Masalimo
Kwa jwakulongolela nyimbo. Ajimbe nyimboji ni yida yangonji.
67 Mlungu chachitulosya umbone mtima soni chachitupa upile.
Jwalakwe chachitendekasya ngope jakwe kuti jituŵalile m’weji. (Selah)
2 Chachitenda yeleyi kuti chilambo chosope chapasi chimanyilile litala lyakwe,
Kuti mitundu josope ja ŵandu jimanyilile yakusatenda jwalakwejo pakulupusya.
3 Mitundu josope ja ŵandu jachimbichisye wawojo, wawo Mlungu.
Ŵandu wosope ŵachimbichisye wawojo.
4 Mitundu ja ŵandu jinyadile soni jigumile mwakusangalala,
Pakuŵa wawojo chachawelusya ŵandu mwachilungamo.
Wawojo chachijilongolela mitundu ja ŵandu ja pachilambo chapasi. (Selah)
5 Mitundu josope ja ŵandu jachimbichisye wawojo, wawo Mlungu.
Ŵandu wosope ŵachimbichisye wawojo.
6 Chilambo chapasi chichisogola yisogosi yakwe.
Mlungu, jwali Mlungu jwetu, chachitupa upile.
7 Mlungu chachitupa upile,
Soni ŵandu chachimjogopa* jwalakwejo kutyochela ku mbali syosope sya chilambo chapasi.