YOOSOMA 38
Nvahe Efaita Ekumi
Mwaha wookhalana ekumi, nookhalana eparakha yoopaka itthu dhawaatta dhooreera. Masi hata dhiniphwanyaka mixankiho, onniweryaneya okhalana okathi woohakalala. Ndho, nin’ya woonihera dhai wiira ninnivaha efaita ekumi? Nitho nthowa seeni nuulupale ninniiriha opaka elo?
1. Seeni ninreerela nhu ovaha efaita ekumi?
Nihaana ovaha efaita ekumi okhala wiira elo yoovaha ya Tiithi nhu opheta, Yehova. Owo “maphattuwelo a èkumi”, niire dho, owo topattunse ekumi. (Esalimo 36:10) ‘Owo tonaavaha atthu iphumu, ekumi ni itthu dhootheene.’ (Miteko 17:25, 28) Yawaatikhiwa ela ennoonihera wiira Yehova onninivaha itthu dhootheene ninramela nhu wiira nikhale akumi. Ohiya-vo, owo onninivaha itthu dhawaatta oxira idho. Yehova onninivaha itthu dhawaatta ninramela nhu wiira niphwanye ohakalala mweekumini mwihu.—Nsome Miteko 14:17.
2. Nin’ya woonihera dhai wiira ninnivaha efaita ekumi?
Nrumeyi mmodha akhalai a Muluku oniitthaniwa Davidi aahinvekela Muluku airaka: “Maitho anyu yahikòna kihinatthi oyariwa.” (Esalimo 139:16) Elo entaphulela wiira Yehova onnookhapelelani okhuma okathi mwarupaliwe nnyu ni amaama nnyu. Yehova onnivaha efaita yuulupale ekumi nnyu. (Munsome Matheyo 10:29-31.) Yehova onnivaha efaita ekumi, tivondho owo onnoona owereya vaavo ntthu onlakela iye omwiipha nkhwe aahiidho onlakela iye wiidhipha. (Okhuma 20:13) a(Moone enoota.) Nitho Yehova onnoona owereya akhala wiira ninnihiya wiikhapelela ni ninnipweha ekumi nhu ni ekumi ya atthu akina mmaxakhani. Masi vaavo ninkhapelela nhu saana ekumi nhu ni ekumi ya atthu akina, ninnoonihera wiira ninnivaha efaita yoovaha ela yoohakalaliha ya ekumi.
NHUDHE ITTHU DHIKINA
Moone inamuna dhikina nkhanle nnyu woonihera wiira munnivaha efaita ekumi.
3. Nkhapelele ekumi
Nkhama arumeyi a Yehova, hiyo nonlaihera Yehova onrumeela ekumi nhu yootheene. Ndho vaavo nimpaka nhu elo omphwana nkhama nininvaha Muluku erutthu nhu nkhama nkuttho. Munsome aRoma 12:1, 2, nuuvinya mwaakhule makoho anttharelana:
Moovarihana ni yawaatikhiwa ela, eseeni enwiirihani okhapelela ekumi nnyu?
Itthu seeni dhikina nkhale nnyu opaka wiira nkhapelele ekumi nnyu?
4. Nkhalena ephoole wiira nhikhumihere ehasara aahiidho okhwa
Biibiliya onninitumererya oxaka itthu dhawoopiha. Moone EVIIDIYU wiira ndhuwele itthu dhin’ya wookhaliherani opaka itthu moophareleleya.
Munsome Miruku 22:3, nuuvinya nlotte moopora nyuwo ni atthu akina mun’ya nnyu okhala oophareleleya . . .
vatthekoni.
ontekoni.
mummanaka poola.
Mweettihaka aahiidho mweettaka ni ekaaro.
5. Nttittimihe ekumi ya mwaana orupaliwe
Davidi olontte wiira Yehova onnoona itthu dhootheene dhininkhumelela mwaana orupaliwe. Nsome Esalimo 139:13-17, nuuvinya mwaakhule nikoho ninttharelana:
Mwa moonelo wa Yehova, niire ekumi ya ntthu empacera vaavo onrupaliwa iye aahiidho on’yariwa iye?
Malamulo Yehova aavanhe iye khalai atthu awIsarayeli yanaakhapelela athiyana orupala vamodha ni mwaana ahaayariwe. Munsome Okhuma 21:22, 23, nuuvinya mwaakhule makoho anttharelana:
Yehova oonela dhai akhala wiira moohilakela ntthu ammwiipha mwaana aarupaliwe?
Khindho akhala wiira ntthu onnipaka elo moolakela Yehova onoonela dhai?b—Moone enoota
Nyuwo nnoonela dhai moonelo wa Muluku?
Hata nthiyana ondhuwela wiira ekumi yookhalana efaita owo pooti wuupuwelela wiira okhumihamo erukulu etthu yooreerela opaka. Munsome Yesaya 41:10, nuuvinya mwaakhule nikoho ninttarelana:
Akhala wiira nthiyana onnikhanyereriwa okhumihamo erukulu, taani onreerela iye onvekela nikhalihero? Mwaha wa seeni?
ATTHU AKINAKU ANLOTTA WIIRA: “Athiyana ootheene akhalana ehaakhi yookhumihamo erukulu okhala wiira erutthu ti yaawa.”
Eseeni onookhupalihani wiira Yehova onnivaha efaita ekumi ya nthiyana ni ekumi ya mwaana onrupanle iye?
WUULUULA
Biibiliya onninihudhiha opheta, ottittimiha ni okhapelela ekumi yeelo eri yoovaha yooreera enikhuma wa Yehova. Elo enhela mpuwa ekumi nhu ni ekumi ya atthu akina.
Ipontu dhuulupale
Seeni ekumi ya apinaatamu eraawa yootepa yootthuneya wa Yehova?
Yehova onoonela dhai vaavo ntthu ommwiipha iye ntthu nkina moolakela?
Eseeni enwiirihani ovaha efaita ekumi?
NTHOKODHE ITTHU DHIKINA
Nin’ya onxukhurela dhai Yehova mwaha woonivaha ekumi?
Niire Muluku onoowerya onlevelela nthiyana otanke okhumihemo erukulu?
“Eseeni Biibiliya Onlotta iye Voohima dha Okhumihamo Erukulu?” (Mwaha ori nsaaitini jw.org)
Odhuwela moopora Muluku onoonela iye ekumi enoonikhalihera othanla saana maraarelo nhu.
“Niire Onnireerela Oweetta Axooku Awoopiha?” (Despertai!, 8 de Outubro de 2000)
Moone moopora Biibiliya okhanle iye onkhalihera ntthu orina muupuwelo wa wiiheya.
“‘Miyo Kintthuna Okhwa’: Niire Biibiliya Onoowerya Okikhalihera Vaavo Kinuupuwelaka Wiiheya?” (Mwaha ori nsaaitini jw.org)
a Enoota: Yehova onnidhuwela owereya onoona iye ntthu ontthuna wiidhipha ni owo ontthuna onkhalihera. Yehova onnaacali ale ariipiwe nrima. (Esalimo 34:19) Wiira moone moopora Yehova onaakhalihera iye ale arina muupuwelo wa wiiheya, n’ye opuro oni: “Nthokodhe Itthu Dhikina” wiira nsome mwaha onttharelana oni: “Miyo Kintthuna Okhwa: Niire Biibiliya Onoowerya Okikhalihera Vaavo Kinuupuwelaka Wiiheya?”.
b Enoota: Ole otanke okhumihamo erukulu khanreerela wiivaha nthowa okhala wiira Yehova onoowerya onlevelela. Wiira mphwanye dhoohimmwa dhikina, n’ye opuro oni: “Nthokodhe Itthu Dhikina” wiira nsome mwaha onttharelana oni: “Eseeni Biibiliya Onlotta iye Voohima dha Okhumihamo Erukulu?”.