Munrumeele Biibiliya Nkhama Espeelyu

Yaakoobu onnilikanyiha Biibiliya ni espeelyu ennikhalihera woona nkhalelo nhu wa mpuwa. (Yak. 1:22-25) Nin’ya owerya dhai onrumeela Biibiliya nkhama espeelyu?

Munsome ni ephoole. Akhala wiira ninawiimooleya naakuvaka vaspeelyuni, woonawene pooti ohiwerya woona etthu ehikhanle saana. Mwa enamuna emodharu, akhala wiira ninoonsoma Biibiliya naakuvaka, khaninrowa owerya woona mikhalelo dhoohiloka ninreerela nhu ottharuwa. Tivondho nihaana onsoma Biibiliya ni ephoole.

Moone etthu munreerela nnyu opaka, ohiya ele anreerela awa opaka atthu akina. Vaavo niniimolela nhu vaspeelyuni pooti ohiya woona etthu yoohiloka nirinhuna ninapacera woona dha ntthu nkina. Etthu emodharu pooti wiiraneya okathi ninnisoma nhu Biibiliya, hiyo pooti ohiya wuupuwelela etthu ninreerela nhu opaka ninapacera wuupuwelele etthu anreerela awa opaka atthu akina. Masi opaka elo khenrowa onikhalihera woona marukunuso ninreerela nhu opaka.

Nkhelena moonelo wooloka. Akhala wiira vaavo niniimoleya nhu vaspeelyuni ninoona pahi itthu dhoohiloka nirinhuna, elo pooti oniiriha okhulumuwa. Ndho vaavo ninsoma nhu Biibiliya nihaana okhalana moonelo wooloka. Nitho nihaana oxaka wiikuputi aahiidho olipelela wiira nihaana opaka itthu dhikina Yehova onoona iye wiira khaninwerya.—Yak. 3:17.