Masalimo

Yili yambone kwimba nyimbo syakumchimbichisya* Mlungu jwetu.

Yili yakusangalasya soni yakuŵajilwa kumchimbichisya jwalakwejo.

 2 Yehofa akutaŵa Yelusalemu.

Jwalakwe akwasonganganya pampepe Ayisalayeli wosope ŵaŵabalalikangene.

 3 Jwalakwe akusiŵaposya ŵandu ŵa mitima jekasiche.

Jwalakwe akusataŵa maŵanga gawo.

 4 Jwalakwe akusasiŵalanga ndondwa syosope,

Soni ndondwa jilijose akusajikolanga pakujisala lina lyakwe.

 5 Ambuje ali ŵakulungwa soni ŵamachili mnope.

Soni kupikanichisya kwawo yindu kwangali malile.

 6 Yehofa akusiŵakwesya ŵandu ŵakufasa,*

Nambo ŵandu ŵakusakala akusiŵatulusya pasi.

 7 Amjimbile Yehofa nyimbo syakumyamichila.

Amjimbile Mlungu jwetu nyimbo syakumchimbichisya ni chakwimbila changonji,

 8 Elo, jwele jwakusakuwunichila kwinani ni mawunde,

Soni jwele jwakusagwisya wula pachilambo chapasi,

Nambosoni jwakusagatendekasya manyasi kumela m’matumbi.

 9 Jwalakwe akusapeleka yakulya kwa yinyama,

Elo, kwa ŵanache ŵa makungulu ŵakusaŵenda yakulya kwa jwalakwejo.

10 Machili ga hachi akusagawona kuŵa gangasosekwa.

Soni jwalakwe jwangajigalika ni ngongolo syamachili sya mundu.

11 Yehofa akusasangalala ni ŵandu ŵakusamjogopa jwalakwejo,

Ŵandu ŵele ŵakusajembecheya kwa jwalakwejo kuti ŵalosye chinonyelo chakwe chakulupichika.

13 Jwalakwe akusalimbisya yisyano yakuwugalila mageti genu,

Soni akusiŵapa upile ŵanache ŵenu ŵachalume ŵali mwa mmwejo.

14 Jwalakwe akusayikasya mtendele m’chilambo chenu,

Soni akusampa mmwejo tiligu jwakwanila jwambone mnope.

15 Jwalakwe akusachilamula chilambo chapasi,

Soni maloŵe gakwego gakusawutuka mnope.

16 Jwalakwe akusagwisya mesi gekamulane gagakusaŵa mpela nguwo jaubweya* weswela.

Mesi gekamulane, jwalakwe akusagamwasanya mpela liwu.

19 Jwalakwe akusawandisya maloŵe gakwe kwa Yakobo,

Elo, malamusi soni yakulamula yakwe kwa Isalayeli.

20 Pangali mtundu wine uliwose waŵawutendele jwalakwe yindu mpela yeleyi.

Mitundu jinejo jangamanyilila yakulamula yakwe yiliyose.