Malakihero Para ale Anrweenle Konkereesu

ANAMATHOONYERA Nteko anthanleliwa awa anamathoonyera wookhaliherani. Safatali, ntthare malakihero an’ya awa woovahani voohima dha opuro woopweha ikaaro, opuro woovira, opuro wookalathi ni miyaha dhikina.

OPATIISU Onoohiiwa opuro ohoolo wa epalku wiira ekilaathi-vo atthu ale an’ya opatisiwa, akhala wiira khon’ya othanliwa opuro nkina. Atthu ale an’ya opatisiwa ahaana okilathi opuro owo ohinapacere olottiwa mwaha wa opatiisu Sabadu ohiihiyu. Atthu an’ya opatisiwa ahaana okusa etuwalya ni ikuwo dhoreerela an’ya awa opatisiwana.

DHOOVAHA Woorumeeliwa nsurukhu wawaatta wiira okhale opuro wookilathi, ikaruma dhinrumiha madhu, ikaruma dhinkhumihera iviidiyu ni itthu dhikina dhimmwiiriha konkeresu okhala ooreera ni dhinnikhalihera omwaattamela Yehova. Dhoovaha munvaha nnyu ni nrima wootheene dhinnikhalihera oliveriwa itthu idho ni dhinnikhalihera nteko woolaleerya olumwinku wootheene. Nyuwo mwaatthunaka ovaha, opuro ola dhoopwehiwa ikaaxa wiira nvahe nsurukhu nnyu. Nitho, nyuwo pooti ovaha nrumeelaka esaaiti epaarti eni donate.jw.org. Dhoovaha dhinyu dhootheene dhinnixukhureliwa. Nikhuru Noolamulela ninooxukhurelani vawaatta mwaha wa ovaha winyu ni okhalihera miteko dha Omwene.

EDEPARTAMENTU ENAAKHALIHERA ARETTA Safatali, nhiliyale wiira edepartamentu ela enkhalihera ireetta dhinkumelela nananoru pahi.

EDEPARTAMENTU YA ITTHU IRIMEENLE NI ITTOTTIWE Itthu dhootheene dhinttottiwa nthukumano ola dhihaana oveleeliwa edepartamentu ya itthu irimeenle ni ittottiwe. Yoomorani etthu, nrowe opuro eri awa edepartamentu ela wiira mwakoce itthu dhoomonreni. Ni anaahima arimeenle ni aliyanle opuro ari awa anaan’yari awa ahaana oroihiwa edepartamentu yela. Wiira nhaavahe nteko wawaatta anna anvara nteko ola, safatali, mwaakhapelele aniinyu ni nhaahiye yeettaka meekha.

OPURO WOOKALAATHI Safatali, mwaarespeitari atthu akina. Mwatthunaka opweha opuro para ntthu nkina, nhiliyale wiira ohaana okhala ntthu a emudhi nnyu, oviaxanri ni nyuwo ekaaro emodha, munkhalanyuna empa emodha aahiidho ole nninsomiha nnyu Biibiliya. Safatali, nhipwehe etthu opuro nhin’ya nnyu opweha para ntthu nkina.

NTEKO WOOWIIVAHERERA Mwaatthunaka okhalihera miteko dhinvariwa konkeresu ola, safatali nlotte ni anna a edepartamentu ya dhoohimmwa ni nteko woowiivahererya.