YOOSOMA 53
Nthanle Saana Maraarelo Ammudhivela Yehova
Yehova “Muluku oohakalala.” (1 Timootheyo 1:11) Owo ontthuna wiira nikhale oohakalala ni nipuhe ekumi. Owo onnindhivela vaavo ninivaha nhu okathi wiira nimumule. Ndho yooosoma ela nin’ya woona moopora woopuha okathi nhu woomumula, nihiliyalaka onhakalaliha Yehova.
1. Eseeni ninreerela nhu wuupuwelela vaavo ninthanla nhu maraarelo nhu?
Eseeni enoodhivelani opaka okathi woomumula? Atthu akina anthanla okhala owaani esomaka iliivuru, owiriyana miyuusika, woona iviidiyu aahiidho ovolowa mwinterneetini. Masi atthu akina khonaadhivela okhala owaani, awo anthanla weetta, orapelela mmuro aahiidho omweetta xooku ni axirikha-ya. Moohixikha itthu ninthanla nhu nihaana ovarerya akhala wiira maraarelo nhu ‘annaadhivela Apwiya.’ (aEefeso 5:10) Tivootthuneya wuupuwelela elo, okhala wiira itthu dhawaatta atthu anthanla awa wiira eraare, dhinhela mpuwa itthu Yehova onnyokha iye nkhama ikhotto, orupihana woohiloka ni onammunepani. (Nsome Esalimo 11:5.) Eseeni en’ya onikhalihera othanla saana maraarelo nhu?
Vaavo axirikha nhu animpheta awa Yehova, pooti oniiriha opaka etthu emodharu ni othanla maraarelo ammudhivela Yehova. Nkhama noonne nhu yoosoma 48 ‘onetta ni ndhuweli onookhala ndhuweli’. Ohiya-vo, akhala wiira ninooviriha okathi wawaatta neettaka ni atthu ahimpheta malamulo a Yehova “ninoophwanya otakhaliwa.”—Miruku 13:20.
2. Seeni oraawa vootthuneya ovarerya okathi ninviriha nhu niraaraka?
Hata oraara ninthanla nhu ori wooreera nihaana okhalana ephoole wiira nihivirihe okathi wawaatta niraaraka. Okhala wiira naviriha okathi wawaatta niraraaka khaninre nikhalena okathi wiira nivare miteko dhootepa otthuneya. Tivondho Biibiliya onnitumererya iye wiira ‘nirumeele saana okathi nhu.’—Munsome aEefeso 5:15, 16.
NHUDHE ITTHU DHIKINA
Moone mooopora woopaka dhoothanla dhooreera voohima dha maraarelo munreerela nnyu othanla.
3. Nxake itthu Yehova onnyokha iye
Seeni ninreerela nhu othanla saana maraarelo nhu? Moone EVIIDIYU, nuuvinya mwaakhule makoho anttharelana.
Seeni axooku a ikhotto yaawaniwa oRooma wa khalai anlikana awa ni maraarelo makina a olelo?
Nkhama moonne nnyu eviidiyu, eseeni Daniel ohundhe iye voohima dha maraarelo?
Munsome aRoma 12:9, nuuvinya mwaakhule nikoho nintharelana:
Yawaatikhiwa ela en’ya wookhaliherani dhai othanla saana maraarelo nnyu?
Itthu seeni Yehova onnyokha iye? Nsome Miruku 6:16, 17 ni aGalasia 5:19-21. Noomala osoma dhawaathikhiwa idha, mwaakhule nikoho ninttharelana:
Itthu seeni iromoliwe iversu idha, dhiniphwanyaneya ni maraarelo a olelo?
Mun’ya owerya dhai othanla saana maraarelo nnyu?
Mwiikohe wiira:
Enamuna seeni? Niire ennoonihera etthu Yehova oniitta iye?
Enviriha iwoora kavi? Niire enookaapasa opaka itthu dhootepa otthuneya?
Taani aniirela mphantta? Niire anookiiriha waataana ni atthu ahinimpheta Yehova?
Fataari oxaka etthu ya woopiha. Tivondho, akhala wiira maraarelo nhu khanindhuwela saana akhala wiira tooreera aahiidho tootakhala nihaana oxaka mwawaakuveya
4. Nrumeele saana okathi
Moone EVIIDIYU, nuuvinya mwaakhule nikoho ninttharelana.
Nkhama moonne nnyu eviidiyu, munna ole khoona etthu yaari yootthekeya. Masi nxankiho seene aariiyena?
Munsome aFilipi 1:10, nuuvinya mwaakhule nikoho ninttharelana:
Yawaatikhiwa ela en’ya onikhalihera dhai othanla okathi ninreerela nhu oviriha niraraaka?
5. Nthanle maraarelo nnyu ni ephoole
Ekhweeli wiira dhookhala inamuna dhikina dhooraara dhininnanara Yehova, masi dhookhala itthu dhawaatta dhooreera nikhanle nhu opaka wiira niraare. Munsome Musuweli 8:15 ni aFilipi 4:8, nuuvinya mwaakhule nikoho ninttharelana:
Enamuna seeni ya oraara enoodhivelani?
Dhookhala itthu dhawatta dhooreera nikhanle nhu opaka wiira niraare
ATTHU AKINAKU ANLOTTA WIIRA: “Kahi etthu yootthekeya woona iviidiyu aahiidho osoma iliivuru inoonihera ikhotto ni orupihana aahiidho onammunepani. Etthu yootthekeya miyo opaka itthu idho.”
Nyuwo mun’ya waakhula dhai?
WUULUULA
Yehova ontthuna wiira nithanle saana maraarelo nhu ni niraare ni itthu dhinnikhalihera.
Ipontu dhuulupale
Maraarelo seeni Makiristau anreerela awa oxaka?
Seeni ninreerela nhu okhalana ephoole ni okathi ninviriha nhu niraaraka?
Seeni nyuwo muntthuneya nnyu othanla maraarelo anindhivela Yehova?
NTHOKODHE ITTHU DHIKINA
Moone taani onreerela othanla maraarelo nnyu.
“Niire Dhookhala Iviidiyu, Miyuusika Aahiidho Iliivuru Anamoona a Yehova Anwateeriha Awa?” (Mwaha ori nsaaitini jw.org)
Moone moopora nkhanle nnyu oothanla saana maraarelo nnyu.
“Niire Maraarelo Nnyu Tooreera?” (A Sentinela, 15 de Outubro, 2011)
Nsome mwaha oni: “Koowerya Ohiya Nthalu”, wiira moone etthu yankhalihenre nlopwana mmodha orukunusa maraarelo-ye.
“Biibiliya Onnirukunusa Ikumi dha Atthu” (A Sentinela, 1 de Fevereiro, 2010)
Moone etthu yankhalihenre maama mmodha ohiya woona iviidiyu dhookhwiri.