Masalimo
Nyimbo ja Daudi.
26 Wawo Yehofa, awelusye une, pakuŵa njesile mwakulupichika.
Une namkulupilile Yehofa mwangatenganyika.
2 Ambungunye une, wawo Yehofa, soni alinje.
Aswejesye mtima wangu soni nganisyo syangu sya pasi pamtima.*
3 Pakuŵa chinonyelo chawo chakulupichika chili pameso pangu ndaŵi syosope.
Soni ngusajenda mwakamulana ni maloŵe gawo gagali gasyesyene.
5 Jwanganonyela kuŵa pampepe ni ŵandu ŵakusakala,
Soni jwangasaka kukunguluka* ni ŵandu ŵachabe.
6 Chinjinaŵa mmyala mwangu pakulosya kuti ndili jwangalemwa,
Soni chinjijenda mwakusyungulila malo gawo gakupelechela mbopesi pakwatindiŵalila, wawo Yehofa.
7 Chinjitenda yeleyi kuti pangwayamichila wawojo mwakwesya maloŵe, apikane
Soni kuti lalichile yakwamba masengo gawo gosope gakusimonjesya.
8 Yehofa, une ngusajinonyela nyumba jakusatama wawojo,
Malo gagagumbele ni uchimbichimbi wawo.
9 Akambyajila une kumpepe ni ŵandu ŵakulemwa
Kapena kunjonanga pampepe ni ŵandu ŵachiwawa,*
10 Ŵandu ŵele makono gawo gakusatenda yindu yakutesya sooni,
Soni ŵakusanonyela kuwonjedwa.*
11 Nambo une chinjijenda mwakulupichika.
Angulupusye* soni alosye une umbone mtima.