Masalimo
43 Wawo Mlungu, awelusye une,
Aŵe kumbali jangu pamagambo gapasikati pa une ni mtundu wangakulupichika.
Angulupusye une kwa mundu jwachinyengo soni jwangali chilungamo.
2 Pakuŵa wawojotu ali Mlungu jwangu soni malo gangu gakulimbangana.
Sambano ligongo chichi anjasile une?
Ligongo chichi akundile kuti njendeje ndili jwa chanasa ligongo lya adani* ŵangu ŵakundagasya?
3 Andumichisye kuŵala kwawo soni maloŵe gawo gagali gasyesyene.
Yindu yeleyi yilongoleleje une.
Yilongoleleje une ku litumbi lyawo lyeswela soni ku malo gawo gekulungwa gakusatama.
4 Pelepo une chinjiyika pamalo gakupelechela mbopesi ga Mlungu,
Chinjiyika kwa wawojo Mlungu jwangu jwakusandendekasya kuŵa jwakusangalala mnope.
Chinjajimbila wawojo nyimbo syakwachimbichisya ni chida changonji chakwimbila, wawo Mlungu, jwali Mlungu jwangu.
5 Ligongo chichi ngusoŵa pakamula?
Ligongo chichi ngulagasika mumtima mwangu?
Chinamjembecheye Mlungu,
Pakuŵa une chinjimchimbichisyasoni Mkulupusyo Jwangu Jwamkulungwa soni Mlungu jwangu.