Masalimo

 2 Mawunde soni chipi chekulungwa chimsyungulile jwalakwejo.

Jwalakwejo akusalamulila mwagoloka soni mwachilungamo.*

 3 Moto ukusaŵa pasogolo pakwe

Mwamti ukusatinisya adani* ŵakwe kumbali syosope.

 4 Njasi syakwe sikusamesya pachilambo.

Chilambo chapasi chikusatetemela panyuma pakukuwona kumesyako.

 5 Matumbi gakusasungunukuka mpela masyega pameso pa Yehofa,

Pameso pa Ambuje ŵa chilambo chosope chapasi.

 6 Kwinani kukusawandisya chilungamo chakwe,

Soni ŵandu wosope akusawuwona uchimbichimbi wakwe.

 7 Wosope ŵakusayitumichila yiwanichisyo yakusepa ŵatesye sooni,

Elo, wosope ŵakusalilapilila ligongo lya milungu jawo jangali masengo.

 8 Siyoni apikene soni akusangalala.

Matawuni ga ku Yuda* gakusangalala

Ligongo lyakawelusye kawo ka chilungamo, wawo Yehofa.

 9 Pakuŵa pachilambo chosope chapasi, wawojo Yehofa ni ŵali Jwakwinani Mnope.

Wawojo ali ŵapenani mnope kujipunda milungu jine josope.

Pakuŵa jwalakwe akusawulolela umi wa ŵakulupichika ŵakwe.

Akusiŵakulupusya jemanjajo mmyala mwa* ŵakusakala.

11 Kuŵala kwaŵalile ŵakulungama

Soni kusangalala kwayichile ŵandu ŵagoloka mtima.

12 Msangalale mwa Yehofa, jemanja ŵamli ŵakulungama,

Soni mliyamichileje lina lyakwe lyeswela.*