Berei Kwa Pɔri Kúɣâla-woo-ɓo Perei Maa Tɛ́i La—Kpɔŋ Maa Tɛɛ Ŋâla-kɔlɔi Maa-kɔ́ri-ɓelai Pɔ́ Dí Ŋâla-kɔlɔi Maa-kɔ́riɛ Wɛ́li
Lé Mɛni Ɓe Maa nɛ̂̃ɛi Kú Nyíŋi Kɛ lai? À gɛ́ɛ dí ɓɔlɔ dɔ̃yâi su, maa nɛ̂̃ɛi Ŋâla-kɔlɔi maa-kɔ́ri-ɓelai dí díkili-ŋa-siai da dílii ŋaa-kɔ́ŋ a Ŋâla-kɔlɔi ŋɔsɛŋ-lɛɛi. (Ibulu 5:12–6:1) Kɔlɔ maa-kɔ́riɛ fé a yɛ̀pɛ. Gáa a mɛni nina pɛlɛ́ɛ nyii kú gɔ́lɔŋ a bɔlɔi ma, gɛ̀ ní kú berei káa kwa dûa kɛ a kpɔŋ maa tɛɛ la kúpɔi. (Táre-woo-ŋa 2:1-6) Gɔlɔ-maa-kɔ́ri-ɓelai da kɛ̀ kɔlɔ maa-kɔ̂rii díkpɔɔ yée ma, a pâi kpɔŋ maa tɛɛi dípɔ dí berei káa kúkɔlɔ-ŋai da Ŋâla-kɔlɔi ŋɔmarê-kɛ́i-ŋai sukula lai. Da kɔ̀ a gbanaŋɔɔ dí sia a m̀ɛni-ŋai da m̀aa-kɔ̂rii a pâi díkponôi kpananii à gɛ́ɛ dí tɔɔ mɛni-kpɔlu su a Kôrai-ɓela tɔɔ pere.—Lûu 6:47, 48.
Nyíŋi Sukɔ̂ɔŋ Ŋáloŋ Ŋí Su:
Ka kpɛɛ kɔlɔ-ŋuŋ kpaa wóo-ɣɛli-kpulu-ŋa ta maa-kɔ̂rii, gɔlɔ-maa-kɔ́ri-nuui marê kɛ́ à gɛ́ɛ è m̀ɛni-ŋuŋ-ŋai aâ m̀aa-kɔ̂rii ŋá-lɛ́ ya a gbua kpua. À kɛ̀ kɔlɔ-maa-kɔ́ri-nuu ta fé íyêei, ya pɔri Ŋâla-kɔlɔi gwaa ta ma lónoi kpaa wóo-ɣɛli-kpulu nyii gáa The Watchtower kɔlɔ-ŋai ta sui I m̀ɛni-ŋuŋ ŋá-lɛ́ I m̀aa-kɔ̂rii a gbua. Nyíŋi a pâi kpɔŋ maa tɛɛi ípɔ à gɛ́ɛ I ímɛni ŋá-káa-perei maa tɛ.