Nlokihere Nrima Nnyu

Vaavo nininsoma nhu Biibiliya, nintthuna wiira itthu ninhudha nhu voohima dha Yehova irukunuse moonelo nhu, muupuwelo nhu ni dhootthuna dhihu. Eezira ovaha ntakihero nooreera voohima dha mwaha owo vaavo ‘aalokihere iye nrima-ye wiira athokodhe Nlamulo’ na Yehova. (Ézira 7:10) Nin’ya olokihera dhai nrima nhu?

Nvekele. Nhinatthi opacera opaka yoosoma nnyu mpake nivekelo. Munvekele Yehova wiira ookhalihereni wiiwasasa ni ovarihela nteko ele mun’ya nnyu ohudha.—Esal. 119:18, 34.

Nkhale Awiiyeviha. Muluku khanaakhalihera odhuwela ekhweeli atthu awiidhinnuwiha ni anroromela odhuwela-wa. (Luka 10:21) Ohiya-vo, nxake othokodha itthu ni yoolakela ya owiiriha atthu akina woona wiira munnidhuwela itthu dhawaatta. Akhala wiira vaavo munsoma nnyu munniphwanya itthu munreerela opaka, mwa wiiyeviha mwaakhulele opaka marukunuso.

Woopacerani nwiriyane ncipo na Omwene. Ncipo na Omwene nookhalana owerya na ophara mirima dhihu ni onilokihera wiira ninkokhorele Yehova. Owiriyana macipo a Omwene nihinatthi opacera osoma onoonikhalihera olokihera nrima nhu.