Nehemiya

7 Panagambile kumalisya kutaŵasoni lutenjelo, naŵisile matanga gakwe. Kaneko nasagwile ŵandu kuti aŵe alonda ŵapageti soni ŵakwimba, nambosoni nasagwile Alefi. 2 Kaneko namsagwile mlongomjangu Hanani yimpepe ni Hananiya juŵaliji jwakulongolela jwa nyumba jakola yakulichenjela kuti aloleleje msinda wa Yelusalemu. Yaliji myoyo ligongo Hananiyajo jwaliji mundu jwakulupichika soni jwakumjogopa Mlungu kupunda ŵandu ŵane ŵajinji. 3 Myoyo une nasalile jemanjajo kuti, “Mageti ga msinda wa Yelusalemu gakawugulidwaga mpaka musi.* Alonda pakulondela, awugaleje matanga ga magetigo ni yakuwugalila yakwe. Nambosoni mwasaguleje ŵandu ŵakutama mu Yelusalemu muno kuti aŵeje achilonda. Ŵane alondeleje pamalo gawo gaŵapele kuti alondeleje, soni ŵane alondeleje kusogolo kwa nyumba syawo.” 4 Msindawo wakwete malo gejinji, waliji wekulungwa soni mwaliji ŵandu ŵamnono, nambosoni ŵaliji mkanaŵe kutaŵasoni majumba.

5 Nambo Mlungu jwangu ŵaŵisile nganisyo mumtima mwangu kuti nasonganganye ŵandu ŵakuchimbichika soni ŵakulongolela pampepe ni ŵandu wosope ni kwalemba mena gawo mwakuya mbumba* syawo. Kaneko napatile buku jajakwete mena gagalembedwe mwakuya mbumba sya ŵandu ŵaŵayiche kandanda kutyochela ku ukapolo. M’bukumo ŵalembilemo ayi:

6 Aga ni mena ga ŵandu ŵa mu chigawo* ŵele ŵayiche kutyochela ku ukapolo. Jemanjaji ni ŵele Mwenye Nebukadinesala jwa ku Babulo ŵajigele kwawula nawo ku ukapolo, soni ŵele panyuma pakwe ŵawujile ku Yelusalemu ni ku Yuda. Jwalijose ŵawujile kumsinda wakwe. 7 Ŵandu ŵeleŵa ŵayiche ni Selubabele, Yesuwa, Nehemiya, Asaliya, Lamiya, Nahamani, Moledekayi, Bilisani, Misipeleti, Bigifayi, Nehumu soni Baana.

Chiŵalanjilo cha achalume ŵa ku Isalayeli chaliji achi: 8 ŵanache ŵa Palosi ŵaliji ŵakwana 2,172. 9 Ŵanache ŵa Sefatiya ŵaliji ŵakwana 372. 10 Ŵanache ŵa Ala ŵaliji ŵakwana 652. 11 Ŵanache ŵa Pahati-moabu, ŵanache ŵa Yesuwa soni ŵanache ŵa Yowabu ŵaliji ŵakwana 2,818. 12 Ŵanache ŵa Elamu ŵaliji ŵakwana 1,254. 13 Ŵanache ŵa Satu ŵaliji ŵakwana 845. 14 Ŵanache ŵa Sakayi ŵaliji ŵakwana 760. 15 Ŵanache ŵa Binuyi ŵaliji ŵakwana 648. 16 Ŵanache ŵa Bebayi ŵaliji ŵakwana 628. 17 Ŵanache ŵa Asigadi ŵaliji ŵakwana 2,322. 18 Ŵanache ŵa Adonikamu ŵaliji ŵakwana 667. 19 Ŵanache ŵa Bigifayi ŵaliji ŵakwana 2,067. 20 Ŵanache ŵa Adini ŵaliji ŵakwana 655; 21 Ŵanache ŵa Ateli ŵaŵatyochele mwa Hesekiya ŵaliji ŵakwana 98. 22 Ŵanache ŵa Hasumu ŵaliji ŵakwana 328. 23 Ŵanache ŵa Basayi ŵaliji ŵakwana 324. 24 Ŵanache ŵa Halifu ŵaliji ŵakwana 112. 25 Ŵanache ŵa Gibiyoni ŵaliji ŵakwana 95. 26 Achalume ŵa ku Betelehemu soni ku Netofa ŵaliji ŵakwana 188. 27 Achalume ŵa ku Anatoti ŵaliji ŵakwana 128. 28 Achalume ŵa ku Beti-asimafeti ŵaliji ŵakwana 42. 29 Achalume ŵa ku Kiliyati-yelimu, ku Kefila soni ku Beeloti ŵaliji ŵakwana 743. 30 Achalume ŵa ku Lama soni ku Geba ŵaliji ŵakwana 621. 31 Achalume ŵa ku Mikimasi ŵaliji ŵakwana 122. 32 Achalume ŵa ku Beteli soni ku Ai ŵaliji ŵakwana 123. 33 Achalume ŵa ku Nebo ŵaliji ŵakwana 52. 34 Ŵanache ŵa Elamu jwine ŵaliji ŵakwana 1,254. 35 Ŵanache ŵa Halimu ŵaliji ŵakwana 320. 36 Ŵanache ŵa Yeliko ŵaliji ŵakwana 345. 37 Ŵanache ŵa Lodi, Hadidi soni Ono ŵaliji ŵakwana 721. 38 Ŵanache ŵa Senaya ŵaliji ŵakwana 3,930.

39 Winji wa ŵakutaga mbopesi waliji awu: ŵanache ŵa Yedidaya ŵa m’nyumba ja Yesuwa ŵaliji ŵakwana 973. 40 Ŵanache ŵa Imeli ŵaliji ŵakwana 1,052. 41 Ŵanache ŵa Pasuhuli ŵaliji ŵakwana 1,247. 42 Ŵanache ŵa Halimu ŵaliji ŵakwana 1,017.

43 Winji wa Alefi waliji awu: ŵanache ŵa Yesuwa ŵa m’liŵasa lya Kadimiyele ŵaŵatyochele mwa ŵanache ŵa Hodefa ŵaliji ŵakwana 74. 44 Winji wa ŵandu ŵakwimba waliji awu: ŵanache ŵa Asafu ŵaliji ŵakwana 148. 45 Winji wa alonda ŵapageti waliji awu: ŵanache ŵa Salumu, ŵanache ŵa Ateli, ŵanache ŵa Talimoni, ŵanache ŵa Akubu, ŵanache ŵa Hatita soni ŵanache ŵa Sobayi, wosope ŵaliji ŵakwana 138.

46 Ŵandu ŵakutumichila panyumba ja Mlungu* ŵaliji aŵa: ŵanache ŵa Siha, ŵanache ŵa Hasufa, ŵanache ŵa Tabayoti, 47 ŵanache ŵa Kelosi, ŵanache ŵa Siya, ŵanache ŵa Padoni, 48 ŵanache ŵa Lebana, ŵanache ŵa Hagaba, ŵanache ŵa Salimayi, 49 ŵanache ŵa Hanani, ŵanache ŵa Gidele, ŵanache ŵa Gahali, 50 ŵanache ŵa Leaya, ŵanache ŵa Lesini, ŵanache ŵa Nekoda, 51 ŵanache ŵa Gasamu, ŵanache ŵa Usa, ŵanache ŵa Paseya, 52 ŵanache ŵa Besayi, ŵanache ŵa Meunimu, ŵanache ŵa Nefusesimu, 53 ŵanache ŵa Bakibuki, ŵanache ŵa Hakufa, ŵanache ŵa Halihuli, 54 ŵanache ŵa Basiliti, ŵanache ŵa Mehida, ŵanache ŵa Halisa, 55 ŵanache ŵa Balikosi, ŵanache ŵa Sisela, ŵanache ŵa Tema, 56 ŵanache ŵa Nesiya soni ŵanache ŵa Hatifa.

57 Ŵanache ŵa ŵakutumichila ŵa Solomoni ŵaliji aŵa: ŵanache ŵa Sotayi, ŵanache ŵa Sofeleti, ŵanache ŵa Pelida, 58 ŵanache ŵa Yaala, ŵanache ŵa Dalikoni, ŵanache ŵa Gidele, 59 ŵanache ŵa Sefatiya, ŵanache ŵa Hatili, ŵanache ŵa Pokeleti-hasebayimu soni ŵanache ŵa Amoni. 60 Ŵandu wosope ŵakutumichila pa nyumba ja Mlungu soni ŵanache wosope ŵa ŵakutumichila* ŵa Solomoni ŵaliji ŵakwana 392.

61 Papalisoni ŵane ŵaŵayiche kutyochela ku Teli-mela, ku Tele-halisa, ku Kelubi, ku Adoni soni ku Imeli. Nambo jemanjaji ŵalepele kusala msela wakupagwila wa achinangolo ŵawo soni kuŵatyochele ni chakulinga chakuti yimanyiche naga ŵaliji Ayisalayeli kapena iyayi: 62 Jemanjaji ŵaliji aŵa: ŵanache ŵa Delaya, ŵanache ŵa Tobiya soni ŵanache ŵa Nekoda, wosope ŵaliji ŵakwana 642. 63 Papalisoni ŵakutaga mbopesi aŵa: ŵanache ŵa Habaiya, ŵanache ŵa Hakosi soni ŵanache ŵa Balisilayi. Balisilayi jweleju ni juŵalombele jumo mwa ŵanache ŵa Balisilayi jwa ku Giliyadi. Kaneko jwalakwe jwatandite kumanyika ni lina lya akwegwe ŵakweŵa. 64 Mena ga jemanjaji ŵagawungunyisye mu buku ja mbili kuti alole msela wawo wakupagwila nambo nganigasimanikwamo. Myoyo jemanjaji nganaŵa ŵakuŵajilwa kuti atumichileje mpela ŵakutaga mbopesi.* 65 Sambano bwanamkubwa* ŵasalile jemanjaji kuti ngakusosekwa kulya yindu yayili mituka jeswela mpaka pali pasimanikwe kaje jwakutaga mbopesi jwampaka akamulichisye masengo Ulimu ni Tumimu.

66 Chiŵalanjilo cha ŵandu wosope chaliji chakwana 42,360, 67 ngaŵalanjila achalume soni achakongwe ŵaŵaliji achikapolo ŵele wosope pamo ŵaliji ŵakwana 7,337. Papalisoni achalume ni achakongwe ŵakwimba ŵakwana 245. 68 Jemanjaji ŵakwete mahachi gakwana 736, abulu ŵakulungwakulungwa ŵakwana 245, 69 ngamila syakwana 435 soni abulu ŵamwanamwana ŵakwana 6,720.

70 Papalisoni ŵakulongolela ŵa nyumba sya maŵasa ga achinangolo ŵawo ŵele ŵapeleche yindu yakamuchisya pamasengogo. Bwanamkubwa* jwapeleche madalakima* gagolide gakwana 1,000, mbale 50 syamsimbo, soni mikanjo jakuwala ŵakutaga mbopesi jakwana 530. 71 Nambosoni ŵakulongolela ŵane ŵa maŵasa ga nyumba sya achinangolo ŵawo ŵapeleche madalakima gagolide gakwana 20,000, soni ŵapeleche mamina* gasilifa gakwana 2,200 ku msaku wakusunjila chipanje. 72 Soni ŵandu ŵane ŵakusigalawo ŵapeleche madalakima gagolide gakwana 20,000, mamina gasilifa gakwana 2,000, soni mikanjo jakuwala ŵakutaga mbopesi jakwana 67.

73 Myoyo ŵakutaga mbopesi, Alefi, alonda ŵapageti, ŵakwimba, ŵandu ŵane, ŵakutumichila panyumba ja Mlungu* soni Ayisalayeli ŵane wosope ŵatemi m’misinda jawo. Pawakwanaga mwesi wa 7, Ayisalayeli ŵaliji ali atamilichiche m’misinda jawo.