niire ekhweeli wiira Yesu Muluku? Niire Muluku ni Yesu ntthu mmodha?

• Muluku ohaathanla atthu wiira edhuwele ekhweeli voohima dha yeene ni Mwane. Nyuwo nnoonela dhai odhuwela elo?

6. Hiyo ninniphetana nkina ni nkhwe

Biibiliya onnaalikanyiha Makiristau ni miphantta dhoovirikana dha erutthu ya apinaatamu. Munsome 1 aKorinto 12:25, 26, nuuvinya mwaakhule makoho anttharelana:

• Eseeni Nkiristau ekhweeli onreerela iye opaka okathi Nkiristau nkhwe dhinimphwanya awa mixankiho?

• Eseeni nnoona nnyu voohima dha ophetana wa Anamoona a Yehova?

Vaavo Anamoona a Yehova a elapo emodha dhinaaphwanya awa mixankiho ekatthuneya okhaliheriwa, anna a ilapo dhikina annaakhalihera. Moone ntakihero nimodha, moone EVIIDIYU. Nuuvinya mwaakhule nikoho ninttharelana.

EVIIDIYU: oHaiti Aahikhumelela Sikolooni Matthew (5:29)

• Nihoona wiira okathi enkhumelela awa ehasara, Anamoona a Yehova annikhaliherana. Elo enoonihera dhai wiira awo anniphetana?

WUULUULA

Anamoona a Yehova Makiristau eekhweeli. Hiyo na emudhi ya olumwinku yootheene ya arumeyi a Muluku, dhookhupali dhihu dhinkhuma mBiibiliyani ni ninnaahudhiha atthu akina ekhweeli voohima dha Yehova.

Ipontu dhuulupale

• Seeni nithanlale nhu okusa ndhina naawi ‘Anamoona a Yehova’?

• Ninoonihera dhai wiira ninniphetana nkina ni nkhwe?

• Nyuwo nnoona wiira Anamoona a Yehova Makiristau eekhweeli?

NTHOKODHE ITTHU DHIKINA

Nhudhe itthu dhikina voohima dha anamoona a Yehova.

Testemunhas de Jeová — Fé em Ação Parte 1: Da Escuridão Luz  (1:00:53)

Moone ntakihero nimodha ninoonihera wiira Anamoona a Yehova khanoova olotta dhoohudhiha dhawoothiwa.

Arumeyi a Muluku Annivuwiha Ndhina-ne (7:08)

Moone makoho ahinreera opakiwa voohima dha Anamoona a Yehova.

“Makoho Ahinreera Opakiwa Voohima dha Anamoona a Yehova” (Mwaha ori nsaaitini jw.org)

Stephen aniirela mphantta ikirime mwaha wa nthalu. Moone moopora owenre iye opaka marukunuso noomala waadhuwela Anamoona a Yehova.

“Nrima aka Wantepa Okhala Wootakhala” (A Sentinela, 1 de Julho de 2015)