Lono Yɛɛ Berei Ya Lono Lai

Mɛnii Fele E Gɛi

VILOI: Fele A Ɣala-woo-ɓoi Itiopiɛŋ Naloŋ Ma

1. VILOI su kaa, kpaa Dikɛ-mɛni-ŋai 8:​30, 31 lono. Gɛ ni mare-kɛɛ-ŋai ŋi sukula:

1. Fele e nonoi kɔɔ pilaŋ leŋ?

2. Le ɓe nono kɔɔ pilaŋ pere ŋi kɛ a nɛlɛɛ nyii gɛ e pɔri mɛni nina lɛi naloŋ ŋi ma?

Le Ɓe Kwa Pɔri Maa-kɔrii Fele Yeei?

2. Kwa lono kɔɔ pilaŋ a zɛpɛ pu pere, nuui kwa lonoi bɔi lii a pai kɛi a nɛ̃ɛ a gɛɛ e ŋoli tɔɔ kuworɛ-wooi ma.

Fele Pɔɔkɔɔŋ

3. Mɛni maa kpɛɛ. Nuu ŋɛi kɛ-pere a mɛni tamaa lɛ e pilaŋ ma. Nuui a ŋwɛlii e lono ipɔ? Ya pɔri lono kɔɔ pilani e pilaŋ mɛni ta ma Ŋala-kɔlɔi su a mare-kɛɛ ŋi kɛɛ, “I kɛ a gɔlɔŋɔɔ a gɛɛ . . . ?” Ife lono kpala nuu ta la nyii ve ŋwɛlii e lono ipɔ.

4. Kɛ a ilii kpeleɛ. Ife gaa yɛɛ maa nɛ̃ɛi I lono kɔɔ pilaŋ e pilaŋ Ŋala-kɔlɔi ma ŋama. Tãi lɛlɛɛ maa-kpɛŋ a gɛɛ I lono nuui pɔ. Tãi ta, maa nɛ̃ɛi I maa kpɛŋ kɛ a tãi takpɛni a gɛɛ I lono nuui ti pɔ.

5. Maa faleŋ kɛ. Nuu ti a pɔri pɛlɛi lonoi e pilaŋ mɛni ta ma nyii ikili fe kɛ ni mai. Mɛni ma maa nɛ̃ɛi I mɛni-kpɛtɛɛ kɛ a gɛɛ I pɔri lonoi nuui pɔ e pilaŋ mɛni ta ma nyii pai nii sonii, a nɛɛ maŋ nyiŋi e gɛ I lono e pilaŋ mɛni takpɛni ma Ŋala-kɔlɔi su.