Ireferensiya dha Ekumi ni Nteko Ekateernu ya Mithukumano
© 2025 Watch Tower Bible and Tract Society of Pennsylvania
1-7 A SETEMBRO
MIHAKHU DHA MBIIBILIYANI MIRUKU 29
Nkhootte Dhoolema ni Dhookhupali Dhihinvarihana ni Biibiliya
Sentinela para o público 06/2016 epaax. 6, ekaaxa
Yaawonihiwa ya Opuro wa Omunepani Ohinooneya
Nyuwo khamuntthuneya woova minepa dhootakhala, atthu awaatta apakeya ipottha dha minepa dhootakhala. Ndho awo annirumeela maxiya aahiidho iharisi wiira yiidhaakihe. Masi nyuwo khamuntthuneya orumeela itthu idho. Okhala wiira Yehova Muluku oowerya onxira Satana. Akhala wiira nnoororomela Yehova owo onawookhapelelani. Biibiliya onlaihera wiira: “Maitho a Yehova anniweha oratteene elapo yootheene, wiira ooniherye owerya wawe aakhaliheryaka ale aniroromeleya wa yena ni murima aya wootheene.” (2 Wahala 16:9) Yehova Muluku eekhweeli, owo toweerya vawaatta onxira Satana. Tivondho, mwanroromela owo onawookhapelelani.
Ohudhera itthu inindhivela Yehova ni weettela dheidho ti itthu dhin’ya wookhaliherani okhala ookhapeleleya. Mwa ntakihero, okathi wa arummwa, Makiristau yaakhala esidadi ya wEefesu, yaahithukumanya iliivuru-dha dhootheene dhaavarihana ni maxiya aahiidho mathupu yeeyela. (Miteko 19:19, 20) Mwa enamuna mmodharu, wiira Muluku anikhapelele nihaana orahela itthu dhootheene dhinvarihana ni onamunepani. Elo enhela mpuwa ikoolaare dha mwiikimanyo, iharisi, iliivuru iniirela mphantta onamunepani, vamodha ni ikhulula dhawiidhakiha.
Owehaweha 04/2019 epaax. 17 etti. 13
Mwaakihere Ekhweeli Voohima dha Okhwa
13 Akhala wiira nyuwo munaakanyera akhala wiira yoolema emodha enindhivela Yehova, munvekele owo wiira oovaheni akhili ni waamini woolipa. (Munsome Yakobo 1:5.) Moottharelana, nyuwo pooti opaka elo nthokodhaka iliivuru dhihu. Vaarereelaka nyuwo pooti olotta ni asitokweene. Ndho asitokweene khanne yooleeleni etthu yoopaka, masi anawookhaliherani wuupuwelela malakihero ootepa otthuneya a mbiibiliyani nkhama malakihero noonne nhu woopacerani. Otthara malakihero awo anawookhaliherani ohudhiha “muupuwelo” nnyu wiira ndhuwele ovikaniha “etthu yooloka ni yoohiloka.”—aHeb. 5:14.
Owehaweha 11/2018 epaax. 11 etti. 12
‘Kinaweettela Ekhweeli Nnyu’
Miteko ni Dhoolema Ihinindhivela Yehova. Amudhi nhu aahiidho axirikha nhu a ontekoni ni a oskola pooti onitumererya wiirela epaarti ifeesta ihinindhivela Muluku. Eseeni en’ya onikhalihera okhootta dhoolema ni ifeesta dhinittittimiha Yehova? Etthu en’ya onikhalihera ori wuupuwelela moopora Yehova onoonela iye itthu idho. Nitho nihaana othokodha iliivuru dhihu wiira niwerye odhuwela mapacerero a ifeesta idho. Vaavo ninuupuwelela nhu mathowa ammwiiriha Biibiliya onikoottihera wiirela mphantta ifeesta idho, elo enninikhalihera okhupali wiira nineettela ekhweeli nipakaka ‘itthu dhinaadhivela Apwiya.’ (aEefe. 5:10) Akhala wiira ninoonroromela Yehova ni Noolumo-ne, hiyo khaninrowa “owwoova atthu.”—Mir. 29:25.
Mihakhu dha Omunepani
Estudo Perispicaz “Lisonja” etti. 1
Wiinyera
Ntthu awinnyera onnipaka elo aadhyaka wiihakalaliha mwaneene. Owo onnaattottopela atthu mwa enamuna yawootha, avuwihaka itthu dhawoothiwa, ahilottaka itthu ni nrima wootheene ni otepiha itthu. Ivaara dhikina elo ennipakiwa ni atthu yaale anadhya wiihakalaliha, ni atthu yaale aniidhoona okhalana efaita yuulupale waaxira atthu akina. Ndho mwaha wookhalana muupuwelo owo dhinnaaphwanya mixankiho. Etthu enwiiriha atthu akina winnyera ori waadhya mireerelo-dha dha weerutthuni, ndho elo ennaatumererya owiinyera aahiidho waavuwiha atthu. Ivaara dhikina ennipakiwa elo wiira ewiirihe atthu akina omorela vanrakhoni. (Mir 29:5) Nkhalelo wa winnyera khonkhumiheriwa ni odhuwela wa Muluku, owo ti wa valaponi vaava. Atthu a nlaponi tanoonihera mikhalelo dhootakhala nkhama wiitthuna, waathanya atthu akina ni wootha. (Yak 3:17) Ohilotta ekhweeli, olotta mwa enamuna yawootha, aahiidho waavuwiha atthu ni wiivaha efaita waaxira atthu akina, mikhalelo idho dhinninnanara Muluku.—2 aKor 1:12; Map 1:10; aEef 4:25; aKol 3:9; Wiis 21:8.
8-14 A SETEMBRO
MIHAKHU DHA MBIIBILIYANI MIRUKU 30
Nhikivahe Ohaawa Nnakhala Othaaciri’
Owehaweha 01/2018 ipaax. 24-25 itti. 10-12
Enamuna Seeni ya Opheta Eniphwanyiha Ohakalala Weekhweeli?
10 Ootheene nhu ninnitthuna okhalana nsurukhu, okhala wiira owo onninikhalihera. (Mus. 7:12) Niire ntthu onwerya ophwanya yawiikhuriha pahi onniwerya okhala oohakalala? Voohaakanyera onikhala oohakalala! (Munsome Musuweli 5:12.) Nrumeyi mmodha a khalai a Yehova aahiveekela airaka: “Nave muhikiirihe okhala oohaawa nnakhala thaaciri. Mukivahe paahi eyoolya enikiphiyerya.” Ninniwerya woona etthu yaamwiiriha Akuuri olotta wiira khaatthunasa ohaawa. Nkhama Akuuri olontte iye, owo khaatthuna wiiya okhala wiira Muluku onninyokha wiiya. Eseeni yaamwiirinhe Akuuri onvekela Yehova wiira khantthuna othaaciri? Owo olontte wiira: “Kihikhale oowerya nto, kookhoottekeni kiiraka: “Yehova ti pani?’” (Mir. 30:8, 9) Mooriipiha nrima, atthu akinaku anihiya onroromela Muluku mwaha mihakhu araawana.
Ntthu ompheta nsurukhu khanwerya ondhiveliha Muluku. Yeesu alontte wiira: “Khaavo oniwerya waavarela muteko mapatarau manli, maana onoomunyokha mmosa, omphenteke mukina, aahiiso ononvarexexa mmosa omuthanyeke mukina. Nyuwo khamunwerya onvarela muteko Muluku, vamosa ni Mihakhu.” Yeesu ahinakuve olotta elo aahivaha malakihero airaka: “Atthu ehiye wiithukumanyera mihakhu vathi-va, vaava oweese ni nkwitha onwerya awa ohonona, ni anatarawu anwerya awa ovolowela ni wiiya. Ohiya elo, atthu yiithukumanyere mihakhu wiirimu, weiwo nkwitha ni oweese ohinwerya awa ophiya wiira ohonone, ni weiwo anatarawu ahinwerya awa ovolowawo wiira yiiye.”—Math. 6:19, 20, 24.
12 Atthu awaatta ahoona wiira aaphwanya ohakalala mwaha wa okweihera ekumi-ya. Ohiya-vo, okhweihera ekumi nhu onninikhalihera onrumela Yehova nikhalanaka okathi wiira nivare miteko dha omunepani. Moone ntakihero na munna oniitthaniwa Jack, yoowo onkhala wEstados Unidos, owo aahithumiha empa-ye vamodha ni mireerelo-dhe wiira awerye okha piyoneiru vamodha ni mwaariye. Owo olontte wira: “Opuro nhu waari muulupale ni empa nhu yaari yooreera, ndho khiyaari etthu yookhweya othumiha mireerelo dhihu. Hata kaavara nteko mwa iyaakha dhawaatta, nkahakalala mwaha wa mixankiho kavirihaka ontekoni waka. Masi amwaaraka yaawo yaavara nkhama piyoneira ookilaatheya okathi wootheene yaakhala oohakalala. Awo okathi wootheene yaalotta wiira: ‘Miyo kininrumeela patarawu onaaxira mapatarawu ootheene.’ Mwaha wa woona moopora amwaraka yaahakalala awa, elo yookiiriha miyo okhala piyoneiru. Ndho nenna-va owaili nhu nookhalana eparakha ya onvarela nteko Yehova, vamodha.”
A Sentinela 15/05/1987 epaax. 30 etti. 8
Omoova Yehova Onawookhaliherani Okhala Oohakalala
◆ 30:15, 16—Etthu seeni yuulupale nihundhe nhu ni matakihero ala?
Atthu ahinvona anilikanyihiwa ni atthu ahimphiyeriwa. Nkhama dhiidhaale mithutu dhinnuula awa ephome, atthu ahimphiyeriwa okathi wootheene aniilipihera waadhya nsurukhu. Ndho mwa enamuna emodharu mahiye khamphiyeriwa, awo annihala ehulen’ye elipelelaka mirutthu dha alipa okhwa. Ni erukulu ehin’yara ‘enniwunlela’ ana. (Maphattuwelo 30:1) Nkhama dhidhaale etthaya yawuuma enwurya awa maadhi a epula ekatthikela wuuma. Nitho mooro oneeyela itthu dhiraheliwevo, onnikhumihera malumi a itthu oneeyela awa. Emoda-modharu eniiraneya ni atthu ohimphiyeriwa. Masi atthu aneettihiwa ni akhili a mbiibiliyani annitumereriwa oxaka wiitthuna.
A Sentinela 01/06/2011 epaax. 10 etti. 4
Onweryaneya Dhai Ntthu Okhala Moovarihana ni Makhalelo-ye?
Nvarerye itthu munramela nnyu nhinaakuve othuma. Hata opaka elo okhalaka nkhama ohisilimu, ovarerya itthu munramela nnyu nhinaakuve othuma mweekweeli elo etthu yootepa otthuneya eninkhalihera ntthu oxaka mixankiho dhinkhumiheriwa ni opaaca. Mwaha wa opaka elo, atthu awaatta annixaka opaaca ni mixankiho dhinkhumihera awa, nkhaama oliva ixuuru ni waacerereya wa iperesu wa itthu munthuma nnyu. Biibiliya onnihima ineneele okhala asiitthu ‘aakhili’ okhala wiira awo ‘annithukumanye eyooca-ya okathi woohepha’ wiira erumeele nhoolo.—Miruku 6:6-8; 30:24, 25.
Owehaweha 06/2024 epaax. 13 etti. 18
Nkhale Nletto Mpaani Mwa Yehova Mahiku Ootheene!
18 Vankhala vamiruku weemela vakhaani wiira niikoha moopora ninoonela nhu nsurukhu. Niikohe wiira: ‘Niire miyo okathi wootheene kinuupuwela nsurukhu ni itthu dhootheene kintthuna aka othuma? Akhala wiira kiniipaacihiwa nsurukhu, niire kinnilekela ottikiha kuupuwelaka wiira mwaneene khanrameela naanaano? Niire kinniidhoona okhala ntthu ootepa otthuneya waaxira atthu akina mwaha wa okhalana nsurukhu wawaatta ni onikiliperya okhala ntthu oovaha? Niire miyo kinniwoona atthu akina opheta itthu dha veerutthuni mwaha wa okhalana nsurukhu? Niire kinnitepa waataana ni atthu arina nsurukhu waahiya atthu oovelavela?’ Ootheene nhu nookhalana eparakha ya okhala nletto mpaani mwa Yehova. Masi akhala wiira nintthuna ovikaniha okhala nletto mpaani mwa Yehova nihaana oxaka opheta nsurukhu. Ndho napaka elo, Yehova khankhala-khala aninyanyalaka!—Munsome aHeeberi 13:5.
Mihakhu dha Omunepani
A Sentinela 15/04/2009 epaax. 17 itti. 11-13
Dhoopattusiwa Dhinnoonihera Odhuwela wa Yehova
Epila yoopattusiwa ekhaani masi ekhanle onihudhiha itthu dhootepa otthuneya. (Nsome Miruku 30:26.) Epila enoolikana nnamarokolo, masi maaru-ya tookhuveya ni ittottopwa-dha ti dhookhuveya. Mwaasinama ola nkhaani, onkhala mmamiyaakoni. Ipila dhookhalana maitho inaakhalihera woona saana, ni mmacukuni dhiinkhalawamo npuro noophareleleya ihinwerya awa ophwanyiwa ni asinama akina oowali. Ipila ipakiwe wiira ikakhaala vamodha, ndho elo enikhalihera idho okhala dhoophareleleya ni woona oviha okathi wooriirya.
Eseeni ninhudha nhu ni ipila? Etthu yoopacera, moone wiira asinama ala khankhweya waaphara. Awo, annirumeela maitho-ya wiira ewerye owoona asinama oowali, hata eri ottaiwene, ni ankhala vakhiviru va macuku ankhalawamo. Nkhama ipila, nihaana okhalana maitho omunepani awoona saana, yaawo annikhalihera oxaka mixankiho dheidho dhinkhumiheriwa ni olumwinku ola wa Satana. Nrummwa Peduru ahaalopola makiristau airaka: “Mukhaleke a miruku ni nwehaweheke. Nwanani inyu, Diabo, onneetteetta ntoko kharamu onoopa murukulu, ophavelaka omukhuura mutthu.” (1 Pedru. 5:8) Okathi Yeesu aari iye valaponi khaahin’ye okhala awiikocela, owo aaniwerya woona dhaweeha dha Satana dheidho dheehererya ororomeleya-we. (Math. 4:1-11) Yeesu ohaavaha ntakihero nooreera athareeli-ye!
Moopora nikhanle nhu woonihera ohihiya okhala awiikocela ori ottottela nreerelo eyooca ya omunepani Yehova onnivaha iye. Nihaana ohihiya onsoma Biibiliya ni orowela mithukumano. (Luka 4:4; aHeb. 10:24, 25) Ohiya-vo, nkhama dhiidhaale ipila dhihinhiya awa okhala vamodha, nihihiye okhala vamodha ni anna ni arokora ‘wiira ootheene nhu nilipihane.’ (aRoma 1:12) Vaavo ninttottela nhu nreerelo itthu Yehova onnivaha iye, ninawoona nkhama nasaalimu Davidi, yoowo athinkhe wiira: “Yehova ti mwala aka, ti empa aka yoolipihiwa ni ti yoowo onikoopola. Muluku aka ti mwala aka, ti yoowo kinimutthyawelela aka, Owo tori nikula naka na wiixaakihana, ni moopoli aka oowerya, ni ntthyawelo naka noolipa.”—Esa. 18:2.
15-21 A SETEMBRO
MIHAKHU DHA MBIIBILIYANI MIRUKU 31
Itthu Ninhudhera nhu ni Miruku Maama Oopheta Oninvaha iye Mwane
A Sentinela 01/02/2011 epaax. 19 etti. 7-8
Nhihiye Waahudhiha Aninnyu Makhalelo Ooreera
Mwaahudhihe miyaha dhootheene voohima dha orupihana. Nlopolo ti nootepa otthuneya. (1 aKorinto 6:18; Yakobo 1:14, 15) Masi woopacerani, Biibiliya onnilotta orupihana okhala yoovaha ya Muluku ohiya nraakho wa Satana. (Miruku 5:18, 19; Nsipo n’Ophentana 1:2) Waaleela aninnyu voohima dha mixankiho pahi dhinkhumeleela mwaha wa orupihana, pooti owiiriha awo okhalana moonelo woohiloka ohinkhuma mbiibiliyani voohima dha mwaha owo. Corrina yoowo onkhala oFrança onlotta wiira: “Anaan’yari aka yaanilotta vawaatta voohima dha orupihana, ndho elo yaahikiiriha miyo okhalana moonelo woohiloka voohima dha orupihana.
Nvarerye wiira moone akhala wiira aninnyu annidhuwela miyaha voohima dha orupihana. Nadia yoowo onkhaala oMéxico olontte wiira: “Okathi wootheene kaninleela mwanaka wiira ‘orupihaana yoovaha Yehova aavanhe iye apinaatamu wiira ekahakalala. Masi anaakhulelihiwa orupihana atthu ale athelane pahi. Okhala wiira elo pooti okhumihera ohakalala aahiidho mixankiho, ontepenteri moopora ninrumeela nhu’.”
ijwhf mwaha 4 itti. 11-13
Moopora wa Waakhalihera Aninnyu Voohima dha Dhoowurya Dhoohapala
Mpacerihe ovaanela voohima dha mwaha owo. Tiithi mmodha oniitthaniwa Mark yoowo onkhala oGrã-Bretanha, onlotta wiira: “Owurya pooti okhala etthu yooxankiha para anaahima. Miyo kaahikoha mwanaka orina iyaakha 8 wiira: ‘Niire owurya eviinyu etthu yooreera aahiidho yootakhala?’ Miyo kaankonhe okathi wooreerela, ndho elo yaahimwiiriha olotta moonelo-ye mootaphuwa.”
Akhala wiira khamunhiya onleela mwaninyu voohima dha dhoowurya dhoohapala, owo kankhala-khala aliyalaka. Moohixikha iyaakha oriiyena, onlela mwaninnyu voohima dha dhoowurya dhoohapala etthu yootepa otthuneya. Okhala wiira elo, enoonkhalihera oxaka mixankiho dhinkhumiheriwa ni eviinyu ni orupihana woohiloka.
Mwaavahe ntakihero aninnyu. Anaahima anoolikana ni espoxa, awo anaakuva opweha mmuruni itthu anwoona awa anaayari ya epakaka. Anamathokodha awaatta anlotta wiira anaahima, annipaka itthu yaatakihaka anaan’yari-ya. Elo entaphulela wiira akhala wiira okathi munnyoonyiheya etthu mumpaka opaka nnyu owurya eviinyu wiira nkhale oomalaleya aahiidho nvukule oriipiwa nrima, elo pode omwiiriha mwaninyu ohudha ohapaliwa uupuwelaka wiira owurya eviinyu tonkhalihera omaliha mixankiho dha mweekumini. Tivondho, nhaana okhala ntakihero nooreera vaavo munthanla nnyu owurya eviinyu.
Despertai! 06/2017 epaax.9 etti. 5
Mwaahudhihe Aninnyu Okhala Awiiyeviha
Mwaatumererye aninnyu okhala oovaha. Mmoonihere mwaninyu wiira ‘ovaha onnitepa ohakalaliha oxira ovahiwa’. (Miteko 20:35) Mooporani? Mpake eliista vamodha nuuwo ya atthu antthuna okhaliheriwa othumeliwa itthu-dha ni okociheriwa itthu dhikinaku aahiidho ohooliwa opuro anramela awa. Okathi mun’ya waakhalihera atthu akina munkuse mwaninyu. Mmoonihere mwaninyu ohakalala mumphwanya nnyu mwaha wa waakhalihera atthu akina. Ndho mwapaka elo, nnoowerya onhudhiha mwaninyu okhala oovaha ni awiiyeviha oreela mwa ntakihero ninyu.—Nlakihero na mbiibiliyani: Luka 6:38.
Mihakhu dha Omunepani
A Sentinela 01/11/1992 epaax. 11 etti. 7-8
Moopora Yaahudhihiwa awa Anaahima Okathi wa Khalai
7 Wiisarayeli, anaahima yaanihudhihiwa ni apapaya aahiidho amaamaya ovenya eri anaahima. (Otumererya 11:18, 19; Miruku 1:8; 31:26) Disiyonaariyu a Biibiliya a efrasexi, nsomi mmodha a Biibiliya oniitthaniwa E. Mangenot aatinkhe wiira: “Okhuma okathi yoowo mwaana aapacera iye olotta aanidhuwela ipaarti dhikina dha nlamulo. Amaama-ye yaanihudhiha eversiikulu emodha mpakha olamalela, nuumala-vo yaanimunnya eversiikulu ekina. Nuuvira okathi amaamaye yanimwaatikhela ni ikoore dhoovirikana iveersu aadhuwela iye. Elo yaaninkhalihera odhuwela waatikha ni okathi annuwa iye khanhiya ohudhihiwa voohima dha etiini, ni osoma nlamulo na Apwiya ni wuupuwelela.”
8 Enamuna emodha yookhweya yaarumeeliwa wiira ehudhihiwa anaahima waari orumeeliwa ikoore dhoovirikana. Itthu atthu yaahudhera awa voohima dha malamulo ni moopora Yehova aaweettiha iye, waatthuneya opweha vanrimani ni wuupuwelela. (Otumererya 6:6, 7) Ni yanitthuneya wupuweleliwa. (Esalimo 77:11, 12) Wiira ekhaliheriwe marapasi vamodha ni atthu uulupale ohiliyala, dhanirumeeliwa itthu dhoovirikana, elo yaahela mpuwa apesetaariyu. Mwa ntakihero, eliivuru ya Esaalimu yaapacera ni ileetra dhoovirikana (nkhama enoonihera awa eliivuru ya Miruku 31:10-31); ni yanitthikeliwa moolumo mpacera ni maleetera mamodharu, aahiidho orumeela manuumeru nkhama enoonihera awa epaarti ya naaili ya eliivuru ya Miruku 30. Mootikiniha, asomi akina annithokorerya Ekalendaariyu ya Gezer, yeelo eri mpuwa wa itthu dhaatikhiwe khalai, nkhama etthu yaatikhiwe ni naskola mmodha aahudha waatikha okathi wa khalai.
22-28 A SETEMBRO
MIHAKHU DHA MBIIBILIYANI MUSUWELI 1-2
Nhihiye Waavaha Miritti Marapasi ni Waahudhiha Moopora Wookhapelela
Owehaweha 01/2017 epaax. 27-28 etti. 3-4
Mwaahudhihe ‘Itthu Idha Alopwana Oororomeleya’
3 Atthu awaatta a hiyo onidhivela miritti nirinhuna, ni ninniitthuna ohihiya ovara mpakha mahiku ootheene. Masi mooripiha nrima, hiyo ninnuuluvala nikatthuna orantteliwa ni marapasi. (Mus. 1:4) Vaavo hiyo ninuuluvala nhu itthu dhinnitepa oxankiha otepasawene mahiku nhu ala ntthekeso ohireela awa opaka marukunuso awaatta. Vaavo nteko wa Yehova ontepa awa waacerereya, onnireerela opaka marukunuso wiira itthu ikeetta saana. Elo ehela mpuwa moopora woorumeela etekonoloxiiya. Anna akinaku awuuluvala woonawene pooti waaliperya ovarihela nteko naanaanoru marukunuso ampakiwa. (Luka 5:39) Hata ale anwerya ovarihela nteko marukunuso awo mapheya, pooti okhalana nxankiho nkinaku ori ohikhalana ikuru yaaraawana khalai. (Mir. 20:29) Vaavo atthu awunnuwela anaahudhiha awa marapasi okhapelela saana miritti anvahiwa awa mmulokoni, elo ennaaphwanyiha ohakalala wuulupale ni ennikhalihera vawaatta ntthenkeso wa Yehova.—Nsome Esalimo 71:18.
4 Ale arina okhulupale pooti waaliperya waavaha miritti marapasi. Mwaha wa seeni? Okhala wiira anna akina khoonadhivela ovaha miritti-dha inaadhivela. Awo annoova marapasi awo ohikhapelela saana nkhama veena ampaka awa. Asitokwene akina aniidhoona ohikhalana okathi wiira yaahudhiha atthu akina. Ohiya-vo, marapasi ahaana okhala oopisa nrima, saasaasa akhala wiira annivira okathi wawaattta ehivahiwaka miritti mmulokoni.
Mihakhu dha Omunepani
Estudo Perspicaz “Eclesiastes” etti. 1
Musuweli
Ndhina na Eheeberi nawi Qo·heʹleth (nennno nintaphulela “namaathukumanya, namahudhiha, nhooleli, namaitthana”) nnoonihera nteko aariiyena Mwene nkhama namalamulela a atthu a Muluku okathi wa Isarayeeli a khalai. (Mus 1:1, 12) Mwene aahikhalana nritti wa waakhalihera atthu ootheene ovikaniha okhala oororomeleya wa Mwene a Olumwinku Wootheene, Muluku. (1Ma 8:1-5, 41-43, 66) Tivondho, etthu yaairiha mwene othokoriwa okhala ooloka aahiidho ootakhala, waari vakhala wiira anaatumererya atthu a nloko nootheene onkokhorela Yehova aahiidho naari. (2Ma 16:1-4; 18:1-6) Mwene Salomooni aahipaka aawerya iye wiira aathukumanye ni waakhalihera aisarayeeli onkokhorela Yehova ntempulu. Eliivuru ela, owo aahaathukumanya atthu a Muluku wiira aakhalihere ohiya ovara miteko dhootakhala ni dhoohiloka dha olumwinku ola. Nitho aahaatumererya ovara miteko dhooreera dheidho inindhivela Muluku yoowo yaivaherenra awa. Nuulumo nirumeeliwe ni Biibiliya nhu a Ekunya, nitaphuleliwe nirumeeliwaka nuulumo nawi Qohéleth, nenno esepetuwaxinta ya ekereku naatikhiwe wiira Ekklesiastes (Namaathukumanya), ninhimaka “nhooleli a atthu (muloko; atthu awaatta).”
29 A SETEMBRO–5 A OUTUBRO
MIHAKHU DHA MBIIBILIYANI MUSUWELI 3-4
Anamathelana, Nlipihe Ekasamentu Nnyu ni Waataana Winyu ni Yehova
ijwhf mwaha 10 itti. 2-8
Moopora Wookhalanana Moonelo Wooreera Voohima dha Etekonoloxiiya
● Akhala wiira nnoorumeela saana etekonoloxiiya, elo pooti olipa ekasamentu nnyu. Mwa ntakihero, anamathelana pooti winviyarelana mensaxe okathi ahinkhala awa vamodha. Ndho elo, ennaakhalihera olottihana okathi anttaivelana awa.
“Winviyarelana mensaxe nlottaka wiira: ‘miyo kinnoophetani’ aahiidho ‘nkireele wunkheliwa ni nyuwo’ ennilipiha ekasamentu.”—Jonathan.
● Masi akhala wiira khaninrumeela mwa miruku etekonoloxiiya, elo pooti ohonona ekasamentu nhu. Mwa ntakihero, atthu akina anniviriha okathi wawaatta eraaraka ni telefooni-ya. Ndho elo, enniwiiriha anamathelana akina ohicalelana.
“Miyo kinnikhupali wiira amamunaka yaanvira okathi wawaatta elottaka ni miyo, wahaakhanle wiira kinlemmwa oraara ni telefooni aka.”—Julissa.
● Atthu akina anlotta wiira anniwerya ovaanela saana ni amwaariya aahiidho ni amamuna enrumeelaka telefooni aahiidho tabeleti. Masi atthu akina anuupuwela wiira ovaanela nvaraka nteko nkina okathi mmodharu etthu yooreera, masi elo kahi ekhweeli. Nsomi mmodha yoowo oniitthaniwa Sherry Turkle olontte wiira: “Etthu yawoothiwa wuupuwela wiira pooti woopa mwaha aahiidho ovaanela okathi mmodharu mpakaka itthu ikina” Owo onnaacerera airaka: “Ovaara itthu dhawaatta moopaka mwaha okathi mmodharu, elo enniiriha nteko onvariwa olekela omala.”
“Onnikidhivela ovaanela ni amamunaka okathi yoole ahinvara awa nteko. Masi akhala wiira kinnilotta naawo okathi omodharu eraaraka ni telefooni-ya, elo enkhala nkhama ankileela wiira ‘nkihiye kikhale meekhaaka kiraaraka ni telefooni aka.”—Sarah.
Epontu yuulupale: Moopora nnirumeela nnyu etekonoloxiiya, pooti olipiha aahiidho ohonona ekasamentu nnyu.
Owehaweha 05/2023 ipaax. 23-24 itti. 12-14
Muhittimihe “Malumi a Mooro wApwiya”
12 Anamathelana ann’ya ontakiha dhai Aakila ni Prisila? Mupuwele etthu nkhanle nnyu ovara vamodha. Niire mwanwerya ovara miteko vamodha nkhama anamathelana? Mwa ntakihero, Aakila ni Prisila yaanivara nteko woolaleerya vamodha. Nankhi atthu veena, niire onaadhivela okhuma nteko woolaleerya vamodha? Aakila ni Prisila yanivara-tho miteko dhikina vamodha. Hata atthu evaraka miteko dhoovirikana, nnoonela dhai atthu othanla nteko mmodha wiira evare vamodha, nkhama okhapelela empa? (Mus. 4:9) Okathi atthu ankhaliherana awa evaraka miteko vamodha, atthu annikhala nkhama ekiipa yawiirana ni elo ennaavaha eparakha yoovaanela. Munna Robert ni mwaariye Linda aaviriha iyaakha 50 ethelanne. Robert onlotta wiira: “Hiyo khinaana okathi wawaatta wiira niraare vamodha. Masi okathi miyo kinrapihaka iparatho, amwaaraka anawuumiha. Nitho okathi miyo kinkociheraka exarti, awo annoora okikhalihera, ndho miyo kinnihakalala vawaatta. Okathi nimpaka nhu itthu vamodha, ninnikhala awiiraana ni ophetana wihu onnaacerereya.”
Nhiliyale wiira hata atthu ekhalaka vamodha, elo khentaphulela wiira tawiiraana. Nrokora mmodha onkhala oBrasil onlotta wiira: “Mahiku ala, mwaha wa waatteliwa miteko, hiyo pooti wuupuwela wiira mwaha wa okhala empa emodha, ninniviriha okathi niri vamodha. Miyo koohudha wiira oviriha okathi niri vamodha khomphiyera. Nitho etthu ekina kinreerelaka opaka ori owoonihera amamunaka wiira kinnaacali. Moone etthu Bruno ni amaariye ampaka awa wiira yooniherane wiira anniphetana nkina ni nkhwe. Bruno onlotta wiira: “Vaavo ninviriha nhu okathi niri vamodha, ninnaahiya atelefooni nhu ottaiwene wiira niwerye ottottela nreerelo okathi owo vamodha.”
14 Ankhi akhala wiira khonoodhivelani oviriha okathi nri vamodha? Woonawene atthu inaadhivela itthu dhoovirikana, aahiidho ivaara dhikina atthu anninyakulihana. Ndho, vaavo eniireneya awa elo, etthu seeni atthu anreerela awa opaka? Muupuwele ntakihero na mooro, akhala wiira vaikho khompwehiwavo ikhuni, mooro owo khonrowa oviriha okathi wawaatta ohittimphe. Wiira elo ehiireye, mooro owo ontthuneya otitheereliwa ikhuni okathi wootheene. Mwa enamuna emodharu, atthu anoonela dhai opacera oviriha okathi vakhaani eri vamodha khuta nihiku? Okathi owo atthu ahaana wiilipihera ovara itthu inaadhivela atthu oowaili ni oxaka opaka itthu ikhanle okhumihera onyakulihana. (Yak. 3:18) Akhala wiira atthu anoopaka itthu idho khuta nihiku, atthu anoowerya wunnunhera ophetana-wa.
Owehaweha 05/2023 epaax. 21 etti. 3
Muhittimihe “malumi a mooro wApwiya”
Wiira malumi a mooro a Yehova ehihiye opatta, nlopwana ni amwaariye ahaana wiilipihera wiira elipihe waataana-wa ni Yehova. Seeni opaka elo eri awa awa etthu yootthuneya para anamathelana? Vaavo nlopwana ni amwaariye anvaha awa efaita waataana-wa ni Yehova, elo enawaakhalihera waakuva ovarihela nteko miruku dha Yehova. Elo enawaakhalihera oxaka ni ovilela mixankiho dhinkhumelela dheidho dhaaya ovukula ophetana-wa. (Munnsome Musuweli 4:12.) Ntthu olipa mwa omunepani onnipaka dhootheene onwerya iye atakihaka mikhalelo dha Yehova, nkhama oreera nrima, opisa nrima ni olivelela. (aEef. 4:32–5:1) Okathi anamathelana anooniherana awa mikhalelo idho, opheta anooniherana awa onnaacerereya. Nrokora mmodha oniitthaniwa Lena, yoowo ovirihe iyaakha 25 atheliwe, onlotta wiira: “Onnikhala vookhweya onttittimiha ntthu ori oolipa nkhalelo wa omunepani.”
Mihakhu dha Omunepani
Estudo Perspicaz “Amor” etti. 39
Opheta
“Wookhala Okathi Woopheta.” Yehova khanwoonihera opheta atthu yaale ahininttittimiha aahiidho atthu yaale ahinhiya opaka itthu dhootakhala. Yehova onniwoonihera opheta atthu ootheene, hata atthu yaale anlakela ni anoonihera wiira anninyokha Mukuku. Masi onoophiya okathi Muluku on’ya iye ohiya owoonihera opheta atthu awo. Ndho Yehova vamodha ni Yeesu Kiriistu awo annipheta exariya. Masi annaanyokha itthu dhinivonyera malamulo. (Esa 45:7; aHe 1:9) Atthu anninyokha Yehova ni nrima wootheene khanreerela wooniheriwa opheta. Khiyaaya okhala etthu yooreera ovikaniha owoonihera opheta atthu awo, okhala wiira ale aninyokha Muluku khanoonihera opheta wa Muluku. (Esa 139:21, 22; Yes 26:10) ohiya-vo, Muluku onnaanyokha atthu awo ni onoophiya okathi on’ya iye waamala-maliha.—Esa 21:8, 9; Mus 3:1, 8.
6-12 A OUTUBRO
MIHAKHU DHA MBIIBILIYANI MUSUWELI 5-6
Moopora wa Woonihera Onttittimiha Muluku
A Sentinela 15/08/2008 ipaax. 15-16 itti. 17-18
Munttittimihe Yehova Oreela wa Mweettelo nhu Wooreera
Nihaana woonihera nttittimiho navameekhaaya okathi nininkokhorela nhu Yehova. Musuweli 4:17 onlotta wiira: “Mwipasope okathi onrowanyu mpani mwa Muluku.” (Biblia Solempwa Sowarya.) Okathi mun’ya nnyu mpaani mwa Muluku nhaana okhalana mweettelo wooreera. Yehova aahinleela Moise ni Yooxuwa wiira erule isantaalya-dha ehinaakuve onyakela nipuro nawaarya. (Okhu. 3:5; Yox. 5:15) Vaavo yaapaka awa elo, yaanoonihera wiira yanimoova Yehova ni onttittimiha. Anankuttho a wiisarayeeli, yaanitumereriwa wawara akaputtula a eliinyu yaawo yaakhuneela ovinya ‘n’yuununi mpakha mmakhuthani.’ (Okhu. 28:42, 43) Elo yaanikhalihera vawaatta ohooniwa iphantte dha veerutthuni dhawuuliha muru okathi yaarumeela awa vamodha vaaltaari. Emudhi yootheene ya anankhuttho yaanitthara malamulo yaavahiwa awa ni Yehova wiira yoonihere wiira yaaninttittimiha.
Ndho, onkhokhorela Muluku ni mweettelo wooreera onhela mpuwa omoova ni onttittimiha. Wiira atthu akina enittittimihe, nihaana opaka itthu mwattittimiho. Nttittimiho ninoonihera nhu, nhikhale nawoothereriwa. Tivondho, nihaana woona itthu ohiya nkhama apinaatamu anwerya awa woona, masi nkhama Muluku onwerya iye woona mirima dha apinaatamu. (1 Sa. 16:7; Mir. 21:2) Nkhalelo ola wa ottittimiha ohaana okhala mmuupuweloni mwihu ni weettela khuta nihiku, moopora ninaathokorerya nhu atthu akina aahindho moopora niniidhonela nhu hiyo naadhineene. Mweekhweeli, nttittimiho nihaana wooniheriwa okathi wootheene oreela wa miteko ninvara nhu ni itthu ninlotta nhu. Ndho, nkhalelo nhu, moopora ninuupuwela nhu ni mawarelo nhu dhihaana woonihera nttittimiho, nkhama anoonihera awa moolumo a Paaulu yaawo anlotta wiira: “Hiyo khanniira etthu enaakwattuliha akina, wira ohikhale mutthu onrowa oveeha muteko oninvarela ahu Muluku. Mwa inamuna sotheene, hiyo ninniixooniherya okhala arumeyi a Muluku.” (2 aKor. 6:3, 4) Hiyo ninniilipihera wiira ‘mwa itthu dhootheene, niireerihe ohudhiha wa Moopoli nhu, Muluku.’—Titu 2:10.
A Sentinela 15/11/2009 epaax. 11 etti. 21
Nhudhe Opaka Mavekelo Ooloka Oreela wa Yoosoma Biibiliya
21 Mwa nttittimiho, Yeesu aanivekela ni waamini wuulupale. Mwa Ntakihero, ahinaakuve onhihimusa Laazaru, Yeesu ahilipela wiirimu anvekela Muluku airaka: ‘Tiithi, kinnooxukhuruni okhala wiira mookiiwa. Koodhuwela tthiri wiira okathi wotheene nyuwo munnikiiwa.’ (Yohani 11:41, 42) Nankhi voohima dha mavekelo nnyu? Niire munnoonihera omwaamini Muluku ni okhupali itthu munvekela nnyu? Othokorerya nivekelo na ntakihero Yeesu aapanke iye, nnawoona wiira etthu veene aattittimihenre iye waari otteelihiwa wa ndhina na Yehova, ora wa Omwene wa Muluku ni mareeliho Omwene owo on’ya awa okhumihera valaponi. Idha, dhaari itthu dhootepa otthuneya Yeesu aattittimihenre iye ni nivekelo nne. (Math. 6:9, 10) Muupuwele saana nkhalelo wa mavekelo nnyu. Niire okathi mumpaka nnyu mavekelo nnyu munnoonihera wiira munnitepa ovaha efaita Omwene wa Muluku ni ele Omwene owo on’ya awa opaka? Niire munnivekela wiira ndhina na Muluku nitteelihiwe? Onnireerela wuupuwelela elo.
Owehaweha 04/2017 epaax. 6 etti. 12
‘Mwalaihera Etthu, Mwaakhwanihere’
Opatisiwa woopacerani wa itthu para Nkiristau. Hiyo nihaana waakhwanihera itthu dhootheene ninlaihenre nhu Yehova, nikhalaka moovarihana ni natiri naammanne nhu niivahereryaka. Tivondho, tivootepa otthuneya wiikoha wiira: ‘Okhuma nenne kipatisiwaaka, kiire waataana aka ni Yehova onootepa olipa aahiidho onoovukuwa? Niire kinninrumeela Yehova ni nrima aka wootheene? (aKol. 3:23) Niire kinnivekela khula okathi, aahiidho kinninsoma Biibiliya mahiku ootheene? Niire kinniilipihera orowela mithukumano dhootheene moohiloverya aahiidho ottompele? Niire kinnikhuma nteko woolaleerya khuta nihiku vaweryaneyaka? Aahiidho yookhala etthu emodha wa itthu idha epacenre ovukuwa? Nrummwa Pheeduru ohoonihera wiira ninoowerya oxaka wiiraneya elo naahihiye olipiha waamini wihu, ovilela ni onrumeela Muluku.—Munsome 2 Pedru 1:5-8.
Mihakhu dha Omunepani
Owehaweha 09/2020 epaax. 31 etti. 3-5
Makoho Ampakiwa ni Ale Ansoma Ireviista Dhihu
Musuweli 5:8 onaalotta anamalamulela anaahadhula alipa-oohaawa ni ahinaathokorerya mwa xariya atthu. Anamalamulela awo anniliyala wiira ookhala ntthu nkina orina owerya wuulupale waaxira veene oniwoona okathi ampaka awa elo. Ndho aakhala akina arina okhulupale wuulupale. Mooriipiha nrima, ikuveernu dhootheene dha apinaatamu alipa anlamulela, awaadhivela ikhuunya ni annaahadhula atthu anaalamulela awa.
Hata itthu nimpakeliwa nhu inikhumiheraka mixankiho dhawaatta, yookhala etthu ennimaaliha, Yehova onnoona itthu dhootheene dhimpakiwa ni makhulupale ootheene a apinaatamu. Tivondho, ninrahelele Muluku nritti nhu woolemela. (Esa. 55:22; aFil. 4:6, 7) Hiyo ninniroromela wiira ‘maitho a Yehova annoona saana elapo yootheene, wiira oonihere owerya-we aakhaliheraka ala aninroromeleya wa yena ni nrima-ya wootheene.’—2 Wah. 16:9.
Mweekhweeli, Musuweli 5:8 onninoonihera etthu eniiraneya ni olamulelo wa apinaatamu. Niire dho, aakhala akina arina okhulupale wuulupale waaxira veene. Ndho eveersu ela enninikhalihera woona wiira Yehova torina okhulupale waaxira makhulupale ootheene a nlaponi. Nenna-va owo onnilamulela anrumeelaka Mwane Yeesu Kiriistu yoowo ori Mwene a Omwene wa Muluku. Muluku Oowerya Dhootheene onnoona itthu dhootheene ni onoopaka etthu okhala wiira taxariya mwa enamuna yoomalela vamodha ni mwane Yeesu.
13-19 A OUTUBRO
MIHAKHU DHA MBIIBILIYANI MUSUWELI 7-8
‘Fataari Orowa Ettheko Okhumeleenle Nkhwelo’
Estudo Perspicaz “Pranto” etti. 9
Oriipiwa Nrima
Okathi Wooripiwa Nrima. Musuweli 3:1, 4 onlotta wiira: “Wokhala okathi w’oripiwa murima, n’ukathi w’otteliwa murima, okathi wo wikhupanyerya n’ukathi wo wina.” Okhala wiira okhwa onnaaphwanya atthu ootheene, onnilottiwa wiira ntthu a akhili onnirowa omakhweloni ohiya orowa ofeestani. (Mus 7:2, 4; mmone Mir 14:13.) Ndho ntthu aakhili onnoona okhala eparakha orowa waalipiha atthu akhweliwe ohiya olemmwa okoca aahiidho waadhya itthu ininhakalaliha. Elo enninkhalihera wuupuwela saana nxankiho ola muulupale, okhwa, ni woonihera oreera nrima antakihaka mpatthusa-ye.
Owehaweha 06/2019 epaax. 23 etti. 15
Mwaaakhalihera Atthu Akina Ovilela Oriipiwasa Nrima
Munna William, yoowo okhweliwe amwaariye iyaakha vakhaani ottuli, onlotta wiira: “onnikidhivela okathi kinwiiwaka atthu elottaka itthu yaapaka awa amwaaraka; Elo ennikhalihera woona wiira awo yaaniphetiwa ni ottittimihiwa. Okathi anna ankimaaliha awa miyo kinnilipa vawaatta. Miyo kinniidhoona okhala ntthu oomaaleleya okhala wiira amwaaraka yaanikidhivela, yaari ntthu ootepa otthuneya mweekumini mwaka.” Nrokora mmodha oniitthaniwa Bianca okhweliwe amamune onnitthokihera airaka: “Etthu enkilipiha vawaatta okathi yoole anna anvekela awa vamodha ni miyo ni osoma yawaatikhiwa emodha aahiidho piili dha mbiibiliyani. Miyo kinniidhoona okhala saana okathi yoole kinwiiwaka anna elottaka voohima dha amamunaka ni okiwiriyaana vaavo kinlottaka voohima dha amamunaka.”
Owehaweha 07/2017 epaax. 16 etti. 16
“Munle ni Ale Aninla”
16 Mavekelo nhu annaamaaliha anna ni arokora. Ndho nihaana waavekelela aahiidho ovekela niri vamodha naawo. Hata vahikweeyaka opaka elo, okhala wiira munnupuwela wiira pooti omwiiriha wunla, ovekela ni nrima wootheene onnaamaaliha vawaatta atthu akhweliwe. Dalene onlotta wiira: “Vaavo arokora anra awa okimaaliha, kinnaavekela wiira ekivekelele yaaweryaka. Ekhweeli wiira woopacerani wa mavekelo-ya onnaavila olotta etthu, masi vakhaani-vakhaani annipacera olotta ni nrima wootheene eromolaka moolumo oolipiha. Opheta ni waamini anoonihera awa ni othunku ankoonela awa onnilipiha waamini waka.”
Owehaweha 07/2017 epaax. 16 etti. 17-19
“Munle ni Ale Aninla”
17 Okathi ntthu onkhweliwa iye, olipa odhuwela okathi on’ya iye oviriha nanlelo oriipiwe nrima. Okathi onkhwa iye ntthu ninimpheta nhu, ivaara dhawaatta axirikha ni amudhi anoora wiira enimaalihe. Ndho hata okathi yoole atthu ammwareya awa onkhweloni etthikela owannnya, nanlelo onootthuneya omaalihiwa ale akhweliwe. Tivondho, nhihiye waakhalihera ale akhweliwe. Biibiliya onlotta wiira: “Mpatthani eekeekhai onniphenta okathi wootheene, nave mpatthani eekeekhai onnikhala munna okathi wa mixankiho.” (Mir. 17:17) Ndho nihaana waamaaliha atthu akhweliwe.—Munsome 1 aTesaloonika 3:7.
Nhiliyale wiira ntthu okhweliwe pooti omphwanya oriipiwa nrima naanaanoru, woonawene mwaha wa wuupuwela nihiku na ekasamentu aahiidho okhwiiya iye ntthu owo, wuupuwela ncipo naandhivela, woona efootu-ye, wuupuwela miteko aavara iye ni weemurya nhiriri wa ntthu owo. Ale akhweliwe ole yathelanne awa annitepa oriipiwa nrima vaavo anrowa awa wasembeleyani aahiidho Wuupuwelela Okhwa wa Yeesu. Munna mmodha okhweliwe amwaariye onlotta wiira: “Miyo kaahidhuwela wiira okathi yaaya awa nikapiya nihiku anhu ekasamentu, waaya okhala nxankiho muulupale miyo wuupuwelela meekhaaka nuumala amwaaraka okhwa. Masi anna ni arokora akina yaahipaka efeesta nihiku nene ni ekilaleya orowa oraara naawo wiira kihitepe oxanka. Awo khiyaatthuna wiira kivirihe nihiku nne meekhaaka.
19 Nhiliyale wiira ntthu okhweliwe ahaana olipihiwa okathi wootheene, ohiya pahi mahiku a vameekhaaya. Junia onlotta wiira: “Ivaara dhawaatta, waakhaliherya ale akhweliwe okathi wootheene ohiya mahiku a vameekhaaya, etthu enaamaaliha vawaatta. Okhala wiira okathi owo awo annilipa vawaatta”. Ekhweeli wiira khaninrowa owerya omaliha omeekha aahiidho oriipiwa-wa nrima, masi hiyo ninoowerya waalipiha nipakaka itthu vamodha naawo. (1 Yoh 3:18) Gaby onlotta wiira: “Miyo kinninxukhuru vawaata Yehova mwaha wa waarumeela asitokweene yaawo ankikhalihera okathi kinriipiwaka nrima. Kinnoona ntata na Yehova nikikhupaarelaka.”
Mihakhu dha Omunepani
Owehaweha 03/2023 epaax. 31 etti. 18
‘Atthu Ootheene Anoodhuwela Wiira mwa Ahudheri aka Mwaha wa Ela’
Ivaara dhikina, hiyo pooti otthuna omwaattamela munna aahiidho nrokora oninanarinhe wiira ninleele mwaha owo. Masi nihinaakuve opaka elo, tivootthuneya toko-toko wiipakela makoho ala: ‘Kiire kinnidhuwela itthu dhootheene dhiiranen’ye?’ (Mir. 18:13) ‘Kiire oruulakela okiirela etthu dhiidha?’ (Mus. 7:20) ‘Niire miyo kootaka opaka etthu?’ (Mus. 7:21, 22) ‘Niire karowa ovaanela nuuwo nkinrowa otepiha mwaha ola oxira ele kinuupuwelaka?’ (Nsome Miruku 26:20.) Vaavo niniivaha nhu okathi wiira nuupuwelele makoho ala, wookhidherani-wa pooti woona wiira etthu yooreerela opaka ori onlevelela munna owo aahiidho nrokora ni oliyala mwaha owo.
20-26 A OUTUBRO
MIHAKHU DHA MBIIBILIYANI MUSUWELI 9-10
Nkhalena Moonelo Wooreera Voohima dha Mixankiho Munviriha Nnyu
A Sentinela 15/8/2013 epaax. 14 itti. 20-21
Nhikhala-khale ‘Nnananariwaka ni Yehova’
20 Munkhupanye ole orina nthowa. Seeni ninreerela nhu opaka elo? Okhala wiira ivaara dhikina, hiyo ninniikhumihera mixankiho naadhineene. Akhala wiira ninnoona wiira ti dhiidho, ndho nihaana waakhulela dhookhumelela dha nxankiho nitannyale nnyu. (aGal. 6:7) Nhinkhupanye Yehova mwaha wa mixankiho dhinyu. Seeni nihinreerela nhu opaka elo? Nithokorerye ntakihero nimodha: Ekaaro epakiwe wiira ekawerya weetta nkwaha ni evelosidaadi yawaatta. Ndho muupuwele wiira ntthu mmodha onnikusa ekaaro elo akeettiha vawaatta mpakha oxiriha evelosidaadi envekeliwa ni mapawe omphwanya iye ephuro elo, ndho mwaha wa elo ampaka asitenti muulupale vakuuruvani. Niire vanreerela onkhupanya nlipa opanke ekaaro elo? Mweekhweeli naari! Mwa enamuna emodharu, Yehova onipattunse anivaha owerya wa othanla opaka khuta etthu nintthuna nhu. Nitho owo oonivaha malamulo annikhalihera opaka dhoothanla dhihu mwa miruku. Tivondho, nihinreerela nhu onvaha nthowa aahiidho onkhupanya Mpattusa nhu mwaha wa dhoovonya dhihu.
21 Ekhweeli wiira mixankiho dhootheene, khadhinkhumelela mwaha wa dhoovonya dhihu. Itthu dhikina dhinnikhumelela okhala wiira “oreeriwa ni otakhaliwa khonintanla ntthu.” (Mus. 9:11) Ohiya-vo, nihiliyale wiira mixankiho dhawaatta dhinkhumelela, dhinkhumiheriwa Satana Diyaabu. (1 Yoh 5:19; Wiis. 12:9) Satana tori nwanani nhu, onhiya Yehova!—1 Ped. 5:8.
Owehaweha 09/2019 epaax. 5 etti. 10
Yehova Onnavaha Efaita Arumeyi-ye Awiiyeviha
10 Wiiyeviha onnikhweiherya ekumi nhu. Ekhweeli wiira okathi nkina dhinookhumelela itthu dhoohiloka ni dhoohixariya. Mwene Salomooni yoowo aarina akhili awaatta aalontte wiira: “Kihona ipottha sipakhiriwaka mukaroni, ni makhulupale yettaka vathí ntoko yari ipottha”. (Mus. 10:7) Okathi nkina, atthu yaale anvara miteko dhooreera khanttottopeliwa nkhama amphwanela awa. Ohiya-vo, ivaara dhawaatta atthu yaale ahinvara saana itthu, anittottopeliwa vawaatta. Hata yeereyaka dhiidho, mwene Salomooni aahoona wiira etthu yootepa otthuneya waakhulela nkhalelo nhu ni oxaka ovaha ephoole itthu dhoohiloka. (Mus. 6:9) Okhala atthu awiiyeviha, onoonikhalihera ovilela itthu dhoohixariya dhinnikhumelela hata yaahaari yeelo hiyo naalipelela nhu onikhumelele.
A Sentinela 15/10/2011 epaax. 8 itti. 1-2
Niire Maraarelo Nnyu Tooreera?
OVINYA KHALAI, Biibiliya onnoonihera wiira Yehova ontthuna wiira hiyo nikhalena ekumi ni nipuhe moomalela. Mwa ntakihero, Esalimo 104:14, 15 onnittittimihera elottaka wiira Yehova onniiriha ‘nlaponi oruweriwa eyooca. opaka eviinyu enintteeliha nrima ntthu, ni makhura aniiriha wiithoni waarya; vamodha ni ephaawu eninlipiha ntthu.’ Mweekhweeli, Muluku oopaka etthaya wiira ekameliha itthaka, ni oopaka makhura ni eviinyu wiira nikaca. Masi-tho ‘eviinyu eniitteeliha nrima’. Ndho, ohiya pahi onivaha ekumi, elo enniniiriha otteeliwa nrima. (Mus. 9:7; 10:19) Voohaakanerya Yehova ontthuna wiira nikahakalala ni ‘oteeliwa nrima.’—Miteko 14:16, 17.
2 Tivondho, khaavo mathowa anniiriha hiyo ohikhalana okathi wiira niwerye oweha dhoopattusiwa, nkhama ‘apalame anvava odhulu’, ‘ifoloore dha ntakhwani’ aahiidho etthu ekina Yehova opanke iye dheidho dhinnikhalihera waacerera onroromela wihu Yehova. (Math. 6:26, 28; Esal. 8:3, 4) Ekumi yooreera ni yoohakalaliha ‘yoovaha ya Mukuku.’ (Mus. 3:12, 13) Vaavo ninuupuwela nhu wiira oraara yoovaha enkhuma wa Yehova, elo eninitumererya orumeela mwa miruku yoovaha elo mwa enamuna enindhivela ole onivanhe.
Mihakhu dha Omunepani
Estudo Perspicaz “Tagarelice, Calúnia” itti. 4, 8
“Waapa, Ohankawaani”
Waapa pooti omwiiriha ntthu opacera ohankawaani, ni elo pooti okhumihera mixankiho. Moolumo a miruku ari Musuweli 10:12-14 annoonihera saana elo: “Nto mulolo onnipwetexiwa mwaha wa molumo awe. Mulol’owo onnipajerya alavulaka itthu s’ololo, onnimalela ohimya itthu sotakhala. Mulolo onninjererya olavulasa wawe.”
Hata ivaara dhikina waapa okhalaka nkhama kahi etthu yootepasa otakhala aahiidho yawoopiha, (hata emwiirihaka ntthu wootha aahiidho okhumihera ohankawaani), okathi wootheene waapa onnikhumihera mixankiho dheidho dhinwiiriha atthu akina woona owereya vanrimani ni onnikhumihera ohiiwanana. Woonawene ntthu onaapa pooti ohilakela opaka elo aahiidho ohikhalana mathowa ootakhala. Masi hata eri dhiidho, ntthu onlakela opaka elo onninnanariha Yehova okhala wiira owo onninnanara itthu dhootheene dhinkhumihera ohiiwanana. (Mir 6:16-19) Nuulumo na Ekereku nirumeeliwe diaʹbolos ninthoonyera “waapa” aahiidho “ohankawaani”. Ivaara dhikina, nuulumo nna ninnirumeeliwa wiira aitthaneliwe Satana “Diyaabu” nawoothe muulupale a Muluku. (Yoh 8:44; Wis 12:9, 10; Map 3:2-5) Elo ennimoonihera nlipa opacerinhe ohankawaani aahiidho waapa.
27 A OUTUBRO–2 A NOVEMBRO
MIHAKHU DHA MBIIBILIYANI MUSUWELI 11-12
Itthu Dhin’ya Wookhaliherani Okhalana Ekumi Yooloka ni Yoohakalaliha
Despertai 03/2015 epaax. 13 itti. 6-7
Niire Ndhuwa ni Ettheku Etthu Yooreera ni Ennikhalihera Ekumi?
Waarya ni oviha wa ndhuwa onnikhalihera owiipha asiitthu ari mweerutthuni mwihu. Exornaale ya Infecção Hospitalar enlotta wiira: “Asiitthu awaatta ankhumihera wiipa mweerutthuni mwinhu, khanvilela waarya wa ndhuwa.”
Mun’ya owerya dhai ottottela nreerelo dhoovaha idho? Enamuna emodha ori woora ndhuwa nihinavihesa ni okhala opuro onviravo ettheku yooreera. Opaka elo, enawookhaliherani vawaatta okhalana ekumi yooloka.
Owehaweha 02/2023 epaax. 21 etti. 6-7
Moonihere Oxukhurela Yoovaha ya Ekumi
6 Biibiliya khahi eliivuru envaha malahihero a moopora wookhapelela ekumi aahiidho moopora wooca, masi hata eri dhiidho Biibiliya onnilotta moonelo wa Yehova voohima dha mwaha ola. Mwa ntakihero, Biibiliya onninileela itthu dhinkhumihera mixankiho erutthu dheidho hiyo ninreerela nhu oxaka. (Mus. 11:10) Biibiliya onninileela ittthu ninreerela nhu oxaka wiira nihikhumihere mixankiho ekumi nhu, nkhama oca mootepana ni owurya eviinyu mootepana. (Mir. 23:20) Yehova onlipelela wiira khuta mmodha a hiyo, akhalena nkhalelo wa wiihiha wiira akawerya wiiphimelela etthu yooca ni yoowurya.—1 aKor. 6:12; 9:25.
7 Wiira niwerye opaka dhoothanla dhooreera dhinoonihera onxukhurela wihu Muluku mwaha wa onivaha ekumi, nihaana orumeela saana muupuwelo nhu. (Esal. 119:99, 100; nsome Miruku 2:11.) Mwa ntakihero, nihaana woonihera wuupuwela saana okathi ninthanla nhu eyooca. Akhala wiira yookhala eyooca ennidhivela, masi nacavale ekanikhumihera mixankiho, fataari ohica. Nitho ninoowoonihera akhali nirupaka iwoora dhimphiyera, opaka isersiisiyu khuta nihiku, wiikhalela epewe ni oreeriha saana empa nhu.
Owehaweha 09/2024 epaax. 2 etti. 2-3
Nkhale Ole ‘Oneettela Saana ni Omalihera Nlamulo’
2 Okala wiira na arumeyi a Yehova, hiyo na atthu oohakalala. Mwaha wa seeni? Nookhalana mathowa awaatta anniiriha okhala oohakalala. Masi nthowa nootepa otthuneya, osoma nuulumo na Muluku khuta nihiku ni weettela ele ninhudhera nhu.—Munsome Yakobo 1:22-25.
3 Vaavo nineettela nhu nuulumo na Muluku, hiyo ninniphwanya mareeliho awaatta. Yoopacera, elo ecampo yootthuneya enninikhalihera omwaattamela Muluku ni waataana nuuwo. Ndho, odhuwela elo enninihakalaliha. (Mus. 12:13) Nitho vaavo nineettela nhu ele ninsoma nhu mbiibiliyani, makhalelo a ekumi nhu annikhala ooreera ni ninnikhalana waataana wooreera ni anna ni arokora. Woonawene nyuwo munniwerya woona elo ewiiraneelakani. Ohiya-vo, hiyo ninnixaka mixankiho dhawaatta dhinaakhumelela atthu ohitthara malakihero a Yehova. Mweekhweeli, hiyo ninnikhupali moolumo a mwene Davidi. Okathi veene aipa iye ncipo, nuumala oromola nlamulo, dhooruma ni ophukela wa Yehova, owo aamalinhe alottaka wiira: “Ale aneettela malamulo anyu, annitthuveliwa vanceene.”—Esal. 19:7-11.
Mihakhu dha Omunepani
Estudo Perspicaz “Inspiração” etti. 10
“Wuupuseriwa”
Dhookhala ithoonyero inoonihera saana wiira alopwana amwaatinkhe Biibiliya, khahi wiira yaamupuwela pahi ni waatikha miruku dha mbiibiliyani aahiidho oleeliwa ni pinaatamu nkina. Mwa ntakihero, itthu dhootheene nrummwa Yoohaani aatinkhe iye ‘uupuseriwe ni Muluku’ oreela wa nlaikha nimodha nenno naamoonihenre ‘ithoonyero dha itthu dhaaya wiiraneya’. Ndho “Yohani owo aahikhalela onamoona nuulumo na Muluku, ni aahimukhalela onamoona Yesu Kristu. Tthiri, owo aahikhalela onamoona itthu sotheene aawenhe awe.” (Wiis 1:1, 2) Ndho uupuseriwaka ni [owerya wa ‘munepa wawaarya’] Yoohaani aahoonihiwa “nihiku na Apwiya” ni aahileeliwa wiira: “Mulepe murooluni itthu muniweha anyu.” (Wiis 1:10, 11) Hata eri dhiidho, Muluku ahoona oreerela waahiya alipa amwaatinkhe Biibiliya orumeela miyuupuwelo-dha wiira ethanlele moolumo yaaya awa orumeela wiira yaatikhe itthu yoonihiwa awa. (Hab 2:2) Masi okathi wootheene yaapaka awa elo, Muluku aniweettiha ni waakhalihera wiira nhupi yaatikha awa okhale weekhweeli, woororomeleya ni ovarihane ni yootthuna-ye. (Mir 30:5, 6) Khuta namaatikha aaniilipihera vawaatta nkhama enoonihera awa yawaatikhiwa ya Musuweli 12:9, 10, arumeelaka odhuwela-we, athokhodhaka saana ni okocihera saana wiira itthu aatikha iye ikhale “mwa enamuna enitthareya.”—Mmoone Luka 1:1-4.