Masalimo
Nyimbo ja Daudi.
110 Yehofa ŵasalile Ambuje ŵangu kuti:
2 Yehofa chachitendekasya kuti ndodo jenu jaumwenye jikayiche ku madela gane kutyochela ku Siyoni. Jwalakwe chachimsalila mmwejo kuti:
“Mjawule pasikati pa adani ŵenu kuti mkagomeche.”
3 Ŵandu ŵenu chachilipeleka mwakusaka kwawo palisiku lyachimchalongolelaga asilikali ŵenu ku ngondo.*
Gulu ja ŵachinyamata, ŵali mpela mangame gakundaŵindaŵipe, jikumkamuchisya mmwejo.
Jemanjaji ali ŵapadela kwa une soni ali ŵakusalala.
4 Yehofa alumbile, soni ngasachenga nganisyo syakwe* pa yalumbileyo. Alumbile kuti:
“Mmwejo mli jwakutaga mbopesi mpaka kalakala,
Mpela muŵaŵelele Melekisedeki!”
5 Yehofa chachiŵa kumkono wenu wamlyo.
Jwalakwe chachigakasanya mamwenye palisiku lyachachilosya kutumbila kwakwe.
6 Jwalakwe chachijiwelusya* mitundu ja ŵandu.
Chachigumbasya chilambo chapasi ni mitembo ja ŵandu.
Chachimkasanya jwakulongolela jwa* chilambo chekulungwa.*
7 Jwalakwe* chachimwa mesi m’lusulo lwa mumbali mwa msewu.
Myoyo, jwalakwe chachijimusya mtwe wakwe mwinani.