Moonelo wa Muluku Voohima dha Ephome

Ephome etthu yootepa otthuneya. Ndho vakhanle wiira khinaana ephome, khaavo ntthu aaya okhala nkumi. Okhala wiira Muluku Mpattusa, ookhalana ehaakhi ya olotta moopora woorumeela ephome. Eseeni Muluku onlotta iye voohima dha ephome? Niire nihaana oca ephome aahiidho oheeleliwa mweerutthuni? Ndho nyuwo mun’ya owerya dhai opaka dhoothanla dhooreera voohima dha mwaha ola?

1. Tuuvi ori moonelo wa Yehova voohima dha ephome?

Yehova aahaaleela arumeyi-ye akhalai, wiira: “Ekumi ya y’enama t’iphome aya.” (Onamukuttho 17:14) Moonelo wa Yehova, ephome enthonyera ekumi. Ndho akhala wiira ekumi yoovaha enikhuma wa Muluku aahiidho etthu yawaarya, nandho ephome etthu yawaarya.

2. Inamuna seeni dhoorumeela ephome Muluku onkhottiha iye?

Ohinatthi opakiwa muloko wa Ekiristau, Yehova aahaaleela arumeyi-ye wiira ehice ephome. (Munsome Maphattuwelo 9:4 ni Onamukuttho 17:10.) Noomala opakiwa muloko wa Ekiristau, Yehova aahitthikela waaleela yooruma emodharu Makiristau. Nitho nikhuru noolamulela naahavaha Makiristau nlakihero naalotta wiira: ‘Nkhootte [oca] ephome.’—Nsome Miteko 15:28, 29.

Ontaphulelani okhootta oca ephome? Vaakhanle wiira meetiku ohooleelani wiira nttharuwe aahiidho nhiye owurya eviinyu. Niire mwantthikela owurya? Masi niire vankhala va miruku oca itthu dhooheliwa eviinyu aahiidho ohomeliwa esisau ya eviinyu mweerutthuni? Ekhweeli wiira naari, okhala wiira opaka elo khontthadheyavo etthu. Emodha-modharu, yooruma ya Muluku ya okhoottha oca ephome entaphulela ohiwurya ephome aahiidho ohikhura enama yoohihitiwa. Nitho nihaana oxaka oca eyooca yootakaihiwa ni ephome.

Khindho inamuna dhoololiwa dha mameetiku erumeeliwaka ephome? Inamuna dhikina dhoololiwa dhinnivonyera malamulo a Muluku. Elo enhela mpuwa oheleliwa ephome yoomalela aahiidho oheleliwa miphantta dhikina dha ephome elo, nkhama: ikoloopulu dhoosera, ikoloopulu dhoottela, ipalakeeta ni epalaaxima. Masi inamuna dhikina dhoololiwa pooti ovila odhuwela akhala wiira dhinnivonyera malamulo a Muluku aahiidho naari. Mwa ntakihero, inamuna dhikina dhoololiwa dhinnirumeeliwa ifarasau dha miphantta dhuulupale dha ephome, inamuna ikina dhinrumeeliwa ephome ya ntthu onwereiwa. Voohima dha inamuna idha dhikina dhoololiwa, khuta ntthu ohaana othanla mwaneene.aMoone enoota.—aGalasia 6:5.

NHUDHE ITTHU DHIKINA

3. Nthanle enamuna yoolooliwa eninhakalaliha Yehova

Mun’ya owerya dhai opaka yoothanla yooreera enivarihana ni moonelo wa Muluku voohima dha ephome? Moone EVIIDIYU, nuuvinya nlotte otthuneya awa ovarihela nteko ipontu dhinttharelana.

EVIIDIYU: Moopora Woopaka Dhoothanla Voohima dha Oololiwa Erumeeliwaka Ephome (5:47)

• Munvekele Muluku akhili—Yakobo 1:5.

• Nthokodhe malakihero a mBiibiliyani ni moone moopora woovarihela nteko.—Miruku 13:16.

• Moone inamuna dhoololiwa dhiniphwanyaneya opuro munkhala nnyu.

• Ndhuwele inamuna dhoololiwa muhinaakhulela nnyu.

• Moone akhala wiira yoothanla nnyu khenrowa ohoonona yawuupusera ya nrima nnyu.—Miteko 24:16; bMoone enoota.

• Nhiliyale wiira khaavo onreerela wooleelani etthu yoopaka voohima dha miyaha dhintthuneya orumeela yawuupusera ya nrima, pooti okhala amamuninyu, amwaarinyu, ntokweene aahiidho ole onoosomihani Biibiliya.—aRoma 14:12.

• Mwaatikhe yoolakela nnyu.

4. Anamoona a Yehova annaadhya moopora woolooliwa saana

Onniweryaneya wiiwelela nlamulo na Muluku voohima dha ephome ni okathi omodharu onniweryaneya olooliwa saana ehirumeliwaka ephome. Moone EVIIDIYU.

EVIIDIYU: Okohiwa ni Waakhuliwa wa Purusore Massimo P. Franchi, M.D. (1:36)

Munsome Tito 3:2, nuuvinya mwaakhule nikoho ninttharelana:

• Seeni ninreerela nhu owoonihera nttittimiho ni okhala oomaaleleya vaavo ninlotta nhu ni mameetiku?

Makiristau khanaakhulela	Khuta Nkiristau pooti othanla
Epalaaxima.	Ifarasau dha epalaaxima
Ikoloopulu dhoottela.	Ifarasau dha ikoloopulu dhoottela
Ipalakeeta.	Ifarasau dha ipalakeeta
Ikoloopulu dhoosera.	Ifarasau dha ikoloopulu dhoosera

5. Moopora woopaka yoothanla voohima dha ifarasau dha ephome

Ephome yookhalana iphantta sese dhuulupale dhiri: Ikoloopulu dhoosera, ikoloopulu dhoottela, ipalakeeta ni epalaaxima. Iphantta idho sese dhinniwerya ovalaanyiwa iphantte ikhaani, dhiniitthaniwa ifarasau dha ephome.c (Moone enoota.) Ifarasau dhikina dhinnirumeeliwa wiira ipakiwe mirette dhinkhalihera oloola iretta aahiidho dhimmaaliha wiittheya ephome.

Voohima dha ifarasau dha ephome, khuta Nkiristau ohaana opaka yoothanla moovarihana ni moopora yawuupusera ya nrima-ye ehudhihiwa awa ni Biibiliya. Woonawene atthu akinaku pooti okhootta inamuna dhootheene dhoololiwa irumeeliwaka ifarasau dha ephome. Masi atthu akinaku pooti waakhulela olooliwa irumeeliwaka ifarasau.

Vaavo mumpaka nnyu yoothanla nnyu mwiikohe nikoho nna:

• Kin’ya owerya dhai onleela meetiku nthowa ninkiiriha okhoottha aahiidho waakhulela ifarasau dhikina dha ephome?

WUULUULA

Yehova ontthuna wiira nittittimihe ephome.

Ipontu dhuupale

• Mwa moonelo wa Yehova, seeni ephome eraawa yawaarya?

• Nindhuwela dhai wiira nlamulo na Yehova voohima dha okhootta oca ephome, ninhela mpuwa ohiheleliwa ephome?

• Nin’ya owerya dhai opaka dhoothanla dhooreera voohima dha olooliwa erumeeliwaka ephome?

NTHOKODHE ITTHU DHIKINA

Eseeni munreerela nnyu wuupuwelela nhinatthi waakhulela inamuna dhoololiwa erumeeliwaka ephome nnyu?

“Makoho Ampakiwa na Atthu Ansoma Iliivuru Dhihu” (A Sentinela, 15 de Outubro de 2000)

Eseeni munreerela nnyu wuupuwelela nhinatthi waakhulela aahiidho okhootta ifarasau dha ephome?

“Makoho Ampakiwa na Atthu Ansoma Iliivuru Dhihu” (A Sentinela, 15 de Junho de 2004)

Eseeni yaamwiirihe meetiku mmodha okhupali wiira moonelo wa Yehova voohima dha ephome ti wookhalela?

“Khookhupali Moonelo wa Muluku Voohima dha Ephome” (Despertai!, 8 de Dezembro de 2003)

Moone moopora asitokweene anvara Ekomisau Enlotta ni Ixipitale anaakhalihera awa anna ni arokora.

Yehova Onnaakhalihera Aretta 10:23