Genesesi
10 Aji ni mbili ja ŵanache ŵa Nowa, ŵali Semu, Hamu soni Yafeti.
Panyuma pa Chigumula, jemanjaji ŵatandite kuŵeleka ŵanache. 2 Ŵanache ŵa Yafeti ŵaliji Gomeli, Magogi, Madai, Yafani, Tubali, Meseki soni Tilasi.
3 Ŵanache ŵa Gomeli ŵaliji Asikenasi, Lifati soni Togalima.
4 Ŵanache ŵa Yafani ŵaliji Elisaha, Talisi, Kitimu soni Dodanimu.
5 Kutyochela mwa ŵanache ŵeleŵa ni muŵakopweche ŵandu wosope ŵakutama mu yilumba, mwakamulana ni yiŵecheto yawo, maŵasa gawo soni mitundu jawo.
6 Ŵanache ŵa Hamu ŵaliji Kusi, Misilayimu, Puti soni Kanani.
7 Ŵanache ŵa Kusi ŵaliji Seba, Hafila, Sabita, Laama soni Sabiteka.
Ŵanache ŵa Laama ŵaliji Seba soni Dedani.
8 Kusi ŵaŵelechesoni Nimulodi. Nimulodi jwaliji mundu jwandanda kuŵa jwamachili pachilambo chapasi. 9 Jwalakwe jwaŵele jwakusakula yinyama jwamachili jwakusisyana ni Yehofa. Ni ligongo lyakwe pana maloŵe gakuti, “Mpela Nimulodi, jwakusakula yinyama jwamachili jwakusisyana ni Yehofa.” 10 Misinda jandanda ja uchimwene wakwe jaliji Babele, Eleki, Akadi soni Kaline. Misindaji jaliji m’chilambo cha Sinala. 11 Kutyochela m’chilambo chelechi ŵapite ku Asiliya. Kweleko ŵataŵile msinda wa Ninefe, Lehoboti-Ili, Kala, 12 soni Leseni, msinda wele waliji pasikati pa Ninefe ni Kala. Welewu uli msinda wekulungwa.*
13 Misilayimu ŵaŵeleche Ludi, Anamimu, Lehabimu, Nafutuhimu, 14 Patilusimu, Kasiluhimu (jweleju ni jwali nangolo jwa Afilisiti), soni Kafitolimu.
15 Kanani ŵaŵeleche Sidoni, juŵaliji jwandanda kupagwa, soni ŵaŵeleche Heti. 16 Jwalakwe ni juŵaŵelechesoni ŵandu ŵa ku Yebusi, ku Amoli, ku Giligasi, 17 ku Hifi, ku Aliki, ku Sini, 18 ku Alifadi, ku Semali soni ku Hamati. Kaneko maŵasa ga ŵandu ŵa ku Kanani gabalalikangene. 19 Myoyo malile ga ŵandu ŵa ku Kanani gatyochele ku Sidoni mpaka kuja kwika ku Gelali, chiŵandika ni ku Gasa. Malilega gayichesoni ku Sodomu, ku Gomola, ku Adima soni ku Seboyimu, chiŵandika ni ku Lasa. 20 Ŵeleŵa ni ŵaŵaliji ŵanache ŵa Hamu mwakamulana ni maŵasa gawo, yiŵecheto yawo, soni madela ni mitundu jawo.
21 Nombenajo Semu jwaŵeleche ŵanache. Jwalakwe jwaliji nangolo jwa ŵanache wosope ŵa Ebele soni Semuju jwaliji mpwakwe jwa Yafeti juŵaliji jwamkulungwa kwa wosope.* 22 Ŵanache ŵa Semu ŵaliji Elamu, Asihali, Alipakisadi, Ludi soni Alamu.
23 Ŵanache ŵa Alamu ŵaliji Usi, Huli, Geteli soni Masi.
24 Alipakisadi ŵaŵeleche Sela, soni Sela ŵaŵeleche Ebele.
25 Ebele ŵaŵeleche ŵanache ŵaŵili. Lina lya mwanache jwine lyaliji Pelegi,* ligongo mundaŵi ja mwanache jweleju ŵandu pachilambo ŵabalalikangene.* Lina lya mwanache jwinejo lyaliji Yokitani.
26 Yokitani ŵaŵeleche Alimodadi, Selefi, Hasamafeti, Yela, 27 Hadolamu, Usali, Dikila, 28 Obala, Abimayeli, Seba, 29 Ofili, Hafila soni Yobabu. Wosopeŵa ŵaliji ŵanache ŵa Yokitani.
30 Malo gaŵatamaga jemanjaji gatandile ku Mesa mpaka ku Sefa, kudela jamatumbi ja Kungopokolyuŵa.
31 Ŵeleŵa ni ŵaŵaliji ŵanache ŵa Semu mwakamulana ni maŵasa gawo, yiŵecheto yawo, soni madela ni mitundu jawo.
32 Gelega ni maŵasa ga ŵanache ŵa Nowa. Maŵasa gelega ŵagagaŵile pakujigalila msele wakupagwila soni mitundu jawo. Kutyochela mwa ŵanache ŵeleŵa, pakopweche mitundu josope jajabalalikangene pachilambo chosope chapasi panyuma pa Chigumula.