Niire Ifeesta Dhootheene Dhinnimudhivela Muluku?

Yehova ontthuna wiira nihakalale ni ivaara dhikina nipake efeesta. Masi niire ifeesta dhootheene dhinnimudhivela? Nin’ya woonihera dhai wiira ninnimpheta Yehova voohima dha mwaha ola?

1. Seeni ifeesta dhawaatta dhihimmudhivela awa Yehova?

Woonawene nyuwo pooti otikiniheya noomala odhuwela wiira ifeesta dhawaatta dhinvarihana ni dhoohudhiha dhinivonyera ele Biibiliya onlotta iye aahiidho dhinvarihana ni itiini dhawootha. Ndho ifeesta idho dhinvarihana ni onamunepani aahiidho yoohudhiha enlotta wiira ntthu okhalana erooho ehinkhwa. Nitho ifeesta dhikina dhinvarihana ni itthu dha etheru ni muupuwelo wa wiira itthu dhootheene dhinaakhumelela apinaatamu, Muluku orowaatikhela. (Yesaya 65:11) Yehova onnaalopola orumeyi-ye airaka: ‘nkhume eriyari-ya, nvalaane naawo ni nhiye ophara itthu dhoonanara.’—2 aKorinto 6:17; a Moone enoota.

2. Yehova onoonela dhai ifeesta dhinaavuwiha apinaatamu mootepana?

Yehova onninilopola wiira nihimorele nraakho wa ‘onroromela ntthu nkina.’ (Munsome Yeremiya 17:5.) Ifeesta dhikina dhoopakiwa wiira evuwihiwe atthu, anakhotto aahiidho alamuleli. Ndho ifeesta dhikina dhinvuwiha otaphuwa wa elapo, nloko aahiidho ithonyero dha elapo nkhama epantera. (1 Yohani 5:21) Nitho ifeesta dhikina dhintumererya miyaha dha epoliitika aahiidho dhoolema dha atthu. Nnoona wiira Yehova on’ya woonela dhai akhala wiira ninawiirela mphantta ifeesta dhinaavuwiha atthu aahiidho mithenkeso dhinaatumererya atthu opaka itthu dhininnanara Muluku?

3. Niire wookhalavo ovirikana itthu atthu ampaka awa okathi wa ifeesta?

Biibiliya onnikhottiha ‘otthuna itthu dhootakhala, ohapaliwa ni ifeesta dhootakhala.’ (1 Pedru 4:3) Ifeesta dhikina, atthu annipaka itthu dhootakhala ni dhawuuliha muru. Ndho wiira nikhale nxirikha a Yehova, nihaana otthawa mweettelo owo woonanara.

NHUDHE ITTHU DHIKINA

4. Nkhootte ifeesta dhihimmudhivela Yehova

Munsome aEefeso 5:10, nuuvinya mwaakhule makoho anttharelana:

• Eseeni ninreerela nhu wuupuwelela akhala wiira ninnithanla oca efeesta?

• Ifeesta seeni dhimpakiwa opuro munkhala nnyu?

• Nnoona wiira ifeesta idho dhinnimudhivela Yehova?

Mwa ntakihero, niire mootaka wiikoha wiira Muluku onoonela dhai wuupuwelela nihiku nooyariwa? MBiibiliyani khaamo nrumeyi a Yehova otanke wuupuwelela nihiku nooyariwa. Masi atthu aili anromoliwa mBiibiliyani yaatanke wuupuwelela nihiku-na nooyariwa khiyanrumeela Muluku. Munsome Maphattuwelo 40:20-22 ni Matheyo 14:6-10. Nuuvinya mwaakhule makoho anttharelana:

• Ifeesta idha piili yaapanka awa atthu ala yuupuwelaka nihiku nooyariwa dhinlikana dhai?

• Moovarihana ni dhawaatikhiwa idha, Yehova onoonela dhai wuupuwelela nihiku nooyariwa?

Woonawene munnikoha wiira: ‘Niire Yehova onawoona onanara akhala wiira kinawuupuwela nihiku nooyariwa ni orowela efeesta enivonyera ele Biibiliya onhudhiha iye?’ Munsome Okhuma 32:1-8. Nuuvinya, moone EVIIDIYU ni mwaakhule makoho anttharelana.

EVIIDIYU: Ifeesta ni Mahiku Anuupuweleliwa Ahimmudhivela Muluku (5:07)

• Seeni oraawa vootthuneya odhuwela ele enindhivela Yehova?

• Nin’ya owerya dhai opaka elo?

Nin’ya owerya dhai odhuwela akhala wiira efeesta emodha khemmudhivela Muluku?

• Niire envarihana ni dhoohudhiha dhinvonyera ele Biibiliya onlotta iye? Wiira ndhuwele, nthokodhe moopora efeesta elo epacenra awa.

• Niire ennitepa waavuwiha apinaatamu, mitthenkeso, aahiidho elapo? Hiyo nininvuwiha Yehova oxira itthu dhootheene ni ninnikhupali wiira owo onoomaliha mixankiho dha moolumwinkuni.

• Niire itthu atthu ampaka awa nihiku na efeesta ela dhinnivonyera ele Biibiliya onlotta iye okhala yooreera? Nihaana okhalana mweettelo wooreera.

5. Mwaakhalihere atthu akina ottittimiha dhookhupali dhinyu

EVIIDIYU: Mwaaleele Atthu Akina Dhookhupali Dhinyu mwa Nttittimiho (2:01)

Munsome Matheyo 7:12, nuuvinya mwaakhule makoho anttharelana:

• Moovarihana ni yawaatikhiwa ela, niire nhaana waakhanyerera amudhi nnyu wiira ehiye oca efeesta emodha?

• Mun’ya owoonihera dhai wiira munaapheta amudhi nnyu, hata muhicaka efeesta emodha vamodha ni awo?

6. Yehova ontthuna wiira nikhale atthu oohakalala

Yehova ontthuna wiira nipuhe okathi nhu woohakalaliha nivirihaka vamodha ni amudhi nhu ni axirikha nhu. Munsome Musuweli 8:15, nuuvinya mwaakhule nikoho ninttharelana:

• Yawaatikiwa ela, enoonihera dhai wiira Yehova ontthuna wiira nikhale atthu oohakalala?

Yehova ontthuna wiira arumeyi-ye ekhalena okathi wooraara ni evirihe okathi woohakalaliha eri vamodha. Moone EVIIDIYU wiira ndhuwele moopora elo enooneya awa vaavo ninaapaka nhu akonkereesu a olumwinku wootheene.

EVIIDIYU: Owoonihera Owaakhela Anna Okathi wa Konkereesu a Olumwinku Wootheene (5:40)

Munsome aGalasia 6:10, nuuvinya mwaakhule makoho anttharelana:

• Niire onnireerela wiirela mphantta ifeesta atthu ampaka awa wiira ewerye ‘waakhalihera atthu’ akina?

• Eseeni yaaya owiirihani okhala ohakalala: Niire okhanyereriwa ovaha etthu mwaha woophiya nihiku na efeesta aahiidho mwaha wootthuna opaka elo ni nrima nnyu wootheene?

• Anamoona a Yehova awaatta annaapakela ana ifeesta ikhaani wiira yaavahe etthu ehilipelelaka ophiya nihiku nooreerela. Akhala wiira mookhalana anamwane, itthu seeni dhooreera munreerela nnyu waapakela aninnyu?

WUULUULA

Yehova ontthuna wiira nivirihe okathi niri vamodha ni amudhi ni axirikha nhu. Masi owo ontthuna wiira nihiirele mphantta ifeesta dhihimmudhivela.

Ipontu dhuulupale

• Makoho seeni akhanle onikhalihera odhuwela akhala wiira efeesta emodha ennimudhivela Yehova?

• Nin’ya waaleela dhai amudhi ni axirikha nhu wiira edhuwele nthowa ninniiriha ohiirela mphantta ifeesta dhikina?

• Nindhuwela dhai wiira Yehova ontthuna wiira nikhale atthu oohakalala ni ooraara?

NTHOKODHE ITTHU DHIKINA

Moone ifeesta dhikina Makiristau ahinca awa.

“Seeni Anamoona a Yehova ahinca awa Ifeesta Dhikina?” (Mwaha ori nsaaitini jw.org)

Moone mathowa masese annikhupaliha wiira wuupuwelela nihiku nooyariwa khonindhivela Muluku.

“Seeni Anamoona a Yehova Ahinuupuwelela awa Nihiku Nooyariwa?” (Mwaha ori nsaaitini jw.org)

Moone moopora opheta onwiiriha awa anamwane onhakalaliha Yehova vaavo dhimpakiwa awa ifeesta.

Nyuwo Mookhalana Efaita wa Yehova (11:35)

Makiristau awaatta annithanla ohimuca Nataale. Awo anoonela dhai yoothanla apanka awa?

“Awo Aaphwanya Etthu Yootepa Oreera” (A Sentinela, 1 de Dezembro de 2012)