Masalimo
א [Aleph]
Chinjimchimbichisya Yehofa ni mtima wangu wosope
ב [Beth]
Pasikati pa gulu ja ŵandu ŵagoloka mtima soni pasikati pa mpingo.
ג [Gimel]
2 Masengo ga Yehofa gali gekulungwa.
ד [Daleth]
Ŵandu wosope ŵakusasangalala nago akusalijiganya kutyochela pamasengogo.
ה [He]
3 Masengo gakwe gali gakuchimbichika soni gekulungwa,
ו [Waw]
Soni chilungamo chakwe chichitama mpaka kalakala.
ז [Zayin]
4 Jwalakwe akusatendekasya ŵandu kuti agakumbuchileje masengo gakwe gakusimonjesya.
ח [Heth]
Yehofa ali jwambone mtima soni jwakwatendela ŵane chanasa.
ט [Teth]
5 Akusiŵapaga yakulya ŵandu ŵakusamjogopa jwalakwejo.
י [Yod]
Jwalakwe chachikumbuchila chilanga chakwe mpaka kalakala.
כ [Kaph]
6 Jwalakwe ŵalosisye ŵandu ŵakwe masengo gakwe gamachili.
ל [Lamed]
Atesile yeleyi mwakwapa jemanjajo chipanje* cha ŵandu ŵamitundu jine.
מ [Mem]
7 Masengo ga makono gakwe gali gakuwona soni gali gachilungamo.
נ [Nun]
Yosope yakusalamula jwalakwe yili yakudalilichika.
ס [Samekh]
8 Yili yakudalilichika* ndaŵi syosope kutandila apano soni mpaka kalakala.
ע [Ayin]
Jwalakwe akusalamula yeleyi mwakamulana ni chilungamo chakwe soni kuwona mtima kwakwe.
פ [Pe]
9 Jwalakwe ŵawombwele ŵandu ŵakwe.
צ [Tsade]
Jwalakwe alamwile kuti chilanga chakwe chitame mpaka kalakala.
ק [Qoph]
Lina lyakwe lili lyeswela soni lyakutesya woga.
ר [Resh]
10 Kumjogopa Yehofa jili ndanda ja lunda.
ש [Sin]
Wosope ŵakusapikanila yakusalamula jwalakwe akusalosya kuti ali ŵakupikanichisya yindu.
ת [Taw]
Jwalakwe akuŵajilwa kupochela uchimbichimbi mpaka kalakala.