Gɔlɔ-pɔ̂rɔŋ Ŋâla-woo-ɓó Tíi Mɛni Mai Ŋɔkili-too-ŋa Marê-kɛɛ-ŋai

Kwa pâi kɛ́i m̀arê-kɛɛ-ŋai ŋí sukulai nɔ́ɔ-kuui kɔ́ɔ pîlanii Gɔ́lɛ-ɣaloŋ-loŋ 28, 2015 lɔ́ɔ-kuui su Gɔlɔ-pɔ̂rɔŋ mu nyii gáa Ŋâla-woo-ɓo Tíi Mɛni Mai. Nɔ́ɔ-kuui maa nɛ̃̂ɛi kú lono é pîlaŋ mɛni-ŋai ŋí dîa tɛ́itɛi, gáa m̀arê-kɛɛ-ŋai kpɛɛ ŋá à gɛ́ɛ dí kpɔŋ maa tɛɛ kúpɔ à gɛ́ɛ kú kúkpîŋ kpɛtɛ lɔ́ɔ-kuu kélee su gɔlɔ-pɔ̂rɔŋ mɛni ma.

I laai la Deeɓé è ǹyee-mu-ɓelai soŋ a nyɔ́mɔɔ, yɛ̂ɛ berei nûa tani-ŋa da mò lai? (1 Kɔlɔnikɔ 20:3) [Bɔrɔŋ kpalai 2, w05-E 2/15 naa 27]
Lé ɓé gɛ Deeɓé kɛ sãa ŋá tɛ gîe ma Ziova ŋɔpɛ́rɛi tɔɔ mɛni mai, nyaŋ lé ɓé a kpɔŋ maa tɛɛ kúpɔ à gɛ́ɛ kú mɛni lɛ́lɛɛ kɛ yɛ̂ɛ ǹyaai? (1 Kɔlɔnikɔ 22:5) [Bɔrɔŋ kpalai 9, w05-E 10/1 naa 11 ŋ̀óo-ɣɛli-kpului 7]
Lé mɛni ɓé Deeɓé è kɛ ŋwɛ̂lii Saloma é gɛ́i tãi è mò la ma nyɛɛi: “ínâŋ-ni Díɣâlai kɔ́lɔŋ”? (1 Kɔlɔnikɔ 28:9) [Bɔrɔŋ kpalai 16, w10-E 11/1 naa 30 ŋ̀óo-ɣɛli-kpului 3, 7]
M̀ɛni-ŋai Saloma é Ɣâla fɛli mɛni mai nyii bɔ̃yɛi 2 Kɔlɔnikɔ 1:10 sui, lé ɓé da nɛ̂i é pîlaŋ mai, nyaŋ lé ɓé kwa pɔri maa-kɔ̂rii nyíŋi sui kwa kɛ Ɣâla fɛlii? (2 Kɔlɔnikɔ 1:11, 12) [Bɔrɔŋ kpalai 23, w05-E 12/1 naa 19 ŋ̀óo-ɣɛli-kpului 6]
Yɛ̂ɛ berei 2 Kɔlɔnikɔ 6:29-30 ma è mò lai, lé pɔri maa ɓé Ziova ǹyaa tɔnɔ mì, nyaŋ lé mɛni ɓé maa nɛ̃̂ɛi kú vɛli la a kúlíi kélee? (Ŋule-wooi 55:22) [Bɔrɔŋ kpalai 30, w10-E 12/1 naa 11 ŋ̀óo-ɣɛli-kpului 7]
Esa ŋɔɣâla fɛli wóoi à gɛ́ɛ e ŋɔkpɔara-ɓelai yée mɛi ɣále kɔ́ sui è kɛ a bîlaŋɔ lé ma, nyaŋ lé ɓé kwa pɔri maa-kɔ̂rii nyíŋi sui? (2 Kɔlɔnikɔ 14:11) [Gɔ́lɛ-ɣaloŋ-loŋ 7, w12-E 8/15 naa 8 ŋ̀óo-ɣɛli-kpului 6–naa 9 ŋ̀óo-ɣɛli-kpului 1 ma]
Berei Ɣâla è tûa la a Zeosafa tãi è sɔnyɔ̂ŋ kɛ̀ lai à nɛ léŋ kwa à gɛ́ɛ wɛli-kɛ-maa káa Ziova yêei kúmɛni ma, nyaŋ a kpɔŋ maa tɛɛ kúpɔ à gɛ́ɛ kú kúɓarâŋ kôrai-ɓela tûa-pere káa léŋ? (2 Kɔlɔnikɔ 19:3) [Gɔ́lɛ-ɣaloŋ-loŋ 14, w03-E 7/1 naa 17 ŋ̀óo-ɣɛli-kpului 13; cl-E naa 245 ŋ̀óo-ɣɛli-kpului 12]
Lé mɛni ɓé maa nɛ̃̂ɛi “kú tɔɔ lai kú tɔɔ̂i a gbanaŋɔɔ” kú wɔ̂i tãi mai, nyaŋ kwa pɔri nyíŋi kɛ́i léŋ? (2 Kɔlɔnikɔ 20:17) [Gɔ́lɛ-ɣaloŋ-loŋ 21, w05-E 12/1 naa 21 ŋ̀óo-ɣɛli-kpului 2; w03-E 6/1 naa 21 ŋ̀óo-ɣɛli-kpului 15-16 ma]
Lé ɓé kwa pɔri màa-kɔ̂rii 2 Kɔlɔnikɔ 21:20 su é pîlaŋ Zɛoraŋ saa mɛni mai? [Gɔ́lɛ-ɣaloŋ-loŋ 21, w98-E 11/15 naa 32 ŋ̀óo-ɣɛli-kpului 4]
Yɛ̂ɛ berei 2 Kɔlɔnikɔ 26:5 è mò lai, gbɛ̂ɛ-ni ɓé kpɔŋ maa tɛɛ Uzia pɔ́i, ǹûai pɔlɔ-ŋai kôrai-toli-kpɔŋ sui da pɔri kpɔŋ maa tɛɛ̂i léŋ sâa ǹyáŋkpa-ŋai pɔ́? [Gɔ́lɛ-ɣaloŋ-loŋ 28, w07-E 12/15 naa 10 ŋ̀óo-ɣɛli-kpului 2, 4]