Ŋɛi-maloŋ-kaa Lɛ

Mɛnii Zisɛ E Gɛi

VILOI: Zisɛ E Gbɔŋ Ŋɛi-maloŋ Kaa

1. VILOI su kaa, kpaa Maki 6:​30-34 lono. Gɛ ni mare-kɛɛ-ŋai ŋi sukula:

1. Le mɛni ɓe Zisɛ da ŋɔpolu-ɓelai dikɛ ŋwɛlii dikɛ la ‘di tee-tee kwaa mai’?

2. Le ɓe Zisɛ lii kula a gɛɛ e sɛŋ lɛ gbɔŋ su-ɓelai dia?

Le Ɓe Kwa Pɔri Maa-kɔrii Zisɛ Yeei?

2. Ŋɛi-maloŋ-kaa a gɛ kukɛ a kukpaaŋɔɔ nua mɛni ma kuworɛ-wooi nɔ fe.

Zisɛ Pɔɔkɔɔŋ

3. Iwoli tɔɔ a nɛlɛɛ. Nɛɛ naa nuui e nii su mɛni-ŋa ɓo ya. Ife ŋoo tee na kpaa I iŋɛi naɣiŋ mɛnii a moi yai mɛi. Ya iwoli tɔɔ a nɛlɛɛ, ya nɛ ma a gɛɛ I kpaaŋɔɔi ŋɔkili-ŋa-siai mɛni ma.

4. Ikili-ŋa sia e pilaŋ nuui ma. Ya mɛnii kaa ka nyaa ka lono e pilaŋ mai, ikpiŋ mare kɛ:

1. ‘Le mɛni ɓe nɛlɛɛi la a gɛɛ e dɔ̃yai kɔlɔŋ?’

2. ‘Ŋala-kɔlɔi maa-kɔriɛ a pai ŋɔkɛ-ɣeniɛi lɛlɛɛi leŋ lonii ma da tinaa-tuɛ-pere?’

5. Lono e pilaŋ mɛni-ŋuŋ-ŋa dia nyii pai kpɔnii mai. Kɔ a maa-felaa a gɛɛ I berei lɛ Ŋala-kɔlɔi maa-kɔriɛ a pɔri ŋɔmare-kɛɛ-ŋai sukulai la da berei a pɔri kpɔŋ maa tɛɛi la bɔ a pere sii takpɛni-ŋa.