Wiiyeviha

Nlakihero: “Nto mwiiyeviheke, khula mutthu awooneleke vatthu akhwaawe ovikana mmensawe.”—aFil. 2:3.

Etthu Aapanke iye Paaulu

Nrummwa Paaulu atthukiwe ni nkwinci ni kwaarta, vaavo owo onlotta iye mwa nttittimiho ohoolo wa Mwene Akiriipa, wa Kuvernatoore Feestu ni Berenisi.

EVIIDIYU: Paaulu Onninlaleerya Mwene Akiriipa

1. Moone EVIIDIYU, aahiidho nsome Miteko 26:2, 3. Nuuvinya mwaakhule makoho anttharelana:

Paaulu oonihenre dhai wiiyeviha vaavo aalotta iye ni Mwene Akiriipa?
Paaulu oonihenre dhai onvuwiha Yehova ni Dhawaatikhiwa ohiya yeene?—Mmoone Miteko 26:22.

Etthu Ninhudha nhu ni Ntakihero na Paaulu

2. Nhupi ninlaleerya nhu pooti otepa waadhivela atthu akhala wiira ninoolotta mwawiiyeviha ni mwanttittimiho.

Muntakihe Paaulu

3. Nlotte mwawiiyeviha. Nxake omwiiriha ntthu wuupuwelela wiira munnidhuwela itthu dhawaatta onxira owo. Masi nlotte nuuwo mwanttittimiho.

4. Moonihere wiira ele munhudhiha nnyu enkhuma mBiibiliyani. Noolumo na Muluku nookhalana miyuupuwelo dhikhanle ophara mirima dha atthu. Ndho vaavo nininrumeela nhu Biibiliya, ninniwerya onkhalihera ntthu okhalana mathowa akhanle onkhalihera olipiha waamini.

5. Nkhale oomaleleya. Nhuumelele woonihera wiira mookhalana exariya. Okhala wiira yoolakela nhu kahi onyakulihana ni atthu. Masi moonihere wiiyeviha nkhalaka oomaleleya ni ndhuwele okathi wooreerela okhuma opuro owo. (Mir 17:14; Tito 3:2) Akhala wiira nnoolotta mooreera nrima woonawene elo pooti omwiiriha ntthu waakhulela olotta ni nyuwo nihiku nikina.

NITHO MMOONE

aRo. 12:16-18; 1 aKor. 8:1; 2 aKor. 3:5