Masalimo

150 Amchimbichisye Ya!*

Mumchimbichisye Mlungu pamli kumalo gakwe geswela.

Mumchimbichisye jwalakwejo jemanja ŵamli pasi pa kwiwunde papakusalosya* machili gakwe.

 2 Amchimbichisye jwalakwejo ligongo lya masengo gakwe gamachili.

Amchimbichisye jwalakwejo ligongo lya ukulu wakwe wangali malile.

 3 Amchimbichisye jwalakwejo mwakwimba lipenga lyamsengo.

Amchimbichisye jwalakwejo ni yida yangonji yamitundu jiŵili.

 4 Amchimbichisye jwalakwejo ni kagoma soni ali mkuŵina mwakusyungulila.

Amchimbichisye jwalakwejo ni yida yangonji yakulekanganalekangana soni yitolilo.

 5 Amchimbichisye jwalakwejo ni yakwimbila yakulila chenene yakusyungulila yakuwoneka mpela mbale.

Amchimbichisye jwalakwejo ni yida yakwimbila yakusyungulila yakuwoneka mpela mbale yakusona mnope.

 6 Chaumi chilichose chimchimbichisye Ya.

Amchimbichisye Ya!*