Masalimo

24 Chilambo chapasi soni yosope yayili mwelemo yili ya Yehofa.

Litaka soni ŵandu wosope ŵakusatama pelepo ali ŵa jwalakwe.

 2 Pakuŵa jwalakwe ŵachitamiche chilambo chapasi mwakulimbangana panyasa

Soni ŵachitamiche mwakulimbangana pa sulo sya mesi.

 3 Ana ŵani ŵampaka akwele ku litumbi lya Yehofa,

Soni ana ŵani ŵampaka ajime pamalo gakwe geswela?

 4 Ali mundu jwalijose jwali jwamswela mtima soni jwali jwangalemwa,

Mundu jwele jwanganalumbileje mwaunami pa lina lyangu,*

Kapena kulumbila mwachinyengo.

 5 Jwalakwe chachipochela upile kutyochela kwa Yehofa

Soni Mlungu jwakwe jwakusamkulupusya chachimwona kuti ali jwakulungama.

 6 Welewu uli m’bado* wa ŵandu ŵakusamsosasosa jwalakwe,

M’bado wa ŵandu ŵakusajisosasosa ngope jawo, wawo Mlungu jwa Yakobo. (Selah)

 7 Mjimusye mitwe jenu, jemanja mageti.

Mwuguche,* jemanja milango jakalakala,

Kuti Mwenye jwakuchimbichika jujinjile.

Ali Yehofa, jwakulimbangana soni jwamachili.

Ali Yehofa, jwamachili mnope pangondo.

 9 Mjimusye mitwe jenu, jemanja mageti.

Mwuguche, jemanja milango jakalakala,

Kuti Mwenye jwakuchimbichika jujinjile.