Empa Yoottaiva ya Obabeeli

Nuuvira epula ya mutaaseke, anamwane a Nowe ni adhaariya yaahikhalana anamwane awaatta. Mwa okathi vakhani imudhi idhe dhahaacerereya, ni yanithaamela mapuro oovirikana, nkhama Yehova arumme-iye.

Masi mooriipiha nrima imudhi dhikina khidhamwiiwelela Yehova. Ni yahilotta wiira: ‘Nirowe niteke empa yuulupale ni nikakhala vamodha, empa elo ehaana okhala yoottaiva ni emphiya wiirimu. Nin’ya okhala atthu oovuuwa.’

Yehova khadhiveliwe ni etthu ele yaapakiwa, ndho ahuupuwela omalamaliha nteko ole. Munnidhuwela etthu apanke iye? Mwawaakuveya Yehova aahiwiiriha atthu ale olotta ilottelo dhoovirikana. Okhala wiira atthu khiyawerya wiwanaana, yahihiya oteka empa ele. Tivondho epooma ele endhuweliwa awa nkhama Obabeeli, ndhina nenno nintaphulela “Ohiiwanana.” Nuumala-vo, atthu yahithaamela mapuro oovirikana nkhama Yehova aalakenle iye. Masi ata ori dhiidho atthu khiyahin’ye opaka itthu dhootakhala. Masi ndho niire khaakhanle ata ntthu mmodha aampheta Yehova? Nirowe noone yawiiraneya enttharelana.