ZƐŊ-LƐƐI 4

Berei Kwa Pɔri Ɣala-kɔlɔ-kpua-ŋa Lɛi La A Nuu Lii Kula Pere

Maafiu 22:41-45

MƐNI-ŊUŊ: I lɛɛ pai ɣala-kɔlɔ-kpua ta lonoi, gɛ a gɛɛ nuai diwoli tɔɔi yai, di mɛni-ŋuŋ ya pai nonoi kaa.

Mɛnii ya ŋala-kɔlɔ-kpuai lonoi mɛni mai, lɛ. Lono e pilaŋ ŋala-kɔlɔ-kpuai ma a pere sii nyii pai kpɔnii nuui ma a gɛɛ e mɛni-ŋuŋ ŋala-kɔlɔ-kpuai ti sui ŋaa kaa.

Mɛnii kɔlɔŋ gɔlɛ-ma ɣala-kɔlɔ-kpua-ŋai da moi. Ya kɛ lonoi e pilaŋ ɣala-kɔlɔ-kpua ta ma kpaa nuui bɔ̃yɛi, mɛnii ya moi e kɛ a tɔ̃ya.
Nɛ a gɛɛ mɛnii ya moi a kulai Ŋala-kɔlɔi su. Ya kɛ lonoi nua pɔ nyii-ŋai di laai a Ɣala mɛnii, kpɔŋ dia di gaa a gɛɛ Ŋala-kɔlɔi kaa a Ɣala woo. Ya gɛ ti ya pai kpɔni dia di gaa a gɛɛ darei Ŋala-kɔlɔi sui tɛɛi kɔlɔ kelee ta ma.
Mɛni ta ɓo nyii pai nuai lii kulai a gɛɛ di ŋala-kɔlɔ-kpuai lono. Mare-kɛɛ kɛ nyii ŋala-kɔlɔ-kpuai a pai zukulai, lono e pilaŋ mɛni kpanaŋ ta ma nyii ŋala-kɔlɔ-kpuai a pɔri zukulai kpaa maŋ tɔ̃ya-ŋuŋ ta ma nyii ŋala-kɔlɔ-kpuai a pai nɛi.

Ikili-ŋa sia e pilaŋ mɛnii ma nuai di gɔlɔŋ e pilaŋ mɛni-ŋuŋ ma da ŋala-kɔlɔ-kpuai ya lonoi e pilaŋ mai. A kɛ kpiŋ nuai di ŋala-kɔlɔ-kpuai ti kɔlɔŋ, lono e pilaŋ ma a pere sii nyii pai gɛi di ŋɔnɔ dikili-ŋa sia e pilaŋ ma kpaa di ŋa kaa a nɛlɛɛ.