Olipa Nrima

Etthu Aapanke iye Yeesu

EVIIDIYU: Yeesu Onninlaleerya Zakewu

1. Moone EVIIDIYU, aahiidho munsome Luka 19:1-7. Nuuvinya mwaakhule makoho anttharelana:

1. Eseeni yawiiriha atthu onthanya Zakewu?

2. Eseeni yamwiirinhe Yeesu onlaleerya ihapari dhooreera?

Etthu Ninhudha nhu ni Ntakihero na Yeesu

2. Nihaana okhala oolipa nrima wiira niwerye waalaleerya atthu ootheene nhupi wa Omwene nihaathanyaka atthu akina.

Muntakihe Yeesu

3. Munroromele Yehova. Munepa wa Muluku waahinkhalihera Yeesu onvahaka ikuru wiira awerye olaleerya; nitho owo onoowerya wookhaliherani. (Mat. 10:19, 20; Luka 4:18) Akhala wiira munnoovelela onlaleerya ntthu mmodha, munvekele Yehova wiira oovaheni olipa nrima.—Miteko 4:29.

4. Nhaaphukele atthu akina. Woonawene ivaara dhikina ninnoovelela olotta ni atthu akina mwaha wa mawarelo-ya, okhala oothaciri aahiidho oottittimihiwa, mweettelo-ya wa ekumi aahiidho dhookhupali dha etiini-ya. Masi nhiliyale wiira:

1. Yehova ni Yeesu tanwerya osoma mirima dha atthu, masi hiyo naari.

2. Khaavo ntthu ohimphwanela omoreliwa ikharari ni Yehova.

5. Nkhale oolipa nrima masi nlotte mwa nttittimiho ni nkhalena ephoole. (Mat. 10:16) Nxake onyakulihana. Akhala wiira ntthu khantthuna wiiwa ihapari dhooreera aahiidho nnoona wiira khanri oophareleleya, mmalihe ovaanela iwo mwa nttittimiho.—Mir 17:14.