Masalimo
Kwa jwakulongolela nyimbo. Ajimbe nyimboji ni yakwimbila yangonji. Nyimbo ja Daudi.
4 Panguŵilanga, anjanje, wawo Mlungu jwangu jwachilungamo.
Ambanganyichisye litala lyakulupuchila* mu yisawusyo yangu.
Alosye kuti akusangalala ni une soni apikanile lipopelo lyangu.
2 Jemanja ŵanache ŵa ŵandu, ana chimnyosyeje uchimbichimbi wangu mpaka chakachi? (Selah)
Ana chimnonyeleje yindu yangali mate soni kusosasosa yindu yaunami mpaka chakachi?
3 Mmanyilile kuti Yehofa chachimtendela yindu yapadela jwakulupichika jwakwe.*
Yehofa chachipikana pachinjimŵilanga. (Selah)
4 Mtumbile, nambo mkalemwa.
Mŵecheteje mumtima mwenu mli pabedi* jenu soni mtame jii. (Selah)
5 Mpelecheje mbopesi kwa Mlungu ni mtima wambone,
Soni mumkulupilileje Yehofa.
6 Pana ŵandu ŵajinji ŵakuŵecheta kuti, “Ana ŵani ŵampaka atulosye yindu yambone?”
Wawo Yehofa, akunde kuti kuŵala kwa ngope jawo kutuŵalile m’weji.
7 Agumbesye mumtima mwangu chisangalalo chekulungwa,
Kupunda chisangalalo cha ŵandu ŵakwete yagungula yejinji soni finyo jwasambano.
8 Chinjigona mwamtendele ni kulupata lugono,
Pakuŵa wawo Yehofa, wawojo jika ni ŵakusangamuchisya kuti ndameje mwamtendele.