Masalimo
99 Yehofa aŵele Mwenye. Ŵandu wosope atetemele.
Jwalakwe akusatama pampando waumwenye penani* pa Akelubi. Chilambo chapasi chitenganyiche.
2 Yehofa ali jwamkulungwa mu Siyoni,
Soni jwalakwe ali penani pa mitundu josope ja ŵandu.
3 Ŵandu wosope alichimbichisye lina lyawo lyekulungwa,
Pakuŵa lili lyakutesya woga soni lyeswela.
4 Jwalakwe ali mwenye jwamachili jwakusanonyela chilungamo.
Wawojo ŵasitamilikasisye mwakulimbangana ndamo syawo syagoloka.
Wawojo ŵatendekasisye kuti chilungamo soni yindu yayili yakuŵajilwa yitendekweje kwa Yakobo.
5 Amchimbichisye Yehofa Mlungu jwetu soni amtindiŵalile pasogolo pa chakupondapo sajo* syakwe.
Jwalakwejo ali jwamswela.
6 Mose soni Aloni ŵaliji ŵane mwa ŵakutaga mbopesi ŵakwe.
Soni Samuyele ŵaliji jumo mwa ŵandu ŵaŵaŵilangaga pa lina lyakwe.
Jemanjaji ŵaŵilangaga pa Yehofa,
Soni jwalakwejo ŵajangaga.
7 Jwalakwejo ŵaŵechetanaga ni jemanjajo kupitila mu liwunde lyakwima mpela chipilala.
Jemanjajo ŵapikanilaga yindu yaŵakumbusyaga soni malamusi gaŵapaga.
8 Wawojo ŵajangaga jemanjajo, wawo Yehofa Mlungu jwetu.
Wawojo ŵaliji Mlungu juŵakululuchilaga jemanjajo.
Nambo ŵapele chilango* jemanjajo ligongo lya yakulemwa yaŵatendaga.
9 Amchimbichisye Yehofa Mlungu jwetu
Soni amtindiŵalile jwalakwejo pasogolo pa litumbi lyakwe lyeswela,
Pakuŵa Yehofa Mlungu jwetu ali jwamswela.