Nkhale Oororomeleya mwa Itthu Dhootheene

Ootheene nhu hiyo ninnitthuna okhalana axirikha oororomeleya. Nitho Yehova ontthuna dhiidho. Masi okhala oororomeleya olumwinku atthu ahinroromeleya awa kahiyo etthu yookhweya. Masi hata eri dhiidho, seeni eraawa etthu yooreera okhala oororomeleya?

1. Nthowa seeni nuulupale ninniiriha okhala atthu oororomeleya?

Vaavo ninroromeleya nhu ninnoonihera wiira ninnimpheta ni onttittimiha Yehova. Nkuupuwelani ela: Yehova onnidhuwela itthu dhootheene ninuupuwela nhu ni nimpaka nhu. (aHeeberi 4:13) Owo onninoona vaavo ninoonihera nhu okhala oororomeleya ni onnivaha efaita ororomeleya wihu. Biibiliya onlotta wiira: “Tthiri Apwiya [Yehova] anniphweliwa n’atakhali: annipatthana [aahiidho annaataana] n’atthu òloka”.—Miruku 3:32.

2. Nin’ya owerya dhai okhala oororomeleya mahiku ootheene?

Yehova ontthuna wiira ‘nikaleelana ekhweeli nkina ni nkhwe.’ (Zakariya 8:16, 17) Elo entaphulelani? Elo entaphulela wiira nihoothe aahiidho ovitha ekhweeli okathi ninlotta nhu ni amudhi, atthu ninvaranhuna nteko, anna mmulokoni, aahiidho makhulupale. Ntthu oororomeleya khaniiya aahiidho waapuhera atthu akina. (Munsome Miruku 24:28 ni aEefeso 4:28.) Nitho ntthu oororomeleya onniliva misokho dhootheene. (aRoma 13:5-7) Niire dho, hiyo nintthuna ‘okhala oororomeleya mwa itthu dhootheene.’—aHeeberi 13:18.

3. Seeni eraawa etthu yooreera okhala oororomeleya?

Okathi nindhuweliwa nhu okhala atthu oororomeleya, atthu awaatta anniniroromela. Nitho vaavo ninkhala nhu oororomeleya, ninnikhalihera muloko okhala opuro woororomeleya, nkhama emudhi yeekhweeli. Ohiya-vo, ninookhalana yawuupusera ya nrima yooreera. Nitho ororomeleya wihu pooti ‘oreeriha ohudhiha wa Moopoli nhu, Muluku’, ni elo pooti owiiriha atthu opacera otthuna ohudha voohima dha Yehova.—Tito 2:10.

NHUDHE ITTHU DHIKINA

4. Ororomeleya onninhakalaliha Yehova

Nsome Esalimo 44:22 ni Malakhiya 3:16, nuuvinya mwaakhule makoho anttharelana:

• Mwa moonelo nnyu, seeni nihinreerela nhu wuupuwela wiira ninoowerya onvitha etthu Yehova?

• Nyuwo nnoona wiira Yehova onoonela dhai okathi ninlotta nhu ekhweeli, hata opaka elo ohikhweyaka? 

5. Nkhale oororomeleya mwa itthu dhootheene

EVIIDIYU: Eseeni Ennihakalaliha?—Yawuupusera ya Nrima Yooreera (2:32)

Munsome aHeeberi 13:18, nuuvinya nlotte moopora nin’ya nhu okhala ororomeleya . . .

• vatthekoni vihu.

• ontekoni aahiidho oskola.

• mwa inamuna dhikina.

6. Ororomeleya onniniphwanyiha nreerelo

Ororomeleya pooti okhumihera mixankiho. Masi elo etthu yooreerela opaka. Nsome Esalimo 34:13-17, nuuvinya mwaakhule nikoho nintthaarelana:

• Ororomeleya on’ya wookhaliherani dhai mweekumini mwinyu?

1. oothela ni athiyana ootheliwa oororomeleya annilipiha othelana-wa

2. oororomeleya anniroromeliwa ni patarawu-ya

3. awiiwelela annittittimihiwa ni makhulupale

WUULUULA

Yehova ontthuna wiira axirikha-ye ootheene ekhale oororomeleya mwa itthu dhootheene anlotta awa ni ampaka awa.

Ipontu dhuulupale

• Inamuna seeni ninreerela nhu okhala oororomeleya?

• Seeni nihinreerela nhu wuupuwela wiira ninoowerya onvitha etthu Yehova?

• Seeni muntthuna nnyu okhala oororomeleya mwa itthu dhootheene?

NTHOKODHE ITTHU DHIKINA

Anaan’yari an’ya waakhalihera dhai anaaya okhala oororomeleya?

Nhudhe Olotta Ekhweeli (1:44)

Seeni ninreerela nhu waakhwanihera etthu ninlaihera nhu?

Mwaakhwanihere Dhoolaihera Dhinyu Wiira Mwaakhele Mareeliho 9:09

Moone nthowa ninniiriha oliva misokho, hata idho dhihirumeeliwaka saana.

“Niire Nihaana Oliva Misokho?” (A Sentinela, 1 de Setembro de 2011)

Eseeni yaamwiirinhe nlopwana mmodha oohiroromeleya orukunusa makhalelo-ye?

“Koohudha Wiira Yehova Toomoriwa Ikharari ni Toolevelela” (A Sentinela, 1 de Maio 2015)