Masalimo

Mumchimbichisye jwalakwejo, jemanja ŵakutumichila ŵa Yehofa.

Mlichimbichisye lina lya Yehofa.

 2 Lina lya Yehofa lichimbichikwe

Kutandila apano mpaka kalakala.

 3 Lina lya Yehofa lichimbichikwe,

Kutandila kungopokolyuŵa mpaka kungapililolyuŵa.

 4 Yehofa ali penani pa mitundu josope.

Uchimbichimbi wakwe uli wekulungwa mnope kupunda kwinani.

 5 Ana ŵani ŵampaka alandane ni Yehofa Mlungu jwetu

Jwakusatama* kwinani?

 6 Jwalakwe akusajinama kuti akuwone kwinani soni chilambo chapasi

 7 Ni chakulinga chakuti amjimusye jwakutuluka kutyochela paluwundu.

Jwalakwe akusiŵatyosya ŵakulaga paliwunjili lya liwu*

 8 Kuti amtamiche jwalakwejo yimpepe ni ŵandu ŵakuchimbichika,

Elo, yimpepe ni ŵandu ŵakuchimbichika pasikati pa ŵandu ŵa Mlungu.

 9 Jwalakwe akusatendekasya jwamkongwe jwangaŵeleka kukola ŵanache*

Ni kusangalalaga ni ŵanache ŵakwewo m’nyumba mwakwe.